XXXIV SAINTE BAUTHEUCH IO

De quanque avons ci divisé

A ce conseil. 855

Premier baron A vostre oppinion me vueil Tenir, sire, qu'elle me semble La meilleur ; et vous touz ensemble,

Qu'en dites vous?

Deuxiesme baron Je dy pour touz si faisons nous. 860

Or avant : nous sommes d'accort ; Qui fera au roy ce rapport ?

Regardons y.

Troisiesme baron Qui le fera? ce seigneur ci, Se j'en sui creu, le fera ; 865

Au roy bien dire le sara,

N'en fas point doubte.

Premier chevalier Or soit ; la compagnie toute En est d'accort. Sanz plus ci estre, Pensons de nous au chemin mettre 870

Devers le roy.

QUATRIESME BARON

Alons, mais c'est par vostre ottroy,

Seigneurs, que la parole preng

Qu'au roy diray; et se mespreng

A parler, que vous l'amendez. 875

Treschier sire, vous demandez

Que regardons qui bon sera

Qui vostre règne gardera,

Tant que ramené vous ait Diex :

Nous n'y savons homme qui miex 880

Le puisse ne doie garder,

Quant a proprement regarder,

Que vostre ainsné filz, ce nous semble;

Si vous requérons touz ensemble 885 Et prions qu'il vous vueille plaire, tjg b

Puis que ce chemin voulez faire, Qu'en lieu de vous le coronaez, Et du tout li abandonnez Vostre royaume a gouverner.

890 Jusques a vostre retourner

Tant seulement.

Le roy Seigneurs, je m'acors bonnement Et m'assens a vostre requeste ; Si vueil qu'en l'eure vous soit faitte.

895 Dame royne, or tost bonne erre

Envoiez me voz deux filz querre Par aucun ame.

Bautheuch Tantost, sire. Gênais 1

Gênais

Ma dame ?

Bautheuch Alez, sanz vous plus ci tenir, 900 Noz deux filz faire ici venir

Devant leur père.

Gênais Je vois, ma dame ; par saint Père, Assez tost vous les verrez ci.

Ma chiére dame, veez les ci go5 Touz deux, veez.

Le roy Ne vous sera pas deveés, Seigneurs, ce que m'avez requis ; Puis que vostre conseil ay quis, Je le tenray, soiez en fis.

910 Venez avant, mon ainsné filz :

En lieu de moy vous fas régent De mon royaume et de la gent ;