GOBERT
Sire, il est bien la vérité Qu'on ne me fait que tarier D'une fille qu'ay marier.
Entre les autres la requiert Un homme qui avoir ne quiert 365
Seulement fors que je la veste Et que li doingne un lit honneste ; ig4 à Et je n'ay de quoy, par ceste ame !
Pour Dieu, sire, et pour nostre dame, Vueilliez de povreté rescourre 370
La fille et du vostre secourre, Si qu'elle puist estre assenée Et a ce preudomme donnée Qui la demande.
Le bourgeois Biaux amis, j'oy bien ta demande : 375
D'une grant chose me requiers,
Qui robe et lit demande et quiers
De moy : qu'i sui je tenuz? point.
Mais pour ce que pitié me point, 38o Je te diray que je feray.
Vint livres touz sez te donrray
Pour le bien et l'avancement
De ta fille en accroissement
De son mariage. Or entens.
385 Je les vois querre ; icy m'atens ;
En l'eure revenray a toy.
Tien : dy qu'elle prie pour moy, Et toy aussi.
Gobin
Ha 1 sire, Diex par sa mercy 3go Le vous vueille rendre a cent doubles !
De grans pensées et de troubles
Et de grant soing, c'est chose voire,
Jette m'avez. En la Dieu gloire
Vous soit guerredonné ce fait 395 Et ce hault don que m'avez fait!
A Dieu, chier sire ! .
Le bourgeois
Vas a Dieu, vas, qui te gart d'ire, Mon ami doulx.
Un voisin Goubert voisin, d'où venez vous?
400 Avis m'est, a vostre manière,
Que vous faites trop meilleur chiére Que je ne vous vy pieça faire.
Conment se porte vostre affaire, Ne dont venez ?
Gobert ig5 a
405 Mais que secret vous le tenez,
Voisin, dont je vien vous diray,
XXXV UN MARCHANT ET UN JUIF l85
Ja de mot ne vous mentiray. - Vous savez ma fille est ja grant, Et je scé tel qui moult engrant Est de l'avoir et s'est riche homme, 410
N'il ne demande point de somme D'argent, mais sanz plus li souffist Qu'elle ait une robe et un lit Selon son estât souffisant, Qui m'a esté le cuer cuisant 41 5
Trop, ce sachiez, car je n'avoie De quoy l'avoir, ne ne savoie Conment de ce finer peusse Pour chose que faire sceusse, Ne tant y sceusse viser, 420
Tant que Diex m'a fait aviser De sire Audri ou j'ay esté Et a qui j'ay mon fait compté ; Et le vaillant et bon preudomme En deniers m'a baillié la somme 425
De vint livres dont m'a fait don (Le vray Dieu l'en soit guerredon ! ), Dont ma fille marieray.
Le marchiéconfermer yray Sanz plus detrier maintenant; 43o
Ne me vueil plus éstre tenant - Icy endroit.
Un voisin Alez a Dieu ; vous avez droit ; Mais tant di je, voz noces faites, * Se vous corne bon homme faittes, 435
Gardez bien que pas n'obliez Qu'a vostre fille ne diez Conmant souvent sanz detrier .
Devra pour le bourgeois prier Qui. tant son mariage avance ; 440
Aussi devrez vous sans doubtance :
l86 MIRACLE DE
Tenuz y estes.
GoBERT
C'est voir, A Dieu, voisin! bien faites ip5 b De le moy si amantevoir, * 445 Et j'en feray bien mon devoir,
Ja n'en doubtez.
Un mesnàgier Sire Audry, deux moz : escoutez Un petit homme que je sui, Et pour Dyeu n aiez a ennuy 45o Mon parler, sire.
Le bourgeois Biaux amis, ce que tu veulz dire, Dy le me brief.
LE MESNAGIER
Sire, je suis a tel meschief
C'om me quiert pour em prison mettre.
455 Je doy a un homme sur lettre
Environ vint livres toùrnoys.
Qu'il vous plaise jusqu'à un mois
A les me prester, sire doulx,
Et la lettre soit devers vous 460 Tant que les vous aie renduz,
Ou autrement je suis perduz Certainement.
Le bourgeois
Biaux amis, sachiez vraiement
J'ay tant donné et tant preste 465 Que je n'ay mais en vérité
Riens qui soit, tant me sui destruiz ;
Et saches que mais je ne truiz
Nul qui me vueille riens prester,
Si que vaz ailleurs emprunter :
470 N ? ay mais de quoy .
Le mesnagikr
Par foy, sire, ce poise moy.
