VUI UN PAPE QUI VEXDI LE BAS.ME

Or en venez.

Second cardinal Nous ne savons qu'a faire avez, Saint père, mais a vostre mant 400

Venons, c'est droiz. Or vous demant Qu'avez a faire.

Le pape Seigneurs, je le vous vueil retraire.

Il est voir que par ma malice Et par ma mauvaise avarice 405

Le basme qui tant bonne et belle Clarté rendoit en la chappelle Saint Pierre ay vendu : plus n'y art : Et tant ay mis, seigneurs, mon art En avoir acquerre et mon sens 410

Que celui pour deux cens besans, Qui de querre estoit en servage Ce basme, lui et son lignage, En ay franchi et acquitté ; S'ay fait si grant iniquité * , 5

Encontre saint Pierre qu'anuit L'ay veu a noble conduit D'anges a mon avision.

Mais, las ! a ma confusion Le vi quant de moy s'aproucha, 420

Car cruelment me reproucha Sa lumière qu'estainte avoie Et Tomme qui estoit a voie De li servir a touzjours mais; Et après me dit que jamais 425

M'ame en paradis n'enterra, 82 b Et que les portes me clorra. Ainsi des cieulx je sui privez, Se par vous, que tien pour privez,

Bon conseil n'ay. a?,q

ojo miracle de viii

Premier cardinal Par foy, sire, mie ne say Quel conseil donner vous en puisse Ou convenablement je truisse Ce qui vous fault.

Second cardinal 435 Non fas je moy, car ce deffault

Envers autres est non pareil, Quant saint Perre, dont me merveil, S'en veult meller.

Premier cardinal Or m'escoutez, sire, parler :

440 Ce fait ci est de trop grant somme.

Je say un hermite preudomme; Je lo, sire, qu'il soit mandez, Et que conseil li demandez, Et se de nul conseil avoir 445 En devez, de li Parez voir,

Je n'en doubt pas.

Le pape Pour Dieu, mandez l'ysnel le pas, Car jamais aise ne seray Jusques a tant que je saray 460 Conment a saint Perre aie acorde

Et que la Dieu miséricorde Me soit donnée.

Premier cardinal Alez vous deux, sanz demourée, A Termite de ce bois la, 455 Et li dites qu'il viengne ça

Tantost, que le pape le mande, Et en la vertu li conmande D'obédience.

Premier sergent Sire, sanz faire résidence 460 Nule part, voulentiers yrons