XX XIV
SAINTE BAUTHEUCH l33
Responce. Quelle la diray,
Quant au roy mon seigneur venray
Clodoveus?
Deuxiesme fil Se maishuit es ici veuz, Tu aras de ton corps hontage ; iSgS
Et se tu ne fusses message, La teste en l'eure te coppasse Ici endroit en ceste place.
Va t'en de ci.
Deuxiesme baron 184 b Chier sire, la vostre merci ! 1600
Je m'en vois donc sanz plus ci estre.
Biau sire Diex, pérc celestre, En grant péril me sui bien mis Quant je m'ay en telx ennemis
Osé embatre. i6o5
Le roy Seigneurs, alons men sanz debatre Contre mon ami que la voy Venir : si sarons se pour moy
Rien fait ara.
Troisiesme baron Alons: au moins il nous dira 1610
Conment il s'est entre eulx prouvé, Et ce qu'il a en eulz trouvé
Et leur convine.
Le roy Celle qui des cieulx est roine, Mon ami, vous dointhui bon jour. 161 5
Pour Dieu, dites moy sanz séjour :
Pourray j'en mon royaume entrer Paisiblement, sans contrester, Ou s'a mes filz aray meslée ?
Je vous pri ne m'en soit celée 1620
l 34 MIRACLE DE XXXIV
La vérité.
Deuxiesme baron Chier sires, par la trinité, Onques mais, dire le vous vueil, Ne trouvai gens ou tant d'orgueil
1625 Eust desmesuréement;
Et si ne croy pas nullement Qu'entre eulx et vous paix se puist faire. Tant sont gens d'orgueilleux affaire ; A bien po qu'il ne m'ont du corps
i63o Fait honnir ; et si vous recors
Qu'ilz ont si grant ost assemblé Que pour voir ne m'a pas semblé Ne ne me semble pas encore Que pour aide qu'aiez ore
i635 Vous puissiez a eulx contrester,
Quant ce venra au fort traicter, 184 c
Que sur vous ne chïée la perte, Se Dieu n'i fait miracle apperte; Ja n'en doubtez.
1640 Biaux seigneurs, un po m'escoutez :
Je voy bien que nostre secours, Nostre aide et nostre recours N'est fors qu'en la main Dieu, c'est voir, Qui est, ce devez vous savoir,
1645 Fontaine de toute droiture.
Et tout puissant de sa nature.
Or est il en telle manière :
Nostre querelle est droituriére.
Mettons la du tout en sa main,
i65o Et seur me tien et certain.
Puis qu'il est tout puissant et fort Et qu'a nul ne fist onques tort, Qu'il nous en donrra nostre droit, Si qu'alons les tresci endroit,
XXXIV SAINTE BAUTHEUCH I 35
Seurement tost assaillir, i655
Et vous verrez que, sanz faillir, Diex tellement les abatra, Qui avec nous se combatra, Que de touz poins vaincuz seront Et fussent plus gent qu'il ne sont; 1660
Ce n'est pas doubte.
QUATRIESME BARON
Sire, vostre voulenté toute Ferons, nous en sommes d'accort; Sachiez pour vie ne pour mort
Ne vous lairons. i665
Sa, tandis qu'armer nous irons, Lievin, a Bautheuch t'en iras La royne, et si li diras Que faire me vueille secours De quanqu'elle pourra le cours, 1670
Et qu'a li je me reconmans Tant come je puis, et li mans 184 d Qu'a Dieu de cuer prie et recorde Que, par sa grant miséricorde, Entre les enfans et moy père 1675
Juge tellement qu'il appére La querelle estre si partie Que de l'une et l'autre partie Soit le proufïit.
Lievin Sire, par celui qui me fit, 1680
Sachiez d'errer ne fineray Jusqu'à tant qu'a elle seray.
Je m'en vois tout droit ce sentier :
Il m'est trop bien d'errer mestier.
Or ay je tant fait, la Dieu grâce, i685
Que la royne voy en face ;
l36 MIRACLE DE
Saluer la vois de plain sault.
Ma chiére dame, Dieu vou sault Et vous doint joie.
Bautheuch 1690 Lievin, amis, pour Dieu que j'oie
Que fait mon cliier seigneur le roy :
Ara il de paiz nul arroy Vers ses enfants ?
LlEVlN
Nanil, dont il a grant offens; 1695 II sont de voulenté trop fiére.
Si vous mande en ceste manière
Que de tout ce que vous pourrez
Avoir de gens le secourez,
Et sur tout especialment 1700 Que Dieu priez dévotement
Que, par sa bonté pure et fine,
Tellement leur querelle affine
Et attrempe conme vray juge,
Que chascune partie y juge 1705 Prouffit avoir.
Bautheuch
Amis, j^en feray mon devoir
En Teure; plus ne m'en parlez.
Gênais, mon chier ami, alez
A touz mes amis sanz detri, iS^ a
17 10 Et leur dites que je leur pri,
Sur quanqu'il ont a moy d'amour,
Qu'a mon seigneur sanz nul demour Voisent aidier.
Gênais
Chiére dame, par saint Didier, 171 5 Tresvoulentiers.
Or tost donques; endemantiers
Je m'en vois en mon oratoire.
XXXIV SAINTE BAUTHEUCH iSj
Mère Dieu, royne de gloire, Qui les desvoiez ravoiez, Le roy mon seigneur avoiez 1720
Contre ses enfans, tellement Qu'il ne le puissent nullement Grever ny en biens, ny en corps.
Et vous, doulx Diex misericors, Aux enfans donnez congnoissance 1725
De leur meflFait et repentance, Si qu'il ne perdent pas les âmes , Mais qu'ilz desservent estre dames Et roynes en paradis.
Bailliez ça mes heures; tandis 1730
Qu'a loisir sui ci, les diray; De ci endroit ne partiray Mie si tost.
La DAMOtSELLE
Je les vous bailleray tantost,
Dame : tenez. 1735
Dieu Avecques moy, mère, venez, Jehan, et vous anges, or sus; Je vueil aler jusques la jus.
Sus, puis qu'estes a voie mis.
Or avant : chantez, mes amis, 1740
En alant la.
Gabriel Nous ferons ce qui vous plaira.
Or sus, disons sanz attente :
l85 b RONDEL
Vraiz Diex, moult est excellente Vostre bonté souveraine 1745
Et de grant charité plaine; Car vostre grâce présente
l38 MIRACLE DE XXXIV
A toute personne humaine; Vraix Diex, moult est excellente 1750 Vostre bonté souveraine,
Puis qu'elle a cuer et entente, Et qu'a ce désir l'amaine Que de vous servir se paine, Vraix Diex, moult est excellente 1755 Vostre bonté souveraine;
Et de grant charité plaine.
Dieu Bautheuch, soies toute certaine Que ta prière ay receu En gré, pour ce que j'ay veu 1760 Que des âmes le sauvement
Requiers, non pas le dampnement.
Ton désir te sera ampli Assez briefment et acompli :
Tant te di ceulx qui ont meffait 1765 Fault qu'ilz soient pugniz de fait
En ce siècle ou en l'autre, lors Qu'en terre porriront les corps, Ce n'est pas doubte.
