L1ESCUIER

Mon seigneur, gay et esveillié Vous voi plus que ne fis pieça.

Dites, s'il vous plaist, conment va Vostre besongne.

Le chevalier 260 Bien, par la dame de Bouloingne,

Perrotin : j'ay quanque je vueil.

La belle qui tant a ver oeil M'a fait présent de son gent corps, Et sommes en certains accors.

2Ô5 Alons men boire sanz delay.

Sachiez assez tost revenray Yci la querre.

L'escuier Or alons, mon seigneur, bonne erre, Qu'il est ja tart.

L'abbesse 270 Prieure, se Jhesus vous gart,

Trop me merveil de nostre suer Conment peut durer a nul fuer ~i d

Tant en l'église.

Première nonne Dame, elle est toute en Dieu esprise : 275 Touzjours est devant nostre dame.

Certes c'est une sainte femme, A mon cuidier.

L'abbesse Prieure, ce n'est d'ui ne d'yer, Mais dès lors que ceens entra.

Alez la faire venir ça, 280

Serons couchier.

Première nonne Voulentiers : je la vois huchier.

Suer, l'abbesse vous mande ainsi Qu'a li vous en venez de ci

Sanz demourée. 285

Deuxiesme nonne Suer, je vois, puis qu'il li agrée :

Plus ne vueil ci faire demour.

Ma dame, Dieu vous doint s'amour

Par son plaisir.

L'abbesse Et il vous doint vostre plaisir. 290

Suer, il nous fault aler couchier :

Pensons d'en dortoir nous fichier ;

Il est saisons.

Première nonne C'est mon, car jours avons moult longs

Et courtes nuiz. 295

Deuxiesme nonne Alons, dame, je vueil cest huis Fermer, puis que sommes dedans, Afin que nul ame ceens

Ne puist entrer.