Mais s'estre peut que voulsissiez Qu'a ce besoing cy m'aidissiez, Je ne doubt point que n'en finasse Si que briefment m'en acquittasse 475
Par quelque voie.
Le bourgeois
Saches, amis, se Diex me voye, ig$ c Je suis a tel estât venuz
Que vray povre sui devenuz,
N'en doubtez point. 480
Le menagier
Ore, sire, en aussi bon point Et en aussi bon estât mettre Vous vueille Diex com soliez estre !
Et puis qu'a vous ne puis riens faire, A Dieu I ne vous vueille desplaire : 485
Je vois ailleurs.
Un AUTRE MENAGIER
Elas ! je perdray les meilleurs
Gages que j'eusse au jour d'uy,
Dont j'ay a mon cuer grant annuy ,
S'il n'est ainsi que les rachate ; 490
Et je ne sçay ou je m'embate
A ce que ne les perde pas.
E ! par foy, je m'en vois bon pas
Chiez sire Audry ; j'ay espérance
Qu'il en fera pour moy finance 495
Si que je ne les perdray point.
Je le voy la, c'est bien a point.
Descouvrir li vois mon fait. Sire,
Plaise vous oir moy ce dire ,
Qui ou cuer m'est. Soo
5io
Le bourgeois Dites, amis, je vous promet Voulentiers vous escouteray, Et selon ce vous respondray
Que me direz.
Deuxiesme menagier Sire, com dolens et irez Vous dy que j'ay gages es mains Des Juifs, et se hui ne sont rains, Ils sont miens perduz vraiement.
Si vous suppli tant humblement Com je puis que les rachetez, Et s'en voz mains sont, ne doubtez Que dedanz huit jours tant feray Que vostre argent vous renderay Entièrement.
Le bourgeois Amis, je te dy vraiement, Maintes foiz ay preste, c'est voir, Pour Dieu ; mais saches mon avoir M'est si failli que n'ay denier, Si que je te pri et requier Ne me demandez riens, amis.
Je suis povres et au bas mis,
C'est a court plait.
Deuxiesme menagier Non estes, sire, se Dieu plaist. Pour l'amour Dieu, ne vous desplaise Se m'avez dit vostre mesaise :
A mon pouoir la celeray, Et querre ailleurs chevance yray.
Chier sire, a Dieu!
Le bourgeois Et ! sainte Marie, en quel lieu Pourray finance recouvrer, Ne conment pourray mais ouvrer ?
igSi
*XXV UN MARCHANT ET UN JUIF l8g
Bien sui du hault au bas venuz.
Riches soloie estre tenuz ; Si estoie je veraiement, Mais largesce trop largement 535
Et trop souvant m'a fait donner Le mien et trop habandonner.
Mais je treuve bien qui m'arreste, Je ne treuve homme qui me preste, Ains me dit chascun : « Paie moy. » 540 Las ! dolent, et je n'ay de quoy, Dont souvent sui tristes et mas.
Ha ! Fortune, conme tu m'as A ce cpp du hault de ta roe Jette jus et mis en la boe ! 545
Trop as pris vers moy grant rancune Et trop m'es diverse et enfrune, Quant tant me fais honte et annuy.
N'ay que donner a moy n'autruy, Ne nulz n'a m'acointance chiére, 55 o
Ains me tourne chascun la chiére ; Et ceulx a qui j'ay plus fait bien, Ceulx me tiennent plus vilz q'un chien.
Et de ceulx sui plus desprisié 196 a Dont plus soloie estre prisié 555
Et en eulx ay je mains d'espoir, Dont a po que ne desespoir Du dueil que j'ay et de la honte; Et puis qu'ainsi est, a brief conte, Que ne me sçay ou espérer, 5 60
Jouer vueil au désespérer Conme dolens et courroucié.
Je m'en vois parler a Moussé; C'est le juif, pour vérité, Plus riche de ceste cité. 565
Ne puis de li qu'estre escondiz.
Moussé, je te pri qu'a mes diz
igO MIRACLE DE XXXV
Un po entendes.
Le juif
Voulentiers, mais que tu ne tendes 570 Moy décevoir.
Le bourgeois
NaniL Moussé, saches de voir,
J'ay esté fol et deceuz.
De mon avoir sui decheuz
Par le donner trop largement, 575 Et trestouz ceulx onniement
A qui j'ay plus de grans biens fait,
A ceulx ây failli tout de fait.