NosTRE Dame Pour ce que t'esperance toute 1770 As mis en mon filz et en moy
Venons nous ci, Bautheuch, pour toy Reconforter.
Dieu Mère, et vous touz, sanz déporter Râlons nous ent.
MiCHIEL
1775 Vraix Diex, vostre conman dément
De cuer ferons.
Gabriel Voire, Michiel, et pardirons Nostre rondel a voiz gente.
XXXIV SAINTE BAUTHEUCH I DQ
RONDEL
i85 d Puis qu'elle a cuer et entente,
Et qu'a ce désir la maine 1780
Que de vous servir se paine;
Vraix Diex, moult est excellente
Vostre bonté souveraine
Et de grant charité plaine.
Bautheuch Mère Dieu, de pitié fontaine, 1785
Tant com je puis je vous mercy De ce que m'estes venu cy Donner confort; c'est bien raison.
Damoiselle, huimais en maison
Nous en râlons. 1790
La damoiselle Soit, dame, que grant pièce avons
Ici esté.
L'eSPIE au FILZ
Mes seigneurs, a la vérité,
Ciodoveus tant conme il peut
De venir contre vous s'esmeut 1795
Pour faire guerre.
L'ainsné Avant, seigneurs, avant bonne erre!
N'attendons pas qu'il viengne ci :
Alons men contre eulx, car aussi En avons nous grant avantage ; 1 800
Il sont gens debrisez et d'aage, Et nous touz frès et jonnes hommes, Et plus de cinq contre deux sommes; Si ne les devons point doubter.
Alons les du tout débouter i8o5
Et mettre a fin.
Le ROY Seigneurs, je vous pri de cuer fin, Assaillons tost noz ennemis, Puis qu'il se sont en place mis 1810 Pour nous combatre.
Deuxiesme sodoier Vieillars, de vous ici embatre Faites que folz et oultrageux :
Trop plus fors et plus courageux
Sommes que vous. iS5 d
Le ROY 181 5 Voire, si vous mettrons nous touz
Bientost a merci, n'en doublez.
Mes amis, en eulx vous boutez, Ferez et d'estoc et de taille ; Certes vous y morrez, merdaille, 1820 Touz a ce jour.
Le troisiesme sodoier Ne puis ci plus faire séjour, Se je ne vueil perdre la vie.
De moy sauver ay grant envie :
Je m'en fuiray.
QUATRIESME SODOIER
1825 Marie ! plus ne demourray
En cest estour.
ClNQUIESME SODOIER
Prenons touz de fouir le tour :
C'est le meilleur.
Premier baron Rendez vous, rendez, s'a douleur l83o Ne voulez morir et a honte;
D'occire vous ne feray conte Tout maintenant.
L'ainsné Je me rens, soiez coy tenant :
Vezci m'espée.
XXXIV SAINTE BAUTHEUCH I4I
Deuxiesme baron Et vous, sire, en ceste meslée i835
Voulez morir?
Deuxiesme filz Nanil, sire, mais vueil tenir La voie que mon frère tient.
Pour ma vie, puis qu'a ce vient
Je me rens pris. 1840
Premier baron Sire, pour nostre honneur et pris Garder, plus ci ne nous tenons, Mais au roy touz deux les menons
Qui la se siet.
Deuxiesme baron 186 a Par foy, sire, il me plaist et siet 1845
Et me semble que dites bien :
Prenez le vostre et je le mien ;
Si en alons.
Premier baron Il faut que nous leur avalons, Mais ostons les bacins des chiefs : i85o
Hz en seront mains empeschiez Et miex veuz en plaine face.
C'est fait ; or sus, sanz plus d'espace, D'aler au roy ne nous tenons.
Sire, voz filz vous amenons i855
Com prisonniers.
Le roy Certes pour joiaux ou deniers.
Seigneurs, que vous me donnissiez, Mon cuer tant lié ne feissiez Conme de ce que les voy pris. 1860
Avant ! pour ce qu'il ont mespris, Liez les ci et acouplez, Qu'estre ne puissent descouplez
En nulle fin.
QUATRIESME BARON
i865 Vostre voulenté de cuer fin,
Sire, ferons.
Premier baron C'est fait ; maishui ne doublerons Qu'a deflfence se puissent mettre Ne que Tun sanz Tautre puisse estre ; 1870 Sire, esgardez.
Le ROY Mes amis, ci plus ne tardez; Alez tantost a la royne Dire et conter nostre convine, Et qu'en son cuer joie demaine, 1875 Que ses filz prisonniers amaine
Liez bien fort.
Premier chevalier Sire, nous ferons sanz déport Vostre voloir, c'est de raison.
Alons men sanz arrestoison 1880 Devers ma dame. 186 b
Deuxiesme chevalier Alons; grant joie ara, par m'ame, Quant ces nouvelles li dirons.
Diex ! com ja bien venuz serons En sa maison !
Premier chevalier i885 N'y a il pas bien achoison?
Si a, voir; nul n'en doit doubter.
Dame, vueillez nous escouter :
Le roy par nous deux vous salue, Si vous mande par sa venue 1890 Vostre cuer soit de joie espris;
Il amaine ses deux filz pris, Bien fort liez.
xxxi v sainte bautheuch i43
Bautheuch De ces nouvelles est si liez Mon cuer que de joie s'envoise; Ne me tenroit nul que ne voise 1895
Encontre lui tout maintenant.
Arrester (Je le voy venant) Yci me fault.
Le roy De joie et de pitié me fault Le cuer, Bautheuch, pour vostre amour. 1900 Icy est un po sanz parler.
Sus, sus, baisiez me sanz demour.
Vous soiez la tresbien trouvée !
Conment vous estes vous prouvée Ça en arriére ?
Bautheuch Ceci mettons tout en derrière ; 1905
Mais conment vous est, mon seigneur?
Onques mais n^oy joie greigneur Que j'ay de ce que sain vous voy.
Seigneurs, bien viengne ce conroy.
Or tost, ci plus ne demourrons : 19 10
En nostre hostel nous en irons Sans plus ci estre.
Le roy Dame, alons, que par saint Sevestre J'ay grant désir que je m'y voie.
186 c Pour monstrer aus autres la voye 191 5
Devant iray.
Et je de près vous suiveray, Mon seigneur chier.
Le roy Seigneurs, sanz vous gaires preschier, Conseil vous requier de droiture. 1920
Il est dit en sainte escripture :
a Filz des hommes, a droit jugiez, »
C'est a dire, les maux vengiez.
Je vous demande jugement 1925 De ces deux ci, qui si griément
Ont meffait contre ma personne.
Conseilliez moy que raison donne Qu'en doie faire.
Deuxiesme baron Sire, il fault bien sur mains d'affaire ipSo Avoir conseil.
Le roy Alez a conseil, je le vueil, Touz ensemble, je vous em pri, Et me rapportez sanz detri Ce qu'arez fait.
QUATRIESME BARON
1935 Seigneurs, vezci un trop grant fait,
De dire que juges soions.
Ne que jugement asseons Sur noz propres seigneurs : c'est chose Qu'a faire conseillier je n'ose, 1940 Ne ne consens.
Premier baron A vostre dit, sire, m'assens :
Folz est et de senz trop ligier Et presumptueux, qui jugier Son seigneur ose.
