L^ ESCUIER
Tout devant le premier iray, Cest de raison.
Le mesel 410 Je voy venir de gent foison :
Mes cliquettes me fault faochier.
Vostre aumosne, mon seigneur chier, A ce malade.
JOSAPKAT
Tant est, seigneurs, laide et mausade 4 1 5 Celle chose que je la voy
Qu^esbahiz en suis touz par foy.
Quelle chose est ce ?
CXI BARLAAM ET JOSAPHAl 2bg
*•. Deuxiesme chevalier C'est un homme que moult apresse, Sire, mal de mesellerie, Qui sur toutes est maladie 420
Moult reprouvée.
JOSAPHAT
Puis qu'elle est en homme trouvée,
L'a donc chascun ?
Premier chevalier Nanil, sire, pas de cent un.
S'en chascun tel. mal se feroit 425
Ou autre damage, seroit
Trop malement.
JoSAPHAT
Donc congnoist on ceulx plainement
Qui tel mal ont a soustenir,
Ou viennent il sanz diffinir? 43o
Dites me voir.
Deuxiesme chevalier 238 d Sire, il n'est homme qui savoir Puist les choses qui sont a estre, Ne lay ne clerc, tant soit grant maistre
Ne bien lettré. 435
Un viel homme E ! Mahom, je croy je n'istré Jamais nul jour de ceste paine.
Viellesce a feibl^e me maine; Ne puis mais akr aanz baston.
Sire,^ donnez m'ua petit don, 440
Maille ou denier.
JoSAPHAT
Seigneurs, cest homme merveillier
Me fait plus qiUie l'autre devant.
A paine peut aler avant.
Biau preudon, dire me vueîUez 445
A droit : qu'est ce que babillez ?
Point ne Pentens.
Un yiel homme Mon doulx seigneur, la main vous tens.
Donnez m^aucune chose, sire.
45 o Autrement ne le vous puis dire,
Que trop sui viex*
JOSAPHAT
Je ne sçay quMl dit, par noz diex.
Laissons, alons men sanz detri, Et si me dites, doulx ami, 455 Pour quoy tielx est.
Le premier chevalier Ce qui en cest estât le met, Cest quMl a moult d^ans quMl fu nez, Car a tel estât destinez Sont vielles gens.
460 Et quelle est la fin ? Diligens
Sui du savoir.
Le premier chevalier La fin, sire, c'est la mort, voir, A quoy on vient,
JoSAPHAT
Or demande je s'il convient 465 Les uns morir, les autres non. 23 y a
Respondez m'a ceste raison Ce qu'en savez.
Deuxiesme chevalier Sire, ce point savoir devez :
Touz fault morir.
JoSAPHAT
470 Et dedans quans ans peut venir
La mort a homme?
Deuxiesme chevalier Certes quant homme vit la somme De quatre vins ans, dire l'ose,
Ou de cent au plus, c^est grant chose.
Lors de viellesce est ou conduit, 475
De la quelle la mort s^ensuit
Tantost après.
Peemier chevalier Du roy mon seigneur sommes près.
Je le voy la. A li alons Touz ensemble, et le saluons 480
Con devons faire.
JoSAPHAT
En ce ne pouons nous meffaire; Saluer le vueil le premier.
Mahon, mon père et seigneur chier,
Soit de vous garde. 485
Le roy
Fîlz, bien vegniez. Quant vous regarde,
Je suis touz liez, car il m'est vis
A la couleur de vostre vis Qu'estes tout sain.
JoSAPHAT
Mon seigneur, sachiez de certain 490
Qu'en moy point de filz n'eussiez Briément se vous me feissiez La tenir encore un petit.
J'ay perdu tout mon appétit :
Puis deux mois, c'est merveille grande, N'ay trouvé saveur en viande 495
Qu'aie mengié.
Le roy 23g b Biau sire, et je vous doin congié D'aler esbatre ou vous voulrez.
Gel hostel la pour vous prenrez, 5oo
Car je le vueil.
JoSAPHAT
Sîrc, je feray vostre vueil.
Tout maintenant donques iray.
Puis qu'il vous plaist, et y feray bo5 Mon tinel estre.
Premier chevalier Sire, ne vous pouez mîex mettre :
Je scé bien de pieça Tostel.
Regardez ; vezci un lieu bel Ou riens ne fault .
JOSAPHAT
5io Voir est : ici seoir me fault;
Et si vueil que vous deux issiez De ci et que vous m'i laissiez Seul une pièce.