Je sui marchant, a dire voir.
Se me prestes de ton avoir 5 80 Qu'en denrées puisse emploier,
Je le cuit si multiplier
Qu'autre jamais n'emprunteray,
Et si bien le te renderay,
Moussé, voire, et si largement 585 Que gré m'en saras, vraiement;
De ce n'en doubtes.
Le juif
Crestien, un petit m'escoutes.
Pour ce qu'as si larges esté
Com tu diz, sui tout apresté 590 De toy prester assez avoir,
Mais que j'en puisse plaige avoir Ou gage, amis.
Le bourgeois xg6 b
Moussé, si m'ont arriére mis
Touz mes parens qu'en bonne foy 595 N'ont mais nulle cure de moy.
Nonpourtant je les ay touz faiz
Par ma largesce et par mes faiz.
Nyent moins telx sont au jour d'uy
Que ne me plaigeroit nullui 600 Ne ne s'i voulroit obligier,
Ne je n'ay gage a engagier ;
Mais je t'aray en convenant
Et te jureray maintenant
Sur ma foy et sur ma créance,
Sanz detri nul, sanz decepvance, 6o5
Qu'a celui jour que me donrras
Terme de paier tu ravras
Tout ton avoir.
Le juif Ainsi ne peuz tu riens avoir ; Scez tu pour quoy ? que j'ay doubtance 6 1 o Que ne failles de convenance,
C'est le premier.
Le bourgeois Ore je te pri et requier, Moussé, or entens a moy : puis Que gage ne plaige ne puis 6i5
Trouver n'avoir, pren, je t'en proy, Mon creatour en qui je croy, C'est Jhesu Crist, le roy des cieulx, Le roy des roys, le Dieu des dieux.
Sur li t'en tien, Moussé, biau frère, 620
Et sur sa doulce chiére mère, Que se tout ton avoir ne ras Au jour que tu me nommeras, Que ton serf seray de ma teste Et me pourras conme une beste 625
Vendre au marchié.
Le juif D'une grant charge t'es chargié, Ce semble, mais je ne croy mie Que ce Jhesus, filz de Marie, ig6 c Que clofichié ont en un fust 63o
Noz ancesseurs, onques Diex fust; Mais pour ce que de li est faitte Mencion que il fu prophète,
Se tu le mez en plaigerie 635 Que tu mon serf toute ta vie
Seras, se faulx de convenant, Je fi prendray tout maintenant, Vaille que vaille.
Le bourgeois
Moussé, tu as bien dit sanz faille, 640 Et je Taccort aussi, par marne.
Alons au moustier nostre dame ; Laie ferons.
Le juif
Alons tost. Quant nous y serons, Je verray que l'en me dira 645 Et conment l'on te plaigera.
Vaz devant, passes.
Le bourgeois
E ! doulce vierge, qui délasses
Et sequeurs touz ceulx qui te quiérent
Et qui d'umble cuer te requièrent 65o De l'anemi et de ses las,
Dame, sequeur ce povre las,
Et me jette, piteuse mère,
Hors de servage et de misère,
Car moult le doubte en mon courage.
655 Sa vien, Moussé. Par cest ymage
Te doing en pleige Jhesu Crist
Qui tout fist, ainsi est escript :
Il te plege tout ton avoir ;
Ne peuz nulz si bon pleige avoir, 660 Si gart Diex mon corps de meschance.
Met en ta main sanz delaiance
La main de cest ymage cy.
Cest bien. Or n'aies plus soussy De ton avoir.
XX&V UN MARCHANT ET UN JUIF ig3
Le JUIF
Il me souffist ores, pour voir, 665
Bon crestien.
ig6 d Le bourgeois
Puis qu'il te souffist, or est bien.
Moussé, ne te desplaise un poi.
Amoureux Jhesus, je vous proy
Et vostre doulce mère aussi, 670
D'umble cuer que s'il est ainsi
Que par aucun cas je moblie
Que ce juif ne paie mie,
Que vostre largesce estendez
Si que son avoir li rendez 6y5
Au jour nommé sanz detriance
Et acquittez vostre fiance
Et vostre plegerie, sire.
Car s'il n*est paiez, bien puis dire
Si tost qu'un jour trespasseray, 680
Son serf de ma teste seray
A touz les jours de mon aage :
Sur sains li jur et sur t'ymage,
Biau sire Diex.
Le juif Ce que plourer te voy des yex 685
Me fait grant pitié vraiement.
Partons de cy. Sus, alons ment.