1945 II n'i a ci donc qu'une chose :
Soions trestouz de cest acort, Et faire en alons le recort Au roy ensemble.
Premier chevalier i8G d
C'est le meilleur, ci com me semble;
XXXIV SAINTE BAUTHEUCH l^b
Alons a li. ipSo
Troisiesme baron Sire, je vous di con celui Qui le plus fol est de nous touz :
N'y a nul qui soit si estouz Qu'il s'ose ne vueille entremettre De jugement sur voz fîlz mettre, igSS
Qui sont estraiz de sanc royal.
Qui le feroit, il feroit mal :
Ce sont noz seigneurs par droiture, Et que subjet se desnature Tant que jugement doie rendre i960
Contre son seigneur, ou emprendre A ce faire, il ne li loit point.
Si que, sire, quant a ce point.
Nul n'en puet jugier bonnement Que ma dame et vous seulement, 1965
A voir tenir.
Bautheuch Il convient les meffaiz pugnir, Biaux seigneurs, ce dit saint Thiécle, En cestui ou en l'autre siècle :
Et les paines de par delà J970
Sont trop plus griefs que ceulx de ça. Je vueil miex que mes enfans facent Penitance, par quoy effacent Leurs meffaiz en ce monde ci Qu'en l'autre. Si vous dy ainsi, 1975
Pour chastier les filz desroys A venir, que plus telx des roys Contre père et mère ne facent, Ne tel orgueil en eulx n'embracent.
Je mesmes ceulz ci jugeray 1980
Ainsi conme je vous diray :
Pour ce qu'il ont volu tenir
T. VI
Le règne a force, souvenir
M'en doit bien, contre père et mère, 1985 Et qu'il renièrent leur père,
Oians touz, je dy qu'a ce viengnent
Qu'eritage jamais ne tiengnent; 18'] a
Après, pour ce qu'armez se sont
Contre leur père, et fait li ont 1990 Guerre, et li mis en grans descors,
La force et la vertu des corps
Perdent tost sanz arrestoison,
Et je juge que c'est raison Et m'en acquitte.
Le roy 1995 Vous n'en serez mie desdite.
Dame, par Dieu qui fist la terre.
Or sus, vous deux, alez me querre
L'excecuteur de ma justice;
Devant moy vueil qu'il les justice 2000 Si com dit est.
Premier sergent
A vostre voloir sommes prest,
Chier sire, vous Tarez en Peure.
Je scé trop bien ou il demeure :
Alons par ci.
Deuxiesme sergent 20o5 Se le savez, si fas j'aussi.
Egar ! je le voy la aler :
Il le nous convient appeller, Jehan! Jehan !
L'exécuteur M'appeliez vous, seigneurs? ouan 2010 M'ont par plusieurs foiz appelle
Qui m'ont moqué et rigolé.
Que voulez vous?
XXXIV SAINTE BAUTHEUCH
Premier sergent Le roy si vous mande, ami doulx, Que veigniez a li sanz eslongne :
Il fault que li laciez besongne 201 5
Qu'il vous dira.
L'exécuteur Je feray ce qui lui plaira Tost sanz delay.
Deuxtesmé sergent Tant quis l'avons qu'amené l'ay, Chier sire ; vez le ci en place. 2020
l8y h Dites li que voulez qu'il face : Il sera fait.
Le roy A ces deux ci, pour leur mefîait, Vueil que d'un fer chaut te déduises Si que touz les jarraiz leur cuises, 2025
Afin que la force des corps Perdent du tout, c'est mes accors ; Et se ne t'i veulx assentir, Ci te feray sanz alentir
Coper le chief. 2o3o
L'exécuteur Elas ! c'est pitiez et meschief, Seigneurs, qu'estes ainsi perduz.
Or n'aiez pas cuers esperduz, Mais vous vueilliez hardiz offrir A ce c'on vous fera souffrir 2o35
En pacience.
Le roy Sanz faire plus longue loquence, Délivre toy.
L'exécuteur Sire, je vois querre de quoy.
Je croy que tost sui revenuz. 2040
Il convient que soient tenuz :
Seigneurs, cestui ci embracez
Vous deux, fort, et ne le laissez.
Sa, ces jambes me fault estendre, 2045 Et les jambes derrière fendre.
Tenez bien ce que vous tenez,
Car assez tost con forcenez Le verrez estre.
Premier sergent
De ce ne vous doubtez, non, maistre :
2o5o Faites touzjours.
L^INSNÉ
Haro 1 Diex, haro! a touz jours Sui perduz. Ha ! mon treschier père.
Merci vous requier, pour saint Père :
Fa,ites moy grâce.
L'exécuteur 2o55 Desliez le sanz plus d'espace, l8^ c
Seigneurs, et le laissiez tout coy :
Jamais n'ara force de quoy Il face de son corps biau fait.
Avant : aussi come avez fait 2060 L'autre, cestui vous fault tenir,
Puis qu'a ce li convient venir; Délivrez vous.
Deuxiesme sergent Or 9a ! ne tenra pas en nous :
Faites besoingne.
L'exécuteur 206 5 Si vueil je faire sanz eslongne ;
Puis qu'au premier failli n'ay pas, Le second vueil ysnel le pas Excecuter.
Deuxiesme fil Las ! las ! dire puis sanz doubter 2070 Qu'a touz jours mais sui meshaignié.
SAINTE BAUTHEUCH l49
Ha ! frère, n'avons rien gaingnié D'avoir guerroie nostre père ; Chascun de nous deux le compère Trop chiérement.
L'ainsné C'est voir, biau frère, vraiement 2075
Chier l'achetons.
Le ROY Alons men, ileuc les laissons :
A la sole pas ne courront ; Je sui certain qu'il ne pourront
D'ilec mouvoir. 2080
Deuxiesme chevalier Je croy bien que vous dites voir, Sire, sanz faille.
Le ROY Tout avant euvre il fault que j'aille Esbatre un petit la derrière.
Quant nous revenrons ci arrière, 2o85
Nous dînerons, ■ Deuxiesme fil
Il Frère, dès or mais que ferons,
I iSy d Ne vous ne moy?
l L'ainsné
I Je ne sçay, frère, en bonne foy ;
Je ne voi point, au mien cuidier, 2090
Que ja mais nous puissions aidier,
Et vraiement je me recors
Ce qu'avons la vertu des corps
Perdu, et sommes si servi
Que nous l'avons bien desservi ; 2095
Si lo que nous nous amendons
Envers Dieu, et li demandons
De noz péchiez remission,
Ne ne soit nostre entencion
Fors de li telement servir 2100
ibo MIRACLE DE XXXIV
Que s'amour puissons desservir ; Je n'i voy miex.
Deuxiesme fil Ne moy ; si corne il est vrai Dieux Et des pécheurs vray recours, 2 1 o5 Face il a noz âmes secours !
Mon cuer ii doing pour touz jours mais; Or ne vueille que face mais Riens qu'a son gré.
Le ROY Seigneurs, il me fault de secré 2110 Aler parler a la royne;
Pensez que chascun tost chemine; Alons par ci.
Deuxiesme fil Frère, nostre père vient ci ; Que li diron"" ?
