LE CHEVALIER
Perrotin, sanz nous plus monstrer, 3oo
Alons men la la belle attendre, Car il m'est bien mestier d'entendre
324 MIRACLE DE Vil
Quant elle ystra.
L/escuier Mon seigneur, ou il vous plaira 72 a
3o5 Tantost alons.
Le chevalier Ho ! Perrotin, ci nous tenons Sanz dire mot chascun tout coy.
Seoir me vueil en ce recoy :
Siez toy aussi.
L'escuier 3 10 Sire, voulentiers : vez me cy
Lez vous assis.
Nostre Dame Or sus, mi ange et mes amis, Alons nous en celle abbaye.
Ci voy de pechier envaie 3 1 5 Une nonne que de cuer ainz :
Monstrer li vueil sa foleur ains Quelle y enchiée.
Gabriel Dame, alons; folz est qui ne bée A faire vostre voùlenté.
320 Or nous fault estre entalenté,
Michiel, de chanter, en alant Devant no dame, aucun biau chant .
Il appartient.
Michiel Puis que chanter nous esconvient, 325 Gabriel, disons ce rondel
Qu'apris avons tout de nouvel, Sanz riens retraire.
Rondel Tresdoulce vierge débonnaire, De vraie humilité séjour
Et d'amour parfaicte exemplaire, 33o
Tresdoulce vierge débonnaire, A tout cuer embelir et plaire Doit qu'il vous serve nuit et jour, Tresdoulce vierge débonnaire De vraie humilité séjour. 335
Nostre Dame My ange, un petit de demour Ici endroit nous troi ferons.
Assez briément nous en irons 726 En paradis.
Deuxiesme nonne Puis que convent est endormiz, 3.|0
Il esconvient que je m'en aille :
Ce n'est pas raison que je faille D'aler ou j'ay convenancié Par grant amour et fiancié Au doulx a qui le mien cuer tent, 345
Car trop annuie a qui atent, Je le sçay bien, n'est pas nouvelle ; Mais avant par ceste chappelle, Ou passer parmy me convient, La doulce vierge par qui vient 35o
Grâce aux humains des cieulx ça jus A mains jointes, a genouz nuz, Humblement saluer m'en vois De cuer dévot a basse vois.
Vierge qui tant nous as valu 355
Contre Sathan, je vous salu En disant : Ave Maria, Gracia plena, dominus tecwn, benedicta tu in
mulieribus Et benedictus fructus venir is tui.
Dame, a Dieu ! je m'en vois maishui : 36o
Plus ne vous vueil ore aourer.
Egar ! me fault il demourer ?
Mère Dieu, que peut ce ci estre ?
Vostre ymage s'est venu mettre 365 Si droit au travers de cest huis
Que nullement passer ne puis.
E! doulx amis, vous muserez,
Vostre amie huimais pas n'arez,
Dont moult forment au cuer me poise.
370 C'est nient, il fault que je me voise
En mon dortoir.
Le chevalier Haro ! je croy que le pouoir De Dieu est du tout mis au nient Quant celle que j1atens ne vient, 375 Ou je ne say s'elle me ruse
Pour moy faire paier la muse Ci toute nuit.
L'escuier y2 c
Vraiement, mon seigneur, je cuit Qu'elle se soit de vous moquée :
38o Mienuit est ja plus que passée,
Je vous promet.
Le chevalier Voirement qui en femme met Son cuer, bien le doit on blasmer, Car on y treuve moult d'amer 385 Ainçois que l'en en viengne au bout.
Et, par Dieu, combien qu'il me coust, Encore ci l'attenderay Jusques a tant que je verray Le jour crevé.
Deuxiesme nonne 3qo Que peut c'estre? Ay je sens desvé
Ou j'ay esté enfantosmée, Qui ne puis estre oultre passée
Celle chappelle ou ore entray ?
Par Dieu, encore me mettray
En essai se pourray passer. 395
Pener me doy bien et lasser
Afin d'acomplir ma promesse,
Car je seray chevaleresse
Se de ceens puis estre yssue.
Je m'en revois sanz attendue, 400
Si saray qui m'en avenra.
Doulce dame, ave Maria,
Gracia plena, dominas tecum , benedicta tu in
mulieribus Et benedictiisfructus ventris tui.
