DEUXIESME NONNE
Nanil voir : espoir qu'il confesse, Ou qu'il chante ou qu'il estudie; Je ne doubt point, conment c'on die,
i5 Que ci ne viengne.
L'abbesse Alons donc, aviengne qu'aviengne, Noz places prendre et nous seons, Et noz heures tout bas disons En l'attendant.
Première nonne 20 Dame, alons; j'ay le cuer tendant 6g b
A faire vostre voulenté.
Or sa, de par la trinité Seez vous ci.
L'abbesse C'est fait ; or vous seez aussi 25 Decoste moy.
Deuxiesme nonne Dame, voulentiers ; quant a moy, Je sui assise.
La première nonne.
Et vezcy pour moy place prise.
Je lo qu'ataingnons noz sautiers 3o Et disons prime endementiers
Que l'attendons.
L'abbesse C'est bien dit; a prier tendons Dévotement.
Perrotin, vas sus, alons ment :
35 Vers l'abbaie me fault traire,
Car devers l'abbesse ay a faire, Qui est m'antin.
L'escuier Sire, je croy miex pour certain Que l'amour de la nonne belle, 40 Qui tant est sainte damoiselle,
Vil LA NONNE QUI LAISSA SON ABBAIE 3 I 3
Laiens vous maine.
Le chevalier Perrotin, c'est chose certaine ; Certes, je Tains tant que mon cuer Ne puis d'elle oster a nul fuer, Et si ne puis avoir sa grâce 45
Pour prière que je li face :
Tu t'en peuz bien appercevoir.
Nonpourquant vueil j'aler savoir Se je parler a lui pourray.
Ne se grâce en lui trouveray 5o
Qu'aie s'amour.
L'escuier Prest sui, sire ; alons sanz demour 6g c Ou vous plaira.
Le chevalier Perrotin, par foy mal me va :
Vez la Tabbesse et la prieuse 55
Et la tresbelle gracieuse Qui veulent oir le sermon.
Je vueil ci faire arrestoison
Pour Tescouter.
Dont puis j'a Tostel bien aler 60
Savoir qui vous demandera, Et revenir quant vous plaira
Icy vous querre.
Le chevalier Tu diz vérité; va bonne erre
Et reviens ja. 65
Le prescheur Cum audisset , tarbata est in sermone ejus, et cogitabat qualis esset ista salutacio. Luce p°. Doulce gent, au commencement de nostre sermon nous re-
3 14 MIRACLE DE Vil
courrons a la glorieuse vierge Marie, et lui prierons que elle nous vueille donner grâce a moy de dire et a vous de oir chose qui soit à l'onneur de toute la court de paradis et a aucun prouffit de noz âmes et a la confusion de l'annemi. Et pour plus briefment ceste grâce empêtrer, chascun et chascune, si vous plaist, la saluera en disant : Ave Maria. Cum andisset turbata est, etc., ubi supra. Doulce gent , il est de conmun cours que celles qui pour l'amour de Dieu vivent en estât de virginité, a ce que elle soient dites vraies vierges, que touzjours sont paoureuses et doubteuses, et si que pour eschiver les choses qui sont a doubler elles craingnent 6g d a la foiz les choses seures; et qui fait ce? ce qu'elles scévent qu'en un trop feible et fresle vaissiau, c'est assavoir en leur corps qui ne sont que terre, elles portent un trésor précieux : quoy? l'ame d'eulx, qui est faite a l'image de la benoite trinité. Et de ce avient que quant a telles vierges aucune chose vient de nouvel et soudainement, il machinent et souspeçonnent tantost que ce ne soit contre eulz. Doulce gent, je le di pour tant que quant Dieu li pères ot envoie son ange a la glorieuse vierge Marie annoncier que elle seroit mère du fil de Dieu par qui la redempcion de l'umain lignage seroit faite, a celle heure que li ange lui ot dit « Diex te saut, plaine de grâce, nostre sires est avecques toy, » l'evangeliste saint Luc dit que la glorieuse vierge fu troublée et pensa quelle estoit ceste salutacion, et c'est la sentence de la parole que je prononçay au conmencement de mon sermon. Cum audisset, etc.: Conme la glorieuse vierge eust oy le salut de l'ange, elle fut troublée, ce dit l'evangeliste. Il ne dit pas partroublée, mais troublée simplement, et ce vint de ce que elle estoit vierge vergondeuse et honteuse. Ce qu'elle ne fu pas partroublée fu de la vertu de force qu'elle avoit en soy ; ce qu'elle se tut et pensa fu de la vertu de prudence. Elle pensa donc quelle estoit ceste salutacion, dont il avint que quant li anges