L'ainsné 21 1 5 Frère, nous li enclinerons
Et chiefs et corps.
Le ROY Vueilliez entendre a mes recors, Bautheuch, et y bien pourveoir; De noz enfans conment veoir 2120 Pourrons dès or mais l'impotence,
Ou sont mis ? et après je pense Se hors de nous les envoions Et que jamais ne les veons, i88 a
Conment pourrons après durer 2125 Ne le souffrir ny endurer?
Dites le moy.
Bautheuch Ha ! mon treschier seigneur, bien voy Quamour et pitié naturelle Vous fait dire parole telle.
2i3o Benoit soit Diex qui rachalé
SAINTE BAUTHEUCH l5l
A son peuple, et par sa bonté A noz enfans d'orgueil desmis Et en telle humilité mis.
Or vous confortez bonnement, Et si sachiez certainement 21 35
Que briefment Dieu nous monsterra, Et n'en doubtez, ce qu'il voulra Que d'eulxsoit fait.
Sachiez que grant pitié m'ont fait
Et font encore. 2140
Bautheuch Ainsi les fault laissier encore Pour un petit.
Le roy Dame, j'ay trop grant apetit D'un po dormir.
Bautheuch Sire, venez vous ci jesir, 2145
Puis que vous voulez sommeillier; Je vous venray bien esveillier A heure et temps.
Le roy C'est bien dit, et Je m'y atens
Que m'esveilliez. 2i5o
Bautheuch Ambroise, avecques moy veilliez Venir, or tost, sanz demourer :
Encore vueil j'aler orer Puis qu'ay espace.
La damoiselle Dame, ne doubtez que ne face 21 55
188 c Vostre voulenté ; preste sui ;
Alez ou vous plaist, je vous sui Tost et bonne erre.
Bautheuch
Tresdoulx Diex, je vous vieng requerre 2160 Grâce, et d'humble cuer mercier,
Et vostre mère gracier,
Qui touz jours m'avez adressié
Et mes prières exsaussié ;
Pour c'encores, sire, vous pri 2i65 Que me demonstrez sanz detri
Que de noz en fans nous façons,
S'avec nous estre les laissons,
Ou se de nous les mettons hors.
Père doulx et misericors, 2170 Ce qui vous plait qui en soit fait
Par aucun signe ou aucun fait Savoir me faites.
Dieu
Michiel, a descendre t'affaittes, Et toy, Gabriel, jus de ci, 2175 Et vous, mère, et Jehan aussi :
Touz descendons.
NosTRE Dame Jus sommes; or vous demandons Que nous ferons.
Dieu A Bautheuch pour elle en irons 2180 D'une chose faire enorter.
Chantez, vous trois, sanz déporter En y alant.
Gabriel Pour joie estre renouvellant Disons ce rondel, bien me semble.
RONDEL
2i85 Par amer et servir ensemble
L'umble vierge mère et son filz
XXXIV SAINTE BAUTHEUCH l53
Ne peut homs estre desconfiz; Mais en soy si grans biens assemble, En la vertu du crucefiz, Par amer et servir ensemble 2190 L'umble vierge mère et son filz.
188 c Dieu
Tu m'as demandé de tes filz,
Bautheuch, conment en ouverras.
Je te diray que tu feras :
Tu les pourverras d'un batel 2195
Qui soit pour eulx et bon et bel,
Et puis les feras dedanz mettre
Et un vallet avec eulz estre
Sanz plus, qui les gouvernera.
Et en ce batel mis ara 2200
Vivres pour leurs neccessitez.
Quant ens seront ainsi boutez,
N'aient gouvernail n'aviron,
Mais faites bien tant environ
Le batel que l'iaue le porte, 22o5
Et Diex, qui les siens reconforte,
D'eulx, si com bon lui semblera,
A leur prouffit ordenera :
N'en doubtez point.
NosTRE Dame Bautheuch, or retien bien ce point. 2210
Anges, plus yci ne ceons.
En paradis nous en alons :
Passez devant.
MiCHIEL
Dame, voulentiers ; or avant,
Gabriel, chantons touz ensemble : 221 5
RONDEL
Qu'en esperit ange ressamble.
De grâce et de gloire confis, :
Et pour ç\ umains, soiez touz fis
XXXtV
Par amer et servir ensemble 2220 L'umbie vierge mère et son filz
Ne peut homs estre desconfiz.
Bautheuch
Ha! sire, qui onques ne fis
Chose qui ne fust pour le miex,
De cuer, de mains, de bouche et d'iex 2225 Te glorifi : c^'est bien droiture.
Quant a ta povre créature
As revellé, par ton plaisir,
Ce que tant avoie en désir 188 d
De savoir ; sire, grans merciz !
223o Alons men, j'ay assez ci siz.
Yci vient et parle a ses filz.
Enfans, conme de vérité,
Diex est a ceulx de grant bonté
Qui de droit cuer sont envers li,
Vous savez bien, n'y a celi, 2235 Qu''entre les gens Diex sagement
Juge touzjours et droitement ;
Veez qu'il a amesuré
Le grant orgueil desmesuré
Qu^aviez pris contre père et mère; 2240 Sachiez que ceste paine amére
Qu'avez eu par jugement
11 ne vous a pas seulement
Donné par mal, com mal prouvez,
Mais pour ce que soiez sauvez ; 2245 Si que ne vous desconforlez,
Mais en celui vous confortez
Qui pour sauver les pécheurs vint
En ce monde, quant il devint Vray homme humain.
Deuxiesme fil 225o Ha ! mère, estendez vostre main
Et a baisier la me donnez,
XXXIV SAINTE BAUTHEUCH |55
Et mon meffait me pardonnez Et a mon frère que vezci ; Humblement vous crions merci,
Plourans des yex. 2255
L'ainsné Ha ! loez soiez, sire Diex, Qui touz jours orgueil abaissiez, Et qui les humbles essaussiez, Qui des povres i'alegement Et des febles renforcement 2260
Et des creans Pamour certaine Estes, sire Diex, et fontaine De miséricorde parfaitte.
A toy loer mon cuer s'afaitte, Sire, en cest estât le teigniez, 2265
Quant par celle vous nous deigniez i8g a Conforter, qui, a droit garder, Ne nous deust vifz regarder.
Certes en moy mesmes recors Que pour ce la vertu des corps 2270
Nous avez tolu, sire Diex, Que noz âmes vous puissent miex Servir et plus parfaitement, Doulce mère, en Dieu seulement Avecques nous vous renvoisez; 2275
Car miex humbles et mesaisiez Nous vault aler en paradis.
Que sains, orgueilleux, a touz diz, En enfer estre tourmentez; Si que, dame, ne lamentez 2280
Plus pour nous, non.
Deuxiesme fil Il dit bien, et pour le Dieu nom Nostre père en telle manière Depriez qu^aucun lieu nous quiére Religieux ou soions rais, 2285
l56 MIRACLE DE XXXIV
Loing de touz noz charnelz amis,
Ou faire puissons penitance,
Qu'a noz âmes soit alejance De noz péchiez.
Bautheugh 2290 Mes enfans, plus ne m'en preschiez,
Mais en Dieu vous reconfortez;
Et l'un l'autre a bien enortez,
Et soiez devoz sanz contens ;
Que sachiez vous sarez par temps 2295 Ce dont moult devez estre lié,
Que Diex vous a appareillié.
