T. IV Q

t3o MIRACLE DE XXXIV

Quant est d'elle, elle a mal parti;

Ses filz de touz poins départi 1495 Se sont d'elle et de son conseil.

Oultre, sire, par leur orgueil

Ont tant assemblé de gens d'armes

A fer vestuz et a guisarmes,

Que chascun en est esbahiz ^ 1 5oo Et ont tout pourpris le pais

Qu'ilz scevent et peuent tenir

Ou vous doiez plus tost venir ;

Et y ont bons chastiaux fermez,

Afin, soiez ent affermez, i5o5 Que ne puissez avoir puissance

D'entrer ou royaume de France, C'est leur entente.

Le ROY

Vous touz, je VOUS pri sanz attente

Que sur ces choses me vueilliez 1 5 1 o Aviser, et me conseilliez

Que j'en feray.

Premier baron

Mon chier seigneur, je vous diray :

Quant guerre est entre enfans et père,

C'est trop dure chose et amére, 1 5 1 5 Et les enfans trop griefment pèchent

Qui le droit de leur père empeschent ;

Je le di pour ces enfans ci

Qui contre vous s'efforcent ci,

De chevauchier a longue règne, i520 Qui tolir vous veulent le règne

De France, qui vostre est de droit.

Après je regars ci endroit

Que tant par dons conme par force

Chascun d'eulx ensuivre s'efforce, i525 Et tant ont ja acquis d'amis

Qu'en leur pouoir est ja soubzmis

XXXIV SAINTE BAUTHEUCH 1 3^1

i83 d Le royaume, dont me merveil ; Si que, sire, dire vous vueil :

En la main Dieu tout vostre affaire Mettez, qui le sara miex faire i53o

Que nul homme humain tant soit hault ; C'est cil qui nulles foiz ne fault A ceulx qui ont leur espérance Du tout en li et leur fiance ;

Ainsi le tien. i535

Deuxiesme baron Mon chier seigneur, il dit tresbien; Et oultre, pour ce qu'il n^appére Que vous les vueilliez conme père Par orgueil vaincre et surmonter.

S'il vous plaist, leur iray conter 1540

Et deprier que plus n'attendent Que de leur meffait ne s'amendent, Ains que la guerre plus approuche, Et aussi pour le grant reprouche Qu'a touz jours en pourront avoir 1545

Leur saray bien ramentevoir,

N'en doublez, sire.

Le roy S'il vous plaist a leur aler dire, Sire, bon gré vous en saray, Et une autre foiz je feray i55o

Pour vous autant.

Deuxiesme baron Chier sire, g'y vois pié bâtant.

Bien leur diray, se je ne fail.

Emploie tien bien mon travail.

Se mes seigneurs puis en paiz mettre. i555

Les deux filz du roy voy la estre :

Je me vois devant eulx offrir.

Dieu qui pour paix voult mort souffrir,

l32 MIRACLE DE XXXIV

Mes seigneurs, sa paix vous octroit.

i56o Com messages vien ci endroit

Parler a vous.

L^INSNÉ FILZ

Voulentiers orrons, amis doulx, Que voulez dire.

Deuxiesme baron

Vostre père vous requiert, sire, 184 d

i565 Doulcement que pour la pitié,

Pour Fonneur et pour l'amistié

Qu'enfes doit a père porter,

Que vous vous vueilliez déporter

De la foleur qu'emprise avez, iS/o Et conme roy le recevez,

Et vous repentez du meffait

Que vous avez contre li fait ;

Et il ara de vous merci,

Voire, car il vous mande ainsi.

1575 De mesprendre n^est pas merveille.

Puis que repentir on s'en veille,

Mais merveille est quant on mesprent

Et on ne s^amende et repent ;

Et pour ç'aussi, ce mot y mez, i58o Que reprouche n'aiez jamais

De ce pechié.

L'ainsné

Sire, avez vous assez preschié ?

Je vous di, pour le premier point.

Que de père n'avons nous point ; i585 Ne vouloir n'ay point qui s^aherde

A ce que la coronne perde

Pour homme nul qui s'en efforce,

Se par armes et par grant force Ne m'est tolue.

Deuxiesme baron 1590 Sire, de vous me soit rendue