L'escuier^ A chose nulle qui vous siesce, 5 1 5 Sire, ne contredirons pas.
Alons nous ent isnel le pas De ci endroit.
Premier chevalier Alons, tu diz bien et as droit ; Je le t'acors. .
JoSAPHAT
520 En moy ay touz jours se remors
Que vivre ne puis sans viellesce, Dont je suis moult esbahiz qu'est ce De vie d'omme : c'est un nient, Car com plus vit plus viex devient,
525 Plus vit et plus pert senz et force
Et plus la mort sur lui s'efforce. Après la mort que devient il ?
Je ne sçay. Hé 1 s'aucun soubtil Peusse trouver ne savoir
53o Qui m'en sceust dire le voir,
Moult me feust bel.
XXI BARLAAM ET JOSAPHAT ï63
Dieu 23p c Entens ça a moy, Gabriel, A fiarlaam de ci f en vas Et 11 diz quMl ne laisse pas Qu'au fil d'Avennîr roy ne viengne 535
Et quMl 11 monstre et li enseigne Conment aux biens celestiens Maine la foy des chrestiens Et quelle elle est. Or vas bonne erre.
Es desers de Sennar la terre 540
Demeure et est.
Gabriel D'obéir a vous sui tout prest, Pérc des cieulx, c'est bien raison.
Pour c'y vois sanz arrestoison.
Amis Barlaam, entens moy. 545
 Josaphat le filz du roy '
T'en vas. Dieu veult que li dénonces
La foy crestienne et prononces
Conment de la vierge nasqui
Homme qui est Diex, voire, et qui 55o
Toute chose forma de nient
Sanz lequel croire nul ne vient
Aux grans joies de paradis.
Or vas et si li monstre et dis :
Dieu le te mande. 555
Barlaam Loée en soit sa bonté grande !
Puis qu'il li plaist en l'eure iray.
Mais cest habit ci changeray Et prendray de marchant l'abit.
Cest fait. Vraiz Diex, a mon labit 5 60
Et a ma paine regardez Con vostre, sire, et me gardez De mal dire et de mal penser.
Amis, vueillez moy assenser 565 De ce que je vous vueil enquerre*
Marchant sui, qui ay une pierre
A vendre précieuse et fine,
Qui les avugles enlumine,
Qui fait oir les non oyans 570 Et fait parler les non parlans,
Et qui aux folz donne sagesce. 23g d
Conment peùsse avoir adresce
A ce qu^au filz du roy parlasse
Et que ma pierre li montrasse? 575 Dites le moy.
Uescuier
Un sage homme semblés par foy,
Amis, qui te voit ou visage;
Mais tu es folz en ton langage :
Onques pierre n'ot tel puissance.
5 80 J'ay bien en pierres congnoissance :
Or la me monstres, je f en pri,
Et scelle est telle, sanz detri
Je feray qu'a li parleras
Et qu'a grant honneur en venras :
585 De ce ne doubte.
Barlààm
Ma pierre est, amis, or escoute,
Telle, se saches de certain,
Que personne qui n'a l'ueil sain
Et entière chaasté ne garde, 590 S'il vient a ce qu'il la regarde,
Sa veue pert ysnel le pas.
Et je voy que sains yex n'as pas :
Pour ce la te vueil escondire.
Mais j'ay bien pour voir oy dire 595 Que tresbiaux yex, sains et nez, porte
Le filz du roy, et n'est pas morte ^ En li chaste.
Ll BARLAAM ET JOSAPHAT 205
Uescuier Puis qu^elle est telle en vérité.
Je ne quier point c^on la me monstre, Car ma chasteé est passée oultre 600
Et si n^ay mie bien sains yex.
Mais or entens ci pour ton miex.
Devant mon seigneur te menray Maintenant, et si li diray Ton fait. 6o5
Mon chier seigneur, vezci Un marchant qui, seue mercy, Vous apporte une telle pierre Que je cuide qu^en nulle terre, 1.0 a A ce quMl dit, n^ait la pareille.
Cest noble chose et grant merveille 610
De ses vertuz.
JoSAPHAT
Amis, bien soiez vous venuz.
De vostre venue ay grant joie.
Pourroit il estre que je voie Celle pierre que vous avez ? 61 5
Je vueil qu^enprès moy vous seez :
Venez avant.
Barlaam Chier sire, honneur me faites grant, Que n'avez pas ma petitesse Regardé, mais a la largesse 620
De vostre grant beninité, Et c^est bien fait en vérité.
Se de ma pierre demandez, Vezci que j'en dy : entendez.