A vostre père m'en iray,
Vostre requeste li diray.
A Dieu ! et ne vous esmaiez.
23oo Treschier sire, or vous appaiez
De voz filz jadis pervertiz, Car Dieu les a si convertiz Qu'il ne veulent fors c'on leur livre Un lieu dévot ou puissent vivre 23o5 Leur temps religieusement,
Et Dieu servir dévotement ; 18 g b
Plus ne demandent. Ce vient de Dieu qu'ainsi s'amendent, Dame, et de sa miséricorde ; 23 10 Pour c'a leur requeste m'acorde.
Or, regardons lieu, sanz attendre.
Convenable ou il puissent rendre A Dieu ce que voué li ont ; Puis que donnez a li se sont, 23 1 5 II resconvient.
Bautheugh A nous, sire, pas n'appartient D'enquerre quel part est ce heu.
XXXIV SAINTE BAUTHEUCH iSj
Car j'espère qu'il est de Dieu
Tout ordené et pourveu,
Puis qu'a ce les a esmeu. 2820
Je vous diray que nous ferons :
En Saine une nef prenderons
Ou il seront touz deux mis ens;
Et avec eulx ara dedanz
Un vallet qui les servira. 2325
Des robes pour eulx y ara,
Et vitaille aussi a planté,
Et quant tout arons la planté,
Aviron ne perches n'aront,
Mais aval l'iaue s'en yront 233o
La ou Diex les vouldra mener ;
Quant les ara fait assener
A tel lieu come il li plaira,
Le vallet le nous revenra
Faire savoir. 2335
Le ROY Sainte femme, je tien de voir De toy ne vient pas ce conseil, Mais de Dieu, et pour ce je vueil Qu'a ton plain pouoir en ordaines, Et que les enfans tu demaines 2340
Ainsi com bon te semblera; Car je tien qu'a leur preu sera
Ce qu'en feras.
18g c Bautheuch
Sire, je ne m'en faindray pas,
Puis qu'ainsi est que le voulez. 2345
Gênais, tantost vous en alez
A Saine une nef pour moy prendre;
Quant prise Parez, sanz attendre
Revenez ci.
Gênais Dame, je feray sanz nul si 23 5o
l58 MIRACLE DE XjTjflV
Vostre conmant; g'i vois tout droit.
Sire, ceste nef ci endroit Est elle vostre?
Le marinier Pour quoy, sire (cil, elle est nostre), 2355 Le demandez ?
Gênais Afin que vous me la vendez.
Je vous di, et par amour fine, Que je la pren pour la royne ; Mais seurement vous fiez :
236o Bien en serez satisfiez
Ains que l'enmaine.
Le marinier Quanque j'ay est en son demaine, Sire, puis que c'est pour ma dame ; Et je me consens bien, par marne, 2 365 Que l'ait en gaigne.
Gênais Ne doublez que du vostre prengne Rien sanz paier; nanil non, sire.
Ne la mouvez, je li vois dire Ce que j'ay fait.
Dame, sanz doubte 2370 Une nef neuve et bonne toute
Au port avez.
Bautheuch Gênais, bien besongnier savez.
Quant voulez. Or faites, amis.
Que noz deux filz y soient mis, 2375 Et vivres pour eulz et du vin,
Et me faites venir Quasin Yci bonne erre.
Gênais iSg d
Voulentiers : je le vous vois querre,
XXXIV SAINTE BADTHEUCH 1 5g
Et puis l'oultreplus faire yray
Quant envoie le vous aray. 2 38o
Quasin, ma dame te demande :
Vaz a li, par moy le te mande;
Délivre toy.
Quasin Sire, g'i vois donc, par ma foy,
Ysnel le pas. 2385
Gênais Pour Dieu ne vous desplaise pas, Seigneurs, il me fault entremettre De vous faire en un batel mettre Qui en Saine est.
L'ainsné filz Sire, il nous plest, et sommes prest 2890
De le souffrir.
Gênais Sa, seigneurs, vueilliez vous offrir A ces deux jusques la porter Doulcement, et les déporter Sanz leur mal faire.
Un ESCUIER qm aide a porter l'un des filz 23q5
Voulentiers nous le devons faire.
Or sus de la, sus, de par Dieu !
Sire, alez nous monstrer le lieu
Ou seront mis.
Gênais En ceste nef ci, mes amis, 2400
Les asseez.
Un ESCUIER qui aide a porter l'autre filz
Il vous sera fait. Or veez :
Sont il bien, sire ? Gênais Oil, seigneurs : grans merciz dire
2405 En vueil a touz.
QUASIN
Chiére dame, je vien a vous.
Vostre aumosnier m'est venu querre ;
S'il vous plaist, je vous vueil enquerre
Que me voulez. ^90 a
Bautheuch 2410 Je vueil qu'avec mes filz alez
En l'aventure ou il iront.
Je ne scé s'il y fineront, Mais n'aront que vous seulement ; Si que servez les bonnement, 2415 Ainsi conme a eulx appartient.
Et toutesvoies s'il avient Que Dieu par my l'iaue de Saine A port de salut les amaine, Que tantost le me veignés dire.
2420 Alons veoir noz enfans, sire,
Et savoir conment partiront.
Ne se jamais il nous verront Après ce jour.
Le ROY Alons, dame, alons sanz séjour.
2425 Seigneurs, avec nous touz venez
Et compaignie nous tenez Je vous em pri.
Premier chevalier Sire, nous ferons sanz detri Touz vos conmans.
Bautheuch 2430 Quasin, or tost : je vous conmans
A vous la mettre.
QUASIN
G'i vois : ou nom du roy celestre,
-XXXIV SAINTE BAUTHEUCH l6l
Mes seigneurs, avec vous iray,
Et de bon cuer vous serviray ;
A vous m^ottroy tout a délivre ; 2435
Avec vous vueil morir et vivre,
G'y sui tenuz.
Deuxiesme fil Amis, bien soiez vous venuz.
Ore au partir de nostre lieu, Levons touz trois les mains a Dieu 2440
Et cuers et yeux.
L'ainsné Nous vous aourons, sire Diex, igo b Car voz voies sont équité, Miséricorde et vérité,
Et vostre chemin et vostre erre, 2445
Aussi bien en yaue qu'en terre,
C'est chose voire.
Le roy Il s'en vont. Le dous roy de gloire, Enfans, voz péchiez vous pardoint, Et sa beneiçon vous doint, 2450
Et je la moie.
Deuxiesme chevalier Certes n'est nul qui doubler doie Que de par Dieu ne soit ceste euvre, Et que Nostre Seigneur n'y euvre
De sa puissance, 2455
Premier baron On n'en doit point avoir doubtance; Conment pourroit c'estre autrement Que ces enfans si iiement De leur propre lieu s'en alassent Et père et mère délaissassent ? 2460
Se Diex en ce n'ouvroit de fait, Certes jamais ne seroit fait
N'en doubte nulz.
T. VI
lQ% MIRACLE DE XXXIV
Deuxiesme baron Aussi que sommes ci venuz, 2465 Sire, râler nous en convient;
Nous muserons ici pour nient, Puis qu'il s^en vont.