Ordoi j'avoir bien plain d'annui Le cuer, et de courrouz et d'ire, 405
Quant ceste ymage contredire Deux foiz m'est venue a passer, Et je n1ay plus par ou aler Puisse, se n'est par ci endroit.
Aussi con sur moy clamast droit 410
L'issue par cy me devée ; Je voy bien qu'en vain muse et bée :
Retourner en dortoir me fault, 72 d Mais le cuer de douleur me fault
Quant g'y revois. 415
Nostre Dame Râlons nous en entre nous trois, Mi ange, en la gloire infinie, Et si chantez a voiz série
Aucun rondel.
Gabriel Nous en dirons un tout nouvel, 420
Dame, quant vous le conmandez.
Michiel, avecques moy chantez
Et sanz decort.
MlCHIEL
Disons donc ce rondel d'accon, 425 Bel est a dire.
Rondet,
Dame du royal empire
Des cieulz, mère au roy des roys,
Mains vous sert homs, plus empire,
Dame du royal empire, 43o Car par vous de Dieu s'espire
Grâce es cuers plains de desrois,
Dame du royal empire
Des cieulx, mère au roy des roys.
L'escuier Mon seigneur, j'ay oy la vois 435 De Taloete. Il est grant jour.
Alons men de cy sanz séjour, (Ton ne nous truisse.
Le chevalier Las ! je ne say conment je puisse Durer, tant ay au cuer courrouz.
440 Perrotin, va t'en, ami doulz,
Et revien assez tost a moy, Car je te jur en bonne foy Jamais bien ayse ne seray Tant qu'a elle parlé aray; 445 N'en doubtes point.
L'escuier Je venray donc cy bien a point :
Je m'en vois, sire.
La première nonne y3 a
Ma dame, encore avons a dire Noz heures, et le jour est hault.
VII LA NONNE QUI LAISSA SON ABBA1E 32g
Trop avons dormy: il nous fault 45o
De ci lever.
L'aBBESSE
Hau ! Diex, je prenoie a resver.
Egardez conme il est haulte heure !
Or sus, alons men sanz demeure
En cuer nous trois. 455
Deuxiesme nonne Ma chiére dame, alons, c'est droiz, Et temps en est.
L'abbesse A chascune son livre prest?
Je lo que tout bas versillons.
Mettons nous ci a genoillons 460
En Dieu priant.
Première nonne Ce ne vueil j1 estre detriant, Ma chiére dame; or conmanciez :
Diner sera bien avanciez
Ains qu'aions dit. 465
L'abbesse Conmencier vueil sanz contredit.
Domine, labia mea apperies.
Les seurs Et os meum annunciabit laudem tuam.
Uabbesse Deus, in adjutorinm meum intende.
Les seurs Domine, ad adjuvendum me festina.
L'abbesse Benedicamus Domino.
Les seurs Deo gracias.
L'abbesse Alons diner ysnel le pas, Puiz que noz heures dit avons,
33o MIRACLE DE
470 Et après en dortoir yrons
Sus la vesprée.
Deuxiesme nonne j3 b
Chiére dame, s'il vous agrée, Un petit ici demourray, Car uncore un po a dire ay 475 De mon service.
L'abbesse M'amie, je seroie nice Se dire ne le vous laissoie.
Nous en irons par ceste voie Nous deux devant.
Le chevalier 480 E! doulce amie, en convenant
M'aviez d'estre a moy venue :
Par deux nuiz vous ay attendue Et a toutes deux musé ay, Dont j'ay esté en grant esmay, 485 En grant courrouz et a malayse.
Pour Dieu, a moy dire vous playse Qui m'a ce fait que ne venistes Dès le convenant que me fistes Première foiz.
Deuxiesme nonne 490 Doulx sire, se conte de Foiz
Feussiez, n'en peusse je faire Plus; ne vous vueille pas desplaire ; Je Tamenderay bonnement, Car ennuit tout certainement 495 Venray a vous entour mienuit,
Sire, et pour Dieu ne vous ennuit De mon demour.
Le chevalier Doulce amie, pour vostre amour Ne m'en vueil je pas courroucier, 5oo Mais je vous pri, dame, et requier
Ennuit venez.
