UN PAPE QUI VENDI LE BASME
Le bourgois Premier sergent Deuxiesme sergent Troisiesme sergent Le pape
Premier escuier Second escuier Premier cardinal Second cardinal Dieu le père Saint Pierre Gabriel L'ermite Nostbe Dame Le marchant
Cy conmence un miracle de Nostre Dame d'un pape qui, par sa convoitise, vendi le basme dont on servoit deux lampes en la chappelle de saint Pierre, dont saint Pierre s'apparut a lui , en H disant qu'il en seroit dampnê, et depuis, par sa bonne repentance, Nostre Dame le fist absoldre. 79 a
Le bourgois yy,; ainte Marie, je ne sçay
Conment chemin ne voie truisse Par quoy acquitter je me puisse Si que le basme plus ne quiére, Qui tant est noble chose et chiére, 5
Qui chascun jour au moustier art De saint Perre. Forment m'est tart Que franc et délivre m'en voie.
Je croy que me vueil mettre a voye D'aler ent parler jusqu'au pape : 10
On dit qu'argent voulentiers hape, Et je l'ay quis tant longuement Qu'il m'en ennuie grandement, Pour la paine qu'ay a l'avoir.
A un de ses massiers savoir" i5
Vois s' au pape parler pourray, Et avant li prometteray
A faire le poce baler
Qu'il ne me face a lui parler.
20 Amis, que Diex vous doint honneur.
Faites moy parler par amour -jg b
Au pape un poy.
Premier sergent Qu'avez vous a faire a li ? quoy ? Dites, biau sire.
Le bourgois 2 5 Un grant secré ly ay a dire,
Et pour son prouffit, n'en doubtez.
Si vous pri qu'a li me menez Tost sanz delay.
Deuxiesme sergent Vous le dites, mais je ne sçay :
3o Espoir est ce plus pour le vostre ;
Mais s1 aucun prouffit n'en est nostre N'y parlerez.
Le bourgois Si feray, seigneurs. Vous arez Chascun de vous pour vostre vin, 35 C'est m'entente, un petit fleurin :
Tendez les mains.
Premier sergent Puis que je voy qu'estes compains Si libéral et si entiers, Nous vous y mettrons voulentiers.
Allons men. Nous ne finerons 40 Tant qu'a li parler vous ferons
A sanc rassis.
Le bourgois C'est bien dit, seigneurs, granz merciz. Alons men donc.
Deuxiesme sergent 45 Vezla les cardinaus qui sont
VIII UN PAPE QUI VENDI LE BASME 33y
Et le saint père touz ensemble.
Bien a point venons, ce me semble ; Présentez vous.
Le bourgois Jhesu Crist, qui est roy sur touz, Bonne vie et longue vous doingne, 5o
Saint père, et a s'amour vous joingne Par son plaisir.
Le pape 7^ c Biau filz, bien puisses tu venir.
Seigneurs, alez un poy en la.
Parler vueil a cest homme. Ca, 55
Que viens tu querre ?
Le bourgoys Saint père, je vous viens requerre, S'il vous plaist, que me deschargiez D'un service dont sui chargiez.
En la chappelle de saint Pierre 60
Pendent deux lampes vers conme verre Que de basme, sire, je sers, Et maint esté et mains yvers Les ay desservi jusques cy.
Sire, si vous requier mercy : 65
Vueillés prendre de mon avoir Ce qui vous en plaira avoir, Mais que ce plus faire ne doye, Ainçois franc et délivre en soye
Moy et les miens. 70
Le pape Biaux filz, or ne me mens de riens ; Pour quoy es tu tenu de faire De baume celui luminaire Nient plus que d'uille?
Le bourgoys Pour ce que jadis ot en Puille 75
Un homme de mon parenté
A qui il vint en voulenté, Un jour qu'il estoit en grant guerre.
De faire ce veu a saint Pierre 80 A celle fin que de péril
De mort le jettast. Si fist il ; Et celui preudoms qui fu sages Ordena qui ses héritages Vouldroit possesser ne tenir 85 Ces lampes devroit soustenir.
Voir est les héritages tien, Mais le basme ne puis pas bien Avoir se n'est par grant dangier.