Le ROY Alons men : Dieu de la amont Les vueille en pitié regarder 2470 Et de vilaine mort garder
Par son plaisir.
L'abbé Frère Adam, j'ay trop grant désir D'aler sur la rivière esbatre.
Venez après moy, sanz debatre, 2475 Et vous, frère Romain, aussi ;
Ysnellement partons de cy, Par amour fine.
Deuxiesme moine igo c
Sire, par sainte Katherine, Tresvoulentiers.
Troisiesme moine 2480 Or soit, et je feray le tiers,
Qui compagnie vous feray Voulentiers, et aussi prendray L'esbatement.
L'ainsné Seigneurs, louons dévotement 2485 Dieu qui nous fait si biau déport,
Qu'amené nous a ci a port De sauvetè.
L'abbé Seigneurs, Dieu Vous croisse en bonté!
S'il vous plaist, je vous vueil enquerre 2490 Dont estes nez, ne de quel terre
XXXI V SAINTE BAUTHEUCH l63
Et conment estes ci venuz Sanz nage et sanz avirons nulz :
Trop m'en merveil.
Deuxiesme fil Qui nous sommes dire vous vueil :
Biau père, sachiez sanz doubtance 2495
Nous sommes filz du roy de France.
Mais de ce sui moult esbahiz Conment en si désert pais
Vous demourez.
L'abbé Pour ce que Dieu miex aourez 25oo
Y est, et par devocion, Que se faisions mension
Entre gens, sire.
L'ainsné Père, nostre estât vous vueil dire :
C'est voir que nous deux jounes hommes 25o5 Enfans du roy de France sommes, Qui si orgueilleux devenismes Qu'a tort guerroier le voulsismes Et jetter de son règne hors.
Et en la guerre nous prist lors. 25 10
Or devez vous, sire, savoir, , igo d De nous venjance voult avoir ; Mais nulz ne nous osoit jugier.
Quant nostre me're, pour purgier Ce qu'avions envers eulx mespris, 25 1 5
Nous jugea, qui estions pris, Que jamais ne tendrions terre ; Oultre, pour le fait de la guerre, Que perdrions les vertuz des corps:
Si nous cuit on les jarrez lors ; 2520
Et après elle a ordené Qu'en ce batel fumes mené, Puis nous laissa, a brief parler.
Aval l'iaue de Saine aler 2525 Sanz perche et sanz gouvernement,
Fors que de Dieu tant seulement,
Qui nous a saux amenez ci.
Sire, si vous requier merci.
Qu'a l'onneur Dieu premièrement, 2 33o Et au salut secondement
De noz âmes vous nous veilliez
Adviser, et nous conseilliez Que pourrons faire.
L'abbé
Vous en venrez en mon repaire ; 2535 Sa, frère Adam, avant venez;
Ce jouvencel ci amenez,
Soustenez li et braz et main
Entre vous et frère Romain.
Et vous, amis, de par delà 2540 Amenez aussi celui la.
Ores, seigneurs, vezci mon lieu ; Esjoissiez vous touz en Dieu, Et demourez avecques moy ; Et je vous dy en bonne foy 2545 Qu'a ceulx qui Dieu aiment et doubtent,
Et qui hors du monde se boutent
Viennent touz biens.
Deuxiesme fil Nous ne demandons autre riens
Que nous y mettre.
QUASIN
255o Seigneurs, puis que ci vous voy estre igi a
Arrestez, a Paris iray
Et a la royne diray
Et au roy nouvelles de vous,
Et qu'estes ici. A Dieu touz !
2555 Ne fineray tant qu'a eulz soie ;
XXX IV SAINTE BAUTHEUCH l65
Il ne peut que brief ne les voie.
Vezci de leur hostel la court :
Droit a eulx vois, a brief mot court.
Cliier sire, faites bonne chiére,
Et vous aussi, ma dame chiére ; 256o
Vos deuz enfans saluz vous mandent
Et a vous deux se reconmandent
Assez de foiz.
Bautheuch Dy me voir, foy que tu me doiz, Quasin, ou les as tu laissié, 2565
Ne quel part ont il adressié?
C'on le me die.
Quasin Ma chiére dame, en Normandie, En un lieu sauvage et désert, Sont avec l'abbé Phillebert, 25/0
Que nous d'aventure trouvasmes Ainsi conme a terre arrivasmes, Qui benignement les a pris.
Et si dottrinez et appris Qu^il sont de sa religion; 25/5
Et sont en sa subjeccion
Moines devoz.
Le ROY Dame, sanz plus dire, je los Que nous touz ensemble y alons, Et qu'a l'abbé aussi parlons 258o
Et enquerons de leur estât :
Alons men sanz plus de restât,
Je vous em pri.
Bautheuch Alons, sire, je m'y ottri; Seigneurs, venez touz, or avant, 2585
igi b Avec nous. Quasin, vas devant
'i66 MIRACLE DE XXXIV
Pour nous conduire.
QUASIN
Voulentiers, ce ne me peut nuire.
Dame, ne soiez esbahie :
2590 Regardez, vezci Tabbaie
Ou voz filz sont.
Leroy Je verray voulentiers qu'ils font, Et si y venray bien souvent.
Dieu gart de mal tout ce couvent, 2595 Si face il nous !
L'abbé Treschier sire, bien veigniez vous, Et ma dame, et la compagnie Que je ci voi acompagnie!
Vezci voz filz.
Bautheuch 2600 C'est voirs, abbes : deux foiz en fis
La portée neuf mois entiers.
Enfans, voulez vous voulentiers Cy demourer ?
L'ainsné Pour Dieu servir et aourer, 2605 Mère, ne demandons pas miex
Qu'estre ainsi ; et loez soit Diex, Quant il nous fait tel bénéfice Qu'avoir nous deigne en son service Cy appeliez !
Le ROY 2610 Puis que ci demourer voulez
Et que Dieu de voz grans meffaiz, Que vous savez bien qu'avez faiz, Vous donne bonne repentance, Et qu'il vous souffist, sanz doubtance, 2615 Voulentiers vous y lairay estre.
XXXIV SAINTE BAUTHEUCH 167
Nient moins, dans abbes, pour cest estre Acroistre, vous doing, c'est m'entente, Dix mille livrées de rente ; Avec ce je vous abandonne igi c Mes bois, et du merrien vous donne 2620 Tant, ce vous vueil bien affier, Com vous pourrez ediffier Et maisonner ; et après ce, Pour ce que trop ne vous empresse, On dit qu'avez une chappelle 2626
La derrière qui est moult belle ; Si vueil que vous m'i menez, sire, Et qu'en alant la faciez dire Par vos clers un chant bel et gent, Pour resjoir moy et ma gent ; 263o
C'est ce que vueil.
L'abbé Sire, je feray vostre vueil De tout mon pouoir, n'en doublez.
Avant, mes clers, avant : chantez
Appertement. 2635
Et lors s'en vont le roy, la royne et touz les autres, et chante l'en devant eulz, et ainsi se fine le jeu.
Explicit.