Baillier te vueil ce que te doy Prester. Amis, tien : par ma loy, Vezcy mil livres bien comptez, 690
Touz en or. Or fais qu'amontez Puisses estre brief d'autre mille, Si c'on te tiengne par la ville Pour homme sage.
Le bourgeois C'est bien m'entente et mon courage, 695
T VI l3
Moussé, de tellement ouvrer Que du tout puisse recouvrer Et mon honneur et mon estât.
Sanz plus faire cy de restât, 700 Maintenant pren congié de vous.
A Dieu vous conmant, ami doulx,
Jusqu'au veoir.
Le juif Vas : Dieu te vueille pourveoir,
Bon crestien. igj a
Le bourgeois 705 Or cognoiz je maintenant bien
Que povre homme est touz jours bas mis,
Et que nul ne li est amis
S'il n'est riches et plain d'avoir.
Des parens peut il bien avoir, 710 Mais si tost conme il a deffault .
Et qu'est povre, chascun li fault.
Et si voy bien que j'ay gasté
Le mien par prodigalité
Et par trop folement despendre.
71 5 Si vueil dès ores mais entendre
Miex que n'ay fait a marchander
Et ce qu'ay acroistre et garder,
S'il plaist a Dieu, tant qu'il aviengne
Qu'en mon premier estât reviengne 720 Et que puisse de mon acquest
Rendre au juif ce qui sien est
Et faire bonté par dessus.
Si feray je, se Dieu plaist. Sus,
Biaux seigneurs, sanz plus prolongnier 725 Touz deux vous vueil embesongniei 1
Sanz plus cy estre.
JOSCET ESCUIER
Sire, tout prest sui de moy mettre
XXXV UN MARCHANT ET UN JUIF igS
A faire ce que me direz.
Sa! en quoy m'embesongnerez?
Monstrez le moy. 7Î0
Le bourgeois Or entens : je me fie en toy.
Hors du pais m'en vueil aler Marchander, c'est a brief parler.
Puis que Dieu m'a preste de quoy.
Tu demourras ici tout coy ; 735
Des denrées t'envoieray Et qu'ilz cousteront t'escripray Et combien vendre les devras, Com mon facteur que tu seras
En ce fait cy. 740
Joscet igj b Autre foiz l'ay j'este; aussi, Sire, encore quant le seray, Tant feray qu'onneur y aray En la parfin.
Je le scé bien. Et toy, Gobin, 745
Je vueil qu'avecques moy t'en viengnes Et que compagnie me tiengnes En ce voyage.
Gobin escuier Mon chier seigneur, de bon courage Feray toutes voz voulentez. 75o
Songneusement, ja n'en doubtez, Vous garderay.
Le bourgeois Alons men ; cy plus ne seray :
Mon ordenance ay mise a bout.
A Dieu, Joscet 1 gardes par tout 755
Tant que reviengne.
Joscet A Dieu, mon seigneur, qui vous tiengne
En santé de l'ame et du corps!
N'aray mais aise jusqu'à lors 760 Que vous revoye.
Gobin Sire, tournons par ceste voie Et en alons privéement Au moustier, car certainement C'est droiz qu'a Dieu nous conmandons y6b Et sa grâce li demandons
Tout avant euvre.
Le bourgeois Qui ainsi le fait moult bien euvre, Gobin, telle estoit bien m'en tente.
Alons y, alons sanz attente.
770 Hé! agenoillier me vueil cy.
Biau sire Dieu, je vous mercy
Et vous aour, c'est bien droiture/
Car je sui vostre créature,
Et vous estes mon créateur, 775 Mon gouverneur et mon docteur,
Qui tout avez créé de nient igj c
Et celui de qui tout bien vient,
Qui des pécheurs les justes fais.
Sire, de trestouz les biens faiz 780 Que vous m'avez faiz jusques cy
Vous et vostre mère gracy
De cuer et de voiz sanz faintise,
Et en voz mains ma marchandise,
Mon avoir, mon ame et mon corps 785 Reconmans, Dieu misericors.
Or le me donnés emploier
Si bien et tant multiplier,
En quelque pais que je truisse,
Qu'au juif acquitter me puisse, 790 Sire, et vous de vostre plevine.
Sus, alons men par amour fine, Sanz plus ci estre.
Gobert Vezcy a destre et a senestre :
Lequel yrons ?
Gobin, ce chemin cy prenrons, 793
Je le conseil.
Gobert Puis qu'il vous plaist, et je le vueil De cuer entier.