vit qu'elle pensoit, il la conmença a conforter et a confermer ce dont elle doubtoit en disant : « Marie, ne te yo a doubte pas, car en ce que je di n'a point de falace, n'y aies nule suspecon ; je ne suis pas homme, mais esperit et ange de Dieu. Or ne doubtes donques point, car tu as trouvé grâce en Dieu. Ou se tu savoies combien ton humilité plaist au treshault Dieu, tu ne jugeroies pas que tu ne soies bien digne de estre servie et de oir la parole des anges. Pourquoy te diras tu non digne de la grâce des anges, qui as trouvé grâce a Dieu, laquelle grâce est la paix des hommes, la destruccion de mort, la reparacion de vie ? C'est dont grâce que tu as trouvé a Dieu, et en signe de ce vezcy que tu concevras et enfanteras un filz, qui sera appelle Jhesus. » Sur ce dit saint Bernart : O glorieuse vierge, entens par le nom du fil qui te est promis con grant et conme espicial grâce tu as trouvé a Dieu : Fange dit qu'il sera appeliez Jhesus; la raison pour quoy mett un autre evangeliste qui dit : Ipse enim salvumfaciet populum siinm a peccatis eorum. Il sera appeliez Jhesus; pourquoy? pour ce que c'est celui qui sauvera son peuple de touz leurs péchiez. Donques la glorieuse vierge trouva bien grâce a Dieu ? Certes voire. Car elle est ou plus seur lieu de paradis par sa tresferme foy ; elle est ou plus hault par sa tresgrant humilité; elle est ou plus pur par sa tresgrant chaasté et par sa nette virginité; elle est ou plus glorieux par sa vraie purté, par sa vraie amour et par l'excellence de sa grant charité. Du quel glorieux lieu elle fait parti- job cipans touz ceulx et toutes celles qui dévotement en ce siècle la veulent servir et amer. Ou nombre desquelx nous vueille par sa tresgrant miséricorde acompaignier Dieu le père et le filz. et le saint esperit, qui en trinité règne et vit et régnera sanz fin. Amen.
3lG MIRACLE DE VJI
Le chevalier De passion chiet cil en hen Par qui me sui ci tant tenuz !
Egar ! je fusse puis venuz Quatre liues qu'il ne fina.
70 Je me merveil se grant mal n'a
En sa cervelle.
L'abbesse Ha! tresdoulce vierge pucelle, De pitié, de grâce et d'amour, Moult fait en terre bon labour 75 Qui vous aime, sert et honneure,
Et cilz est nez de moult maie heure Qui de cuer vous servir n'entent, Car a la perdicion tent De sa povre ame.
Première nonne 80 Certes, vous dites voir, ma dame,
Bon la fait servir et amer.
Car de doulceur est sanz amer La tresoriére.
L'abbesse Et vous, ma doulce amie chiére, 85 Avez bien oy ce preudomme?
S'il estoit cardinal de Romme, S'a il dit de belles raisons.
Benoist soit le jour q'un telz homs De femme naist.
90 Oil, ma dame : Diex li laist
Parfaire le bien qu'a empris; Car d'amer Dieu est moult espris, Selon m'entente.
L'abbesse "0 c
Prieure, venez sanz attente 95 A moy en ma chambre parler,
Vil LA NONNE QUI LAISSA SON ABBAIE 3 [7
Ainçoys qu'ailleurs pensez cTaler.
Je vois devant.
Première nonne Dame, après vous m'en vois suivant
Sanz plus ci estre.
Deuxiesme nonne Et je me vois a genouz mettre ioo
Devant l'image nostre dame A qui j'ay donné corps et ame A lui servir, et mon pensé.
Dame par qui fumes tensé De la mort d'enfer perdurable io5
Quant Dieu le père esperitable Fist son filz des haulx cieulx descendre En vous et humanité prendre Pour nous mener en paradis, Dame qui en faiz et en dis 1 10
Plus qu'autre par prérogative Fûtes a Dieu contemplative En sainte conversacion, Dame, toute m'afeccion, Ma plaisance et tout mi désir 1 1 5
Sont en faire vostre plaisir.
Or m'en donnez, s'il vous plaist, grâce, Dame, et tandis que j'ay espace, Voz heures cy recorderay Et en disant accorderay 120
La bouche au cuer.
Chevalier Certes or ne say j' a nul fuer Quelle contenance ait en moy, Quant maintenant la endroit voy Ce qu'ay désiré si long temps, 125
C'est ma dame noble et plaisans, Courtoise, amoureuse et fetice.
Par le saint baron de Galice,
Se je dévoie tout despendre i3o Quanque j'ay, si vouldray je tendre
A avoir s'amour maintenant. jo d
E ! tresgracieuse avenant, Diex vous doint tresbonne aventure Conme a ycelle créature r 35 Qui plus est de mon cuer amée.
Or me soit vostre amour donnée, Tresdoulce amie.