DE
L'evesque
Le premier clerc
Deuxiesme clerc
Premier escuier
Le bourgeois, sire Audry
Deuxiesme escuier
L'escuier au bourgeois, Joscet
Deuxiesme escuier au bourgeois, Gobin
Premier povre
Deuxiesme povre, Boute en Courroie
Troisiesme povre
Quatriesme povre
Un cousin, Goubert
GOBERT, deuxiesme COUSIN
Un VOISIN
Un messagier
Un autre messagier
Le juif, Moussé
Gontier, bourgeois
Ytier, bourgeois
Le messagier
Le vallet au juif, Sadoch
Dieu
Gabriel
MiCHIEL LOYS
NosTRE Dame
Cy conmence un miracle de Nostre Dame conment Nostre Seigneur tesmoingna que tin marchant qui avoit emprunté argent d'un juif a jpaier a jour nommé Vavoit bien et deuement paie, combien que le juif lui reniast, et pour ce se fist le juif crestienner. iç2 a
L'evesque us, biaux seigneurs, sus, alons men.
Il est vray que j'ay convenant D'aler le moustier saint Venant Reconseillier qu''est entredit, Si conme les gens le m'ont dit 5
De la parroisse.
Le premier clerc Mon chier seigneur, se Dieu me croisse En bien, prest sui, ne vous doubtez, D'obéir a voz volentez.
C'est de raison. lo
Deuxiesme clerc Et je sanz plus d'arrestoison Aussi sui par TEgipcienne.
Vezci l'yaue grégorienne, Sire, que je vous porteray, Et vostre livre aussi feray i5
Ou est escript ce qu'on doit dire.
Alez devant, s'il vous plaist, sire, Et nous après.
L'evesque Vous deux que je voy cy touz près, Devant moy tost sanz demourée 20 Alez. Que la vierge honnourée 192 b
Vous soit amie.
Premier escuier Sire, ne vous desdirons mie.
Mais ce que conmandcz ferons.
25 Par cy devant nous en irons :
Or nous suivez.
L'evesque C'est voir qualer devant devez Et j'après vous.
Le bourgeois Révèrent père, vueilliez nous 3o Donner vostre beneiçon.
Je tien et est m'entencion Miex en vaulroye.
L'evesque Sire, voulentiers je Tottroye.
Benedicionem perpetuam tribuat tibi pater eternus.
Le bourgeois 35 De bonne heure sui ci venuz :
Maizhui ne me venra que bien.
Je vous suppli, sire, combien Que soie de po de valeur, Que vous me faciez ceste honneur 40 Qu'avecques moy demain dinez
Et voz gens aussi amenez, Je vous em proy.
L'evesque Biau sire, je le vous ottroy, Quant si doulcement m'en priez.
aS Plus ores ne me detriez :
D'estre ou je vois ay grant désir.
Demain pourrons plus a loisir Parler ensemble.
Le bourgeois Soit, sire, puis que bon vous semble , Je ne vous vueil plus ci tenir ; 5o
Mais n'obliez pas a venir De bonne heure, mon seigneur doulx.
Seigneurs, venez avec moy touz ig2 c Sanz plus le dire.
Premier escuier A Dieu! puis que le voulez, sire, 55
Si ferons nous.
L''evesque Dites moy, est il nul de vous Qui congnoisse cest homme cy Qui m'a semons et vous aussi?
Ne le congnois. 60
Deuxiesme escuier Et je si fas : c'est un bourgeois Larges, a touz habandonné, Qui maint biau diner a donné.
Il est franc decuer, il est gent, Il est amez de toute gent, 65
Il donne au povre, il donne au riche, Du sien n'est point aver ne chiche, Je vous promet.
Premier clerc C'est uns homs qui grant poine met D'avancier ses petiz amis. 70
De son avoir y a moult rais, Sages et riches est sanz guille.
N'a tel bourgeois en ceste ville, Non, de largesce.
L'evesque Et nous verrons bien demain qu'est ce. y5
Pensons d'aler.
Le bourgeois Encore aler me fault parler A trois de mes amis ou quatre Et prier que demain esbatre 80 Avecques moy diner se viengnent
Et que compagnie me tiengnent, Puis qu'a diner Tevesque aray.
Mais tout avant euvre g'iray Saluer la dame des cieulx 85 Puis qu'acoustumé Tay, le miex
Que je pourray devostement.
Vous deux, allez appertement Mon hostel faire assemillier Et la viande apparillier 19^ <^
go Telle que n'en soiez repris,
Mais que g'y aie honneur et pris, Quoy qu'elle couste.
L'escuier au bourgeois Sire, il vous sera fait sanz doubte Ainsi que vous le conmandez.
q5 a nous deux vous en attendez
Hardiement.
Deuxiesme escuier au bourgeois Alez vous en seurement Au moustier voz oroisons dire, Et sanz vous plus dementer, sire, 100 Laissez nous faire.
Le bourgeois Il est dit : de tout cest affaire Je me démet et me descharge Et vous en lais du tout la charge.
N'appareilliez, ce vous conmande, io5 Fors toute la meillieur viands
Que pourrez trouver, et grans mes
XXXV UN MARCHANT ET UN JUIF Ijb
Nous faites. Je m'en vois huymais
Jusqu'à l'église.
Premier escuier Puis que nous savons vostre guise, Alez : bien le ferons sanz faille. i lo
Alons men tost a la poulaille,
Sanz plus cy estre.
Le bourgeois Je me vueil cy a genouz mettre Davant l'image nostre dame A qui je rens mon corps et m'ame. 1 15
Prier la vueil com j'ay pensé.
Dame, par qui fusmes tensé De la mort d'enfer pardurable, Quant Dieu le père esperitable Fist son filz des haulz cieulx descendre 1 20 En vous et humanité prendre Pour nous mener en paradis ; Dame, qui en faiz et en dis Fustes en Dieu contemplative ig3 a Plus qu'autre par prérogative i25
Et sainte en conversacion ; Dame, toute m'afeccion, Ma plaisance et tuit mi désir Sont en faire vostre plaisir Pour vostre grâce desservir. i3o
Certes, je vous doy bien servir, Si feray je d'or en avant Touz les jours mais de mon vivant, Et j'espère qu'il me vauldra, Quant tout le monde me fauldra, 1 35
Ma dame, par vo doulx ottry.
Pour ce vous offre et vous ottry Ame et corps, quel pécheur que soie.
Dame, qui es lassus en joie
l^Ô MIRACLE DE XXXV
140 Pardurable sanz finement,
A Dieu qui ne fault ne ne ment, M^empestrez paiz et telle accorde, Fonteine de miséricorde, Que de mes péchiez soie quittes
145 Par voz glorieuses mérites.
Gy vous requier et requerray Touz les jours mais que je vivray ; Ne vous scay plus ne miex requerre.
Dame du ciel et de la terre,
1 5o Ce que de cuer dy et de voix
Recevez en gré. Je m^en vois A tant de cy.
Premier povre Et ! sire, par vostre mercy, Ne nous soiez aver ne chiches :
i55 Faites entre nous quatre riches,
Donnez a chascun vostre aumosne.
Que Dieu, qui est lassus ou throsne, S'amour vous doint.
Deuxiesme povre Voire, et ses péchiez lui pardoint.
160 Mon seigneur, povre sui sanz doubte ;
Vous veez bien que je n'y voy goûte : Faites me bien.