Il est voir q'un Dieu fist ce monde 625
Et toute riens qui y habonde Et Tomme fist a sa samblance, Auquel segnourie et poissance
Il donna sur toute autre chose, 63o Et sanz ce que je riens vous glose
Mais que die selon la lettre,
Le mist en paradis terrestre.
L^ li furent habandonné
Touz les fruiz, et congié donné 635 De mengier en, fors d^un : helasf
Ce conmant trespassa li las,
Qu^il crut au conseil de sa femme,
Dont il chey en tel dififame
Que se gousté n^en eust point, 640 De mort n^eust esté ja point.
Mais pour ytant quMl en gousta,
Dieu de ce lieu hors le bouta :
Un temps pot puis vivre et durer,
Mais mort li convint endurer, 645 Et par lui nous y fault touz courre :
N^est nul, non, qui s^en puist rescourre.
Mais Diex qui en sa deité
A de personnes trinité 240 b
Volant conment en son servage 65o Sathan tenoit humain lignage
Et qu^en enfer touz descendoient
A la value quMl mouroient,
Son fil en terre nous tramist,
Qui en une vierge se mist 655 Et la prist nostre humanité,
Et de la tresgrant charité
QuMl ot a nous si s'enyvra
Que d^enfer il nous délivra
Et fist nostre redempcion; 660 Par la benoite passion
Que Juifs li firent souffrir,
A quoy de gré se voult offrir,
Com vrais homs qu^il fu et vraiz Diex,
Et afin que Tentendez miex
(I BARI.AAM ET JOSAPHAT ÙiC)'J
Pur homme ne pouoît de fait 665
Amender a Dieu le meffait Qtfavoît fait Tomme premerain, Car tuît tenoient du levain Du pechié de leur premier père Et îcî vueîl qu'il vous appére 670
Qa^ange n'y estoit point tenuz, Car homme n'estoit pas venuz D*ange, ne n'avoît sa nature, Dont selon raison et droiture Homme avoit de deux mors la somme 675 Jusqu^a tant que Diex devint homme, Qui de tout ce Pomme acquitta En quoy par délit s'endebta Quant mort la pomme.
JoSAPHAT
Un point vous demant ci, preudomme : 680 Puis qu'il estoit vray Diex, conment Senti il peine ne tourment Ne soufiFry mort?
Barlaam J'ay dit devant en mon recort Qu'en ly deux natures avoit, 685
De quoy l'une divine estoit :
/o c Geste jie senti point de peine,
Mais seulement nature humaine
La mort endura et senti.
Qui la mort a mort abati. 690
Et combien qu*en li habita
La mort, il se resuscita
Par la vertu de sa nature
Divine, qui dura et dure
Sanz fin et sanz conmencement ; 6gS
Et si tenez certainement
Qu'en la fin un tel jour sera
Que conme homme et Dieu il venra
Les bons et les mauvais jugier, 700 Les maux fera sanz fin vengier,
Et aux bons donrra sanz fin gloire.
A ce devroient penser voire
Les folz qui aux ydoles servent,
Qui rien fors enfer ne desservent^ 705 Folz sont il voir et plain de rage.
Qui aourent leur propre ouvrage
Et ce q\ie de leurs mains ont fait,
Et puis les appellent de fait
Leurs dieux, qui les sauve et les garde, 710 Et eulx mesmes sont des diex garde ;
Cest bien fantosme et desverie.
Sire, aussi ne me taiz je mie
De ceulx qui tant aiment ce monde,
En qui toute malice habonde.
715 II ressemblent, ce m^est avis.
Un homme qui ot trois amis.
Le premier ama plus que soy ;
Au second avoit telle foy •
Qu^autant con soy meisme Pamoit; 720 Le tiers le moins amé clamoit.
Or avint que devant le roy
Fu semons pour aucun desroy :
A son grant ami fuit bonne erre^
Pour aide et conseil requerre 725 En li monstrant conment touz jours
L^ot amé. Cil a briez moz cours
Li dit : Je ne te cognois point ;
Mais puis que tu es en tel point, 240 d
Se mestier est, de moy aras 73o Deux linsieux dont te couvreras.
Quant Pot, de li, mat et confus,
Se part, s^est au second venuz
Et le pria con le premier.
L'autre dist : Merlcr ne m'en qviier,
Mais tant feray je bien pour toy : 735
Jusqu^a Fuis du palais le roy Voulentiers te convoieray Et puis tantost m'en revenray.
Quant ces moz li a oi dire, De ii se part a cuer plain d'ire, 740
Er aussi qu'en désespérance D'aler au tiers ami s'avance.