Saint père, et pour ce vous requier :
90 Vous estes le chief de l'église, jy d
Ordenez en par telle guise Qu'en soie exemps.
Le pape Se tu me veulz trois cens besans D'argent baillier, quitte en seras, 95 Si que plus tu ne le feras,
Ains en iers frans.
Le bourgoys Saint père, mais deux cens besans, Et je querre les vous iray Maintenant sanz faire delay :
100 C'est grant argent.
Le pape Garde ne le sache la gent.
Pour l'amour de toy le t'otry.
Vas les me querre sanz detry, Si les m'apporte.
Le bourgoys io5 Sire, conmandez que la porte
Me soit ouverte au retourner, Car je ne pense a demourer Mie grantment.
VIII UN PAPE QUI VENDI LE BASME 35c)
Lli PAPE Je vous conmant, seigneurs sergent, Que si tost qu'il venra a vous no
Que le laissiez venir a nous
Sanz débat mettre.
Premier sergent Saint père, nous le lairons estre Ceens si tost conme il venra.
Ja muser ne li convenra 1 1 5
Se il ne veult.
Le eourgois Seigneurs, alons men; il m'esteut Retourner icy tout en l'eure Sanz faire goûte de demeure ;
Suivez me tost. 120
Premier escuier Mon seigneur, ame ne nous ot.
80 a Dites nous de vostre requeste : L'ottroiera point estre faicte Le pape, sire?
Le bourgoy Mes amis, je vous puis bien dire : 1 25
Ne tient qu'a largement livrer ; Mais deux cens besans délivrer M'en esconvient.
Second escuier Sire, quant a vous ce n'est nient Pour issir hors de tel servage ; 1 3o
Vous recouverrez ce damage A nn seul cop, s'il chiet a point.
Pour Dieu mercy, ne tardez point :
Baillez les y.
Le bourgois Si feray je, je vous affy, 1 35
Ains que je dorme mais de l'ueil.
iOO MIRACLE DE YMI
Tout maintenant paier les vueil:
Querre les voys.
Premier escuier Je ne fu si lié puis trois mois, 140 Non pas puis quatre.
Le bourgois Attendez me cy sanz debatre :
Je vois laiens querre l'argent. Vez le cy. Ça, alons nous ent Entre nous troys.
Second escuier 145 D'aler somes touz prestz, c'est drois,
La ou vouldrez.
Le bourgois En Postel du pape venrez Entre vous deux avecques moy.
Or ho ! soiez ici tout coy 1 5o Tant que reviengne.
Premier escuier Sire, pour chose qui aviengne Ne nous mouvrons.
Le bourgoys Dieu gart ces seigneurs compaignons 80 b D'anui et d'ire.
Troisiesme sergent 1 55 Joye et honneur vous doint Dieu, sire
Alez avant.
Le bourgois Saint père, pour le convenant Que par parole vous ay fait Fermer et acomplir de fait 160 Icy revien.
Le paie Et je le te tendray et tien, Biau filz, aussi moult voulenticrs,
Vlll UN PAPE QUI VEXDI LE BASME 36 1
Mais que me bailles les deniers Que j'en demant.
Le bourgois Sire, vez les ci en ce gant i65
Et en ce sachet cy de cuir.
J'en sui quittes, se je me muir, Et touz mes hoirs.
Le pape Biau filz, tu parles bien ; c'est voirs. Et pour la chose seure estre 170
Devers toy, voizcy une lettre Que je t'en fas.
Le bourgois Saint père, je ne la vueil pas Refuser, je seroie folz.
Or sui j'un poy plus a repos i-jS
Que je n'estoie.
Le pape Est ici toute la monnoie Que de toy, biau filz, avoir doy ?
Bien le doiz savoir ; dy le moy ;
Je ne le sçay. 1 80
Le bourgois S'il y fault, je le parferay, Saint père, adés.
Le pape A Dieu soiez tu eonmandez, $0 c Qui te doint sa beneiçon,
Et la moie aussi en son nom i85
Te donne cy.
Le bourgoys Saint père, la vostre mercy :
Par vostre gré, je m'en iray.