Le bourgeois Tien, pour Dieu soit ; tien, tien et tien. ig3 b Allez : chascun un blanc avez.
i65 Prier Dieu pour moy bien devez :
Souvent vous doing.
Troisiesme povre Aussi conme a nostre besoing Nous secourez Dieu vous sequeure Au jour qu'en arez et a Teure, 170 Sire, mestier.
Q.UATRIESME POVRE
J'en prie Dieu de cuer entier
Que ses biens li croisse et foisonne.
Souvent nous fait bien et nous donne
De son argent.
Le bourgeois Ains que Tevesque ne sa gent 175
Viengnent en maison pour dîner, Savoir vois se pourray finer De cinq de mes amis ou six, Qui pour li compagnier assis A table près de li seront • 180
Et révérence li feront
Et compagnie.
L'evesque Seigneurs, oblier ne doy mie Le diner que m'a sire Audry Promis. Alons y sanz detry : i85
Il en est temps.
Le premier escuier Ce que vous dites bien entens, Mon seigneur : temps en est et heure.
Alons men sanz plus de demeure :
Vezcy la voie. 190
L'evesque Alez devant que je vous voie ; Marchiez sanz nous plus cy tenir.
Je le voy contre nous venir :
Parler vueil a ly. Sire Audry, Ou alez vous, je vous em pry, ig5
De si grant erre ?
Le bourgeois ig3 c Sire, je vous aloie querre, Que tout est prest.
T. VI ,2
lyS MIRACLE DE XXXV
L'evesque Alons men donc, puis qu'ainsi est.
200 A mes gens vueil congié donner.
Seigneurs, alez vous tost diner A mon hostel.
Le bourgeois Ce seroit grant pechié mortel De les en faire ainsi aler.
2o5 Avecques nous sanz plus parler
Vraiement, sire, dîneront, Je vous em pri ; assez aront En vérité .
L'evesque Puis que c'est vostre voulenté, 210 Je ne vous vueil pas contredire.
Soit fait, puis qu'ainsi vous plaist, sire ; Alez devant.
Le bourgeois Voulentiers. Venez me suivant, Et vous trestouz.
Premier clerc 21 5 N'en doublez, non : si ferons nous.
Pensez d'aler.
Premier povre Seigneurs, escoutez me parler.
Yci maishuit estre pourrons, Mais je tien que nous n'y ferons 220 De nostre prouffit qu'un petit ;
Et j'ay trop bien bon appétit De mengier et s'ay soif trop grant. A nul de vous le cuer engrant D'avec moy venir sanz attendre 225 Trois deniers ou quatre despendre?
Qu'en dictes vous?
Deuxiesme povre Saler y voeil, ou irons nous?
Or ne me truffes.
Premier povre Nous yrons chiez Robert de Ruffes ig3 d Assez près du four Saint Martin. 23o
A trois tournois y arons vin Et bon et gent.
Le tiers povre Il y va et vient trop de gent; Tu diz en la fourraajerie Assez près de la guanterie ? 235
Mais alon chiez le tavernier Qui soloit estre cervoisier, Con nomme Pierre Filion.
J'ay trop bien en regipcion
Qu'i serons miex. 240
Le quart povre Tu as dit voir, se m'aist Diex :
Il y a pour nous meilleur place.
C'est a la pointe saint Uitasse, Oultre un petit.
Premier povre Or vien avant, puis qu'il est dit : 245
Je vois devant.
Deuxiesme povre Et je t'iray de près sivant, Mais que tu m'y vueilles mener; Car autrement mie assigner
Je n'y saroie. 25o
Troisiesme povre Je t'i menray, Boute en Courroie, Et m'iray avec vous esbatre.
Sa, la main. Alons men touz quatre; Marchiez devant.
L'evesque E ! vous ne venrez plus avant : 255
Demeurez cy.
Le bourgeois Si feray voir, je vous afy, Mais qu'il vous plaise.
L'evesque Non ferez, je suis a mon aise.
360 Granz merciz de foiz plus de mille
Conme a celui de ceste ville Quy m'a donné plus richement A diner et plus grandement. i g4 a
A Dieu vous dy, mon ami doulx !
265 Biaux seigneurs, que me dittes vous
De ce bourgeois?
Premier clerc N'en Prouvence n'en Aubigeois, N'en pais nul ou j'aie esté, De si large homme en vérité 270 N'oy parler.
Deuxiesme clerc Ne sariez en pais aler Ou le renom de ly ne queure.
Chascun l'aime et chascun Tonneure, Tant a vaillance.
Premier escuier 275 Mon seigneur, sachiez dès s'enfance
Ceste condicion emprist Qu'a donner largement se prist :
Encor la tient.
Deuxiesme escuier Par ma foy, de grant bien li vient.
280 Se conte ou duc sanz plus estoit,
Je croy par ces dons tant feroit Que sur toute crestienté Le peuple aroit bien voulenté Qu'eust puissance.
XXXV UN MARCHANT ET UN JUIF l8l
L'evesque II peut bien estre sanz doubtance. 285
Seoir me vueil. Laissons en pais.
Noz heures nous fault dire huimais Pour estre en quittes.
Premier clerc C'est vrai, mon chier seigneur, bien dites, Puis que sommes en vostre lieu. 290
Conmenciez, sire, de par Dieu, Ysnel le pas.
L'evesque Je vueil que les dions tout bas Pour maintenant.
Un cousin Je voy sa sire Audri devant. 295
ig4 b Ma neccessité descouvrir
Li vueil et tout mon cuer ouvrir.
Dieu vous doint bon jour, chier cousin, Et longue vie et bonne fin
Par son plaisir ! 3oo
Le bourgeois Et Dieu vueille vostre désir, Cousin Goubert, parfaire en bien !
Puis que ne vous vy mais combien
Y a il ore?
Un COUSIN Il a bien deux mois; mais encore 3o5
Voulentiers me fusse tenuz D'estre maintenant cy venuz.
Se ne fust besoin qui m'amaine.
Il me convient ceste sepmaine A un marchant dehors livrer 3 10
Vint mars d'or et m'en délivrer, Ou je sui perdu et destruiz S'en mes amis confort ne truis.
l82 MIRACLE DE XXXV
Si vous pri ne me failliez pas 3i5 Qu'a passer ne m'aidiez ce pas,
Et bien brief le vous renderay, Et si le vous desserviray Bien, se Dieu plaist.
Le bourgeois Cousin, sanz vous faire long plait, 3jQ Jusqu'en maison vous en venez.
Et je feray que les arez.
Venez ent avec moy, cousin.
Tenez le sac, c'est tout or fin Que je vous baille.
Le cousin 325 Bien est ; je vous promet sanz faille,
Cousin, que je ne fineray .; Tant que rendu le vous aray
A mon pouoir.
Le bourgeois Faites en si vostre devoir 33o Que me puissiez ami trouver
t, Une autre foiz et recouvrer
S'il est mestier. i94 ^
Le cousin Si feray j', et de cuer entier Tant com je puis vous en mercy :
335 Hors m'avez mis de grant soussy.
A Dieu, chier sire!
Le bourgeois A Dieu, cousin, qui vous gart d'ire Et de pesance !