Quant devant li vint, si baissa La chiére et cheoir se laissa, Et li dist : A toy parler n'ose, 745
Car ne t'ay pas, c'est vraie chose, Àmë con deusse avoir fait; Toutes voies je sui de fait Maintenant en grant triboul mis, Et si ay a touz mes amis 750
Failli : pour Dieu, ne me faux pas. Cil li respont isnel le pas :
Voir, treschier ami te repute ; Or ne doubte nul qui t'empute.
Car devant le roy m'en iray 755
Pour toy et te delivreray.
Ce premier ami, sire, qu'est ce ?
C'est possession de richesce Que li mondain a grant labour Assemblent de nuit et de jour, 760
Et a tant de periz s'esperdent ; Et quant de ce siècle départent.
Ne sont leurs corps las ne leurs piaux Couvers fors des plus viez drapiaux :
• Si a povre trésor, emy ! 765
Et après le second amy Femme et enfans et parens sont Qui jusques a la fosse vont 241 a Ou le mort enterrent et boument
Et puis arriére s'en retournent. 770
270 MIftACLE DE XXI
Mais le tiers est pour vérité Foy, espérance et charité, Aumosne qui les péchiez cuevfc Et estaint, et toute bonne euvre 775 Que nous pouons ci aval foire^
Par quoy nous pouons a Dieu plaire, Qui gracieux a Dieu nous livrent Et des ennemis nous délivrent Que nous avons.
JOSAPHAT
780 Mon chier ami, par voz raisons
Congnois du monde le defiaut
Et voy que touz morir nous fault
Et ne savons quant ne conment;
Après je voy tout clérement^ 785 Combien que ne soie pas viex,
Que ce n^est rien que de noz diex.
Dès ci les reni pour venir
A la foy que vous voy tenir.
Sachiez qu'avec vous m'en iray :
790 Père et honneurs, tout laisseray
Pour Dieu servir.
Barlaam
S'ainsi vous voulez asservir
A Dieu, vous ressemblerez, sire,
Un jouvencel dont vous vueil dire, 795 A qui on voult femme espouser,
Et celui pour la refuser
S'en fouy : cure n'en avoit ;
Et tant ala qu'en un lieu voit
La fille d'un povre homme orant, 800 Et en Dieu loant labourant;
Si li dist : Que faites vous^ dame?
Je vous voy une povre femme
Et Dieu loez aussi de fait
Con se riche vous eust fait.
Celle respont, qui fu bénigne : 8o5
Si corn petite medicine 4.1 h Soirrent de grant douleur délivre, Aussi di je tout a délivre Grâces des petiz dons c^on rem Causent fait et vouloir Souvent 810
De grans dons faire, sire ; et oultre Grans choses de Dieu, ce vous moustre, Ay pris et receu de fait Conment a s^ymage m^a fait, Et entendement et mémoire 8 1 5
M^a donné, voire, et a sa gloire M'a appelle, et ouvert Puis De son paradis, ou je puis Entrer, se n'est pour mon deffaut.
Donques bien loer le me fault 820
Pour tiex biens; raison y ay belle.
Cil qui vit sage la pucelle La demanda par mariage.
Son père li dit, qui fu sage :
Ne la peuz avoir, biaux amis; 825
En trop bas lieu veux estre mis; Tu es de nobles gens estraiz, Et je suis en povreté traiz.
Le joavencel dist : Ne m'en chaille ; S'il vous plaist, ma femme ert sanz faille. 83o Le povre homme dist : Amis, taiz te.
Je n'en ay plus : que m'en desmette Et qu'entre tes mains l'en enmaines ?
Nanil, se sont paroles vaines.
Le jo'uvencel dist : Se je l'ay, 835
Sire, avecques vous demourray, Et menray la vie et l'estat De vous, sanz faire nul débat.
Le preudomme a ce s'assenti ; Et cil tantost se desveti 84c
De ses garnemens précieux :
Jus les jetta, s^en print uns vieux, La fille espousa, ce me semble.
Ainsi demourérent ensemble
845 Eulz trois une pièce de temps
En paiz, sanz noise et sanz contens.
Quant son gendre ot bien esproavé Le preudomme, et ii ot trouvé Qu^il li fu loyal et certain,
85o Qu'avint il? Un jour par la main 241 c
Le prist, en sa chambre le maine Qui ne fu mie trop vilaine.
La li moustra de Tavoir tant Qu^onques veu n'en ot autant.