Deuxiesme nonne Sire, d'amer n'ay nulle envie Fors que Dieu et sa doulce mère.
140 Certes l'amour est trop amére
Dont ci endroit me requérez.
Ce n'est pas ce que vous querez, Sire, pour voir.
Chevalier E ! belle, plaine de savoir, 145 Vers vous ne vueil de riens mesprendre.
Plaise vous cest anel a prendre Que par fine amistié vous tens Et qu'avec vous hui mais seans Me puisse esbatre.
Deuxiesme nonne i5o Folie vous feroit embatre
La ou l'en n'a cure de vous.
Par foy, miex vouldroie avoir roupz Touz les deux braz.
Chevalier Cuer doulx, ne me refusez pas.
r 5 5 Se vous faites ma voulenté,
Je vous feray par vérité Bien riche dame.
Deuxiesme nonne A Dieu me rens de corps et d'ame, Biau sire : laissiez moy en paiz.
Vil LA NONNE QUI LAISSA SON ABBAIE 3 I 9
Je ne pris voz diz ne voz faiz, 160
Si m'aist Diex, ce festu ci.
Pour Dieu, alez vous ent de cy.
Laissiez m1 ester.
Le chevalier Elas ! bien me doy dementer :
J'ay du tout failly a ma proye. i65
7 1 a A chose que ma bouche proie
Ne veult celle que j'ains entendre.
Et dont viens tu? c'on te puist pendre !
M'as tu bien fait icy muser ?
Sui je homme qui doye ruser 170
Seul enmy voie? E! mon seigneur, que Dieu vous voie!
Combien a que je sui venuz Et que je me sui ci tenuz Pour ce qu'a vous n'osoie aler? 175
Je vous regardoie parler
A celle dame.
Le chevalier Haro ! c'est la plus dure famé Conques mais vi et la plus fiere.
Un seul tantait de belle chiére 180
Ne puis de lui traire n'avoir Par prière ne pour avoir.
Briefment c'est le court et le lonc :
Autres femmes ont cuer de plonc, Mais elle l'a de fer trop fort ; 1 85
Quant je n'y puis trouver confort,
Ne say que face.
L'escuier Sire, avant que de celle place S'en voit arriére, a li alez Et doulcement a li parlez; 190
020 MiRACLE DE VII
Et s'elle vous fait des refus N'en soiez ja pour ce confus, Maiz s'amour touzjours requérez, Et certainement vous Tarez 195 Par ceste guise.
Le chevalier Tu m'as ci bonne voie apprise, Perrotin, certes g'y revois.
Or m'atens.
E ! gent corps courtois Pour cuer d'ami faire esjoir, 200 Vueillez vostre amant vray oir
Qui se complaint.
Deuxiesme nonne Sire, de vous ay eu maint 7/ b
Tel parler, dont petit me chaut :
Il ne me font ne froit ne chaut, 2o5 N'en doubtez mie.
Le chevalier E! cuer doulx, devenez m'amie :
Humblement de cuer vous em proy, Et je vous promet de ma foy Quanqu'il vous plaira je feray, 210 Ne ja riens ne contrediray
Que vueillez dire.
Deuxiesme nonne Je n'aray mie paix, biau sire, S'a vous amer ne me consens.
Ore pour ce que voi et sens 2i5 A voz maintiens que vous m'amez.
Et je ne vueil que diffamez Soit mon corps par délit charnel, Je vous fas ce jeu parti tel :
Je sai bien que nobles homs estes.
220 Et je de nobles gens honnestes
-Sui estraitte aussi, qui sui femme :
Se pour miex garder de diffame
Mon honneur et mon pucellage
Vous me voulez par mariage
Prendre et le plevir par la foy, 225
Mon corps et m'amour vous ottroy;
Autrement non.
Le chevalier Dame, pour vostre bon renom Garder, et je le vous promet De ma main qu'en la vostre met 23o
Trestoute nue.
Deuxiesme nonne Or n'en soit plus raison tenue Quant a ore, ains vous en alez, Et ja quant nuit sera venez Et m'atendez en ce lieu la, 235
Et quant le convent dormira Tout coiement m'en ysteray Et a vous tout droit m'en venray :
7/ c N'en doubtez mie.
Le chevalier C'est bien dit, belle doulce amie. 240
A Dieu dont vous conmanderav, Et je vous y attenderay
Certainement.
Deuxiesme nonne Je ne vous faudray nullement,
N'en doubtez point. 245
Le chevalier Certes, or me va bien a point :
J'ay trouvé en ma dame grâce.
Qui me tenroit que ne chantasse?
Nulz, car j'ay le cuer plain de joie.
« Il n'est vivant qui me doie 2 5o
Blâmer de celle servir Dont tout bien me peut venir. »
Venir ? certes, voire a largesce Quant seulement de sa promesse 255 M'a fait si lié.