Deuxiesme nonne Sire, pour tout certain tenez Que a vous vers mienuit iray :
Pour nulle riens ne le lairay,
Soiez en seur. 5o5
Le chevalier j3 c Dame, ce soit a bon eur.
A Dieu ! moult bien me prendray garde De vous, car moult forment me tarde
Vostre venue.
Bien sui foie quant tant tenue 5io
Me sui a servir ceste ymage Qui deux foiz m'a fait tel hontage Que le passer m'a deffendu Par cy, dont le cuer ay fondu Tout en douleur, c'est bien droiture. 5 1 5
Mais pour nient prent ci de moy cure, Car de touz poins certes lairay Son service*, plus n'en feray.
Trop long temps en cloistre ay musé Et mon corps en penance usé : 5 20
Plus n'en feray; j'en sui a fin.
Ains qu'il soit demain au matin Pense j'estre en autre harnoys.
Avecques l'abbesse m'en vois
Qui m'atent la. 525
Première nonne Bien veigniez, belle suer; or sa, Avez dit tout?
Deuxiesme nonne Oil, j'ay tout mis sus le bout Jusqu'à demain.
332 miracle de vii
L'abbesse 53o C'est bien fait ; mettez ci la main,
Belle suer, avec nous mengiez.
Tenez : ceste cuisse rungiez De ce poucin.
Deuxiesme nonne Voulentiers, dame, de cuer fin 535 Quant le voulez.
Ma chiére dame, or m'entendez. Nous avons mengié a foison.
Il est d'aler couchier saison, Si com me semble.
L'abbesse 540 C'est voirs ; alons nous trois ensemble. ~3 d
Demain lever nous convenra Matin, pour ce que l'en tenra Ceens chapitre.
Deuxiesme nonne Alons donc : je ne vueil pas istre 545 De vostre accort.
Le chevalier Perrotin, il m'est moult a fort De ce qu' estre autrement ne peut Grant chose a en « faire Testeut ».
Doulz amis, a toy me complaing.
55o Je vieng de celle que tant aing,
A qui j'ay parlé longuement Et si li ay monstre conment Deux nuiz elle m'a fait attendre ; Et elle d'umble cuer et tendre
555 M'a prié que je li pardoingne,
Car il li sourdi une essoine Par quoy a moy ne pot venir,
VI i LA NONNE QLI LAISSA SON ABBA1E 333
Mais que ja venra sanz faillir ; Que m'en diz tu?
L'escuier Mon seigneur, par le roy Jhesu, 56o
Sachiez s'en vostre point estoie Qu'a ceste foiz encore yroie Elle gaittier.
Pense donc de toy affaittier, Car maintenant nous en yrons 565
La endroit, et la gueterons Tant qu'elle viengne.
L'escuier Sire, ne dites plus qu'il tiengne A moy : prest sui.
Le chevalier Alons men, il est temps maishui, 5 70
Tout bellement.
Deuxiesme nonne Or ne vueil je plus longuement Demourer que je ne m'en voise 14 a De ci endroit sanz faire noise.
Convent dort, que je bien le say, 575
Et si me mettray en essay
De passer par my la chappelle
Sanz dire ave, ne kyrielle
Devant l'image de Marie ;
Trop m'a fait estre en cuer marrie, 5 80
Dont plus saluer ne la vueil,
Ne tourner devers li mon oeil.
Dame, dame, tenez vous la.
Puis que passée suis de ça,
Je ne retourneray mais huy 585
Ne des mois, car je vois celuy
Que faim de cuer et que je quier Qui m'atent la.
Doulz ami chier, A vous m'en vien.
Le chevalier 590 Doulce amie, puis que vous tieng,
Je sui hors de toute tristesce Et plain de joie et de leesce.
Vous soiez la tresbien venue, N'y ait plus parole tenue ; 595 Cy endroit plus ne demouron.
Or tost mettez ce chapperon Et puis ce mantellet vestez.
Pour Dieu, dame, que vous hastez, Car pour voir espouser vous vueil 600 Ains que je dorme mais de l'ueil;
N'en doubtez point.
Deuxiesme nonne Sire, je suis preste et a point :
Avant mouvez.
Le chevalier Escuier, devant nous alez :
6o5 Passez tantost.