855 Et quant ot veu tout a tour,
Ains que de la feist retour, Le preudomme par bonne entente Tout li donne et tout li présente Beninement.
JOSAPHAT
860 Père, je congnOis clèrement
Que ceci avez dit pour moy.
Mais dites moy par vostre foy,
Quans ans pensez vous bien avoir
Et ou demourez ? Du savoir 865 Ay grant désir.
Barlaam
Sire, quant vous vient a plaisir,
J^ay d^aage quarante cinc ans
Et suis es desers habitans
De la terre de Sannar ditte :
870 La demeure je et habitte
En hermitage.
Josaphat
Père, il semble a vostre visage
Que soixante dix ans passez
Avez d^aage ^t plus assez,
En vérité. 875
Barlaam Se vous de ma nativité Voulez touz les ans compter, sire.
Vous pourrez bien vérité dire; Mais de compter n'ay pas envie En la mesure de ma vie 880
Les ans qu^au monde ay despendu Et en vanitez espandu.
Car mors estoie en Pâme lors, Et on ne doit pas les ans mors
Dire ans de vie. 885
JoSAPHAT
I d , Je n'ay de riens si grant envie.
Père, ce vous di en appert, Conme d'avec vous en désert Aler manoir.
Barlaam Sire, je vous fas assavoir, 890
Se si chaudement y venez, La compagnie, ce tenez, De nous deux ne durera point; Et avec ce vous di ce point :
Cause seray et mocion 895
De faire persecucion A mes frères, si ques, pour Dieu, Demourez, sire, en vostre Keu Jusques a tant que vous verrez Temps que miex venir y pourrez. 900
Je vous ay monstre nostre foy.
Or la gardez et baisez moy.
Si m'en îray.
JoSAPHAT
Sire, voulentiers le feray.
Bien la m'avez sceu preschier. 905
Dieu le vous rende, père chiet.
Certes voulentiers m^en alasse
Avec vous, se je ne doubtasse Ce qu'avez dit.
Barlaam 9 1 o Chier sire, du saint esperit,
De Dieu le père et Dieu le filz
Soiez seigniez et beneiz.
A Dieu! pour le miex vous ay dit.
Attendez encore un petit :
915 Si vauldra miex.
Premier chevalier Sire, noble estes et gentiex :
Quant ferez aux diex sacrefice ?
Ne devez pas conme homme nice Vivre sanz foy.
JOSAPHAT
920 Non fas je voir : amis, tais toy.
De tes diex ne me parles plus.
Ou filz de la vierge, Jhesus, 242 a
Croy fermement.
Le premier chevalier Sire, si créez folement ; 925 Quant vostre père le sara,
Bien scé qu'il s'en courroucera.
Geste créance délaissez Et a nostre loy vous plaissez.
Qu'il ne vous hache.
JoSAPHAT
930 Certes, je vueil bien qu'il le sache.
Mais a la court vas, je t'en pri, Et li dénonces sanz detri Hardiement.
Le premier chevalier Puis qu'il vous plaist, hardiement,
Sire, maintenant li vois dire. 93 5
Nous sommes honniz, treschier sire : Vostre filz s^est mis a la foy Des crestiens, et nostre loy
Laisse et despise.
Le roy Haro f conment? dy m'en la guise. 940
Qui m'a ce fait ?
Premier chevalier Sire, a li est venuz de fait Un hermite nommé Barlaam, Que Mahon mette huy en mal an , Qui tellement l'a atourné 945
Qu'a la loy du tout l'a tourné
Des crestiens.
Le roy Se je le tien en mes liens, Par Mahom, chier li venderay.
Las! je ne say que je feray, 950
Tant ay courrouz.
Arachis Sire, sire, confortez vous :
Je vous diray m'entencion.
Je scé de nostre nascion Un hermite qui, ce me semble, 955
En touz cas Barlaam ressemble.
Se vous voulez, querre l'iray Et com prisonnier l'amenray.
Et il Barlaam se nommera.
Et après un jour pris sera 960
De faire a li deputoison Des deux loys, et il par raison La foy crestienne au premier Soustendra, et au derrenier Se laira vaincre en rappellant y65
Tout ce qu'il avoit par avant Enseigné. Ainsi vostre âlz
4 Revenra a vous, j^en sui fis,
* Voîre a merci.
'- Le ROY
970 Par Mahon, c^est bien dit qu-ainsi,
Arachis, avancez ceste euvre Par quoy mon filz briément recuevrc Qui perduz est.
Arachis Sire, a vostre vouloir sui prest.
975 Je le vois querre.
