MIRACLE DU ROY THIERRY

De la baisier et acoler.

Ma suer, sanz vous plus adoler, 236o Parlez a moy.

Ha ! mon treschier seigneur le roy, Assez ay eu paine amére Sanz cause et tout par vostre mère :

Vous le savez.

Le roy 2365 C'est voir, dame, et vous en avez

Esté vengée tellement Que Dieu de son vray jugement, Qui rent a chascun son mérite, La fist morir de mort sobite, 2370 Et devint son corps aussi noir

Conme arrement, je vous dy voir, Ore plus ci n'arresterons ; Mais a joie vous en menrons En Arragon, qu'est nostre terre.

237b Faites me tost venir bonne erre

Les menesterez qui joueront, Ou mes clers qui bien chanteront, Tandis qu'en irons nostre voie.

Onques mais je n'o si grant joie, 238o N'en doubte nulz.

Deuxiesme chevalier Vez lez ci ou sont ja venuz.

Alons tout droit par ce sentier. i56 a

Avant, seigneurs! faites mestier Pour nous esbatre.

Icy jeuent les menestere^, et s'en va le jeu.