Seigneurs, je vous conmanderay
A Dieu le père. 190
Premier sergent Sire, la doulce vierge mère, Qui l'amoureux Jhesu porta, Es cieulx en joie ou déport a Vostre ame mette.
Premier escuier 195 Est vostre besongne parfaitte?
Mon seigneur, dites nous en voir :
Grant désir avons du savoir, Mais qu'il vous plaise.
Le bourgois Oil, voir, soiez ent tout ayse ; 200 Vezey lettre que j'en apport.
Alons men dyner par déport Au meilleur vin que nous sarons, Et illec nous desgoiserons Toute vesprée.
Premier escuier 2o5 Qui fust en celle belle prée,
Sire, qui est chiez Guillemin Enguerren ! il y a bon vin Et mesnie bien serviable Et bien gente, et si delictable 210 Que c'est merveille.
Second escuier Il dit voir, sire. Il nous conseille Si bien vraiement que ne say Lyeu nul si faitiz ne si gay Pour prendre esbat.
Le bourgois 2 1 5 Or y alons donc sanz débat.
Mouvez entre vous deux devant:
De près vous pens aler suivant, 80 d
N'en doubtez mie.
Vill UN PAPE QUI VENDl LE BASME 363
Premier escuier Alons men en celle gaudie, Puis qu'il li plaist appertement. 220
Or nous suivez, sire, briefment ; - Devant alons.
Le bourgois Vous m'arez touzjours aux talons.
Je vous promet.
Le pape Seigneurs cardinaux, avis m'est 225
Com m'ait le corps tresbien batu, Tant sui de sommeil abatu.
Il m'esconvient dormir un poy :
Alez chascun a son recoy
Tant que vous mande. 23o
Premier cardinal Mon seigneur, de voulenté grande Ferons ce que vous conmandez.
Alons men, puis que c'est ses grez, Et li laissons son repos prendre, Ou se non nous pourrions mesprendre, 235
S'iert nostre honte. ^ Second cardinal Cy ne vueil faire plait ne conte,
Ainçois m'en vois.
Le pape Seigneurs, gardez bien que bourgois, Chappellain, clerc, ne gentilhomme 240
Ou autre quel qu'il soit en somme, Tant qu'aye dormy, cy ne viengne Pour chose nulle qu'il aviengne :
M'entendez vous?
Second sergent Oil, moult bien ; non ferons nous, 245
Mon seigneur, voir.
Premier sergent Ça vien ; tu me promis ersoir Une chopine de vin grec; Vien la me faire pendre au bec Si a
25o Dessus le lieu.
Second sergent Trop voulentiers, par le corps Dieu, Mais que je sache en vérité Qu'acertes mon seigneur entré Soit en son somme.
Premier sergent 255 G'y vois savoir. Onques mais homme
Ne dormi miex, je croy, de ly.
Alons men ; nous revenrons cy Ains qu'il s1esveille.
Second sergent Alons men donc ; je le conseille, 260 Puis qu'ainsi va.
Dieu le père Pierre, malement ouvré a Le pape qui Romme maintient Et le chief de l'église tient, Car je voy que par avarice
265 II a perdu corn fol et nice
Le basme dont l'en te servoit Et qui en ta chappelle ardoit; Et Pomme qui a ce tenuz Estoit est si frans devenuz
270 Que le basme plus ne querra,
Car tant d'argent baillié en a A ce pape fol et mauvais Qu'il a lettre qu'a touz jours mais L'en a quitté.
UN PAPE QUI VENOl LE BASME 365
Saint père Vray Dieu, en ta divinité 273
Qui est de gloire mireoir Et ou toutes choses veoir L'en peut, ceste chose veoie, Sire, mais dire ne l'osoie.
Quar il me souvient quant jadis 280
Pape m'euz fait, tu me dis Quant de pécheur te demandoye Se par set foiz le recevroye 8 1 b A mercy, se pechié l'encombre,
Que non set foiz, mais par le nombre 285
De soissante et dis, père chier; Sire, et pour ce je te requier Savoir s'il te plaist qu'il sera, Ne de li aussi qu'avenra
De ce fait cy. 290
Dieu Pierres, il sera a mercy Receuz par grant repentance, Mais pour ce qu'il a la puissance De l'église et qu'il a meffait Contre l'église, et du meffait 295
Scet miex le pois qu'autre ne face, Je vueil que li monstres ta face Et que tu point ne le déportes Que ne li dies que les portes Des cieulx fermées trouvera, 3oo
Si que jamais n'y enterra A celle fin que mocion Ait d'avoir grant contricion ;
Puis t'en reviens.
Saint Père Sire, de qui naiscent touz biens, 3o5
Vostre conmandement feray.
Maintenant plus n'atenderay.
Gabriel, amis, que t'afFaittes, Et toy, Michiel : vous deux me faittes 3 10 La compaignie.
Gabriel Saint Père, de voulenté lie Avecques vous iray : c'est drois ; Et si feray en touz endroiz Ce que direz.
Michiel 3 i 5 Sanz moy, Gabriel, pas n'yrez.
Avec vous m'en vois sanz detri.
Saint Père, il n'a pas fait bon pri Au jour d'ui pour li ce me semble
320 Sera poy liez.
Saint Pierre Sic
Ce qu'a esté mal conseilliez Le mettra par temps en tristesse. *
Chetif, fol des folz, pour quoy est ce
Que tu as si vilainement 325 Mespris q'un sergent seulement
Que j'avoie tu m'as tolu,
Ne pour quoy li as tu vendu
Le basme dont il me servoit
Et qu'a ses cous quérir devoit?
33o Or m'as tu par ceste manière
Ravi mon droit, et ma lumière
Estaint, pour quoy je te desclos
Que les portes des cielx te clos ;
Et pour ce que privé tu m'as 335 De lumière, privé seras
De la clarté qui sanz fin dure,
Et en enfer en paine dure
Et en ténèbres seras mis.
Râlons ent es cielx, mes amis,
VI [ UN PAPE QUI VEXDI UE BASME 36y
Sanz plus cy estre. 340
Michiel Sire, alons. Or nous convient mettre, Gabriel, de retour a voye.
Ne sommes pas pour donner joye Icy venuz.
Gabriel Ne nous n1y sommes pas tenuz, 3.p
Michiel, quant a ce pape au mains, Car de convoitise est trop plains Et d'avarice.
Saint Pierre A douleur le mettra son vice,
Par vérité. 35o
Premier sergent Compains, entens pour amitié.
Alons men tost, pour eschiver Blasme, que soions au lever
De mon seigneur.
S 1 d Second sergent
Alons : j'en ay désir greigneur, 355
Compains, que vous n'avez, ce croy.
Or paiz : encor est il tout coy
Dedanz son lit.
Le pape Halas ! chestiz! a nul délit Ne doit estre m'entencion. 36o
Halas ! com dure advision En mon dormant ay je veu !
Laz! chestis ! bien m'a deceu M'avarice et ma mauvaistié.
Dieu n'ara point de moy pitié : 365
Saint Pierre m'a bani des cieulx.
Las ! chestiz ! il me vaulsist miex
368 MIRACLE DE VI il
Conques ne fusse né de mère Qu'avoir fait euvre si amére 370 Com fay fait de ce basme vendre.
Or tost, sergens, sanz plus attendre, A lez moy les cardinaux querre :
Faites les moy venir bonne erre ; Délivrez vous.
Premier sergent 3j5 Si ferons nous, mon seigneur doulx,
Sanz débat mettre tout en Teure.
Alons les querre sanz demeure, Moy, toy, compains.
Second sergent Alons, sanz faire plus ne mains.
38o Trop bien leur diray ce message.
Mais que je les voie ou visage, Vez les la ; c'est trop bien a point.
Mes seigneurs, ne vous tardez point.
Saint père nous envoie cy :
385 Venez vous ent, pour Dieu mercy,
A ly parler.
Premier sergent Onques mais ne le vy haster Tant conme a ceste foiz fait a :
Je ne sçay, mes seigneurs, qu'il a 390 Ore en pensé. 82 a
Premier cardinal Il fault, puis qu'il nous a mandé, Qu'a li sanz nul delay alons.
Alez devant, nous vous suivons, Seigneur sergent.
Second cardinal 395 II aroit cuer trop négligent
Qui ne feroit vo voulenté.
Nous sommes d'aler apresté;
