SCENE VI

GARDE, ALCESTE, CELIMENE, ELIANTE, ACASTE, PHILINTE, CLITAXDRE.

GARDE

Monsieur, i'ay deux Mots à vous dire.

ALCESTE

Vous pouuez parler haut, Monsieur, pour m'en instruire.

GARDE

Messieurs les Mareschaux, dont i'ay commandement, Vous mandent de venir les trouuer promptement, Monsieur.

ALCESTE

Qui? moy, Monsieur?

GARDE

Vous-mesme.

ALCESTE

Et pourquoi faire ?

PHILINTE

C'est d'Oronte, et de Vous, la ridicule Affaire.

CELIMENE.

Comment? .,

PHILINTE

Oronte, et luy, se sont tantost brauez, Sur certains petits Vers, qu'il n'a pas approuuez ; Et l'on veut assoupir la chose, en sa naissance.

COMEDIE

ALCESTE

Moy, ie n'auray, iamais, de lâche Complaisance.

PHILINTE

Mais il fait suiure l'Ordre, allons, disposez-vous . . .

ALCESTE

Quel accommodement veut-on faire entre-nous ? La Voix de ces Messieurs, me condamnera-t'elle A trouuer bons les Vers qui font nostre Querelle ? le ne me dédis point de ce que i'en ay dit, le les trouue médians.

Mais d'vn plus doux Esprit . .

ALCESTE

le n'en démordray point, les Vers sont exécrables.

PHILINTE

Vous deuez faire voir des Sentiments traitables ; • Allons, venez.

ALCESTE

I'iray, mais rien n'aura pouuoir De me faire dédire.

PHILINTE

Allons vous faire voir.

ALCESTE

Hors qu'vn Commandement exprés du Roy me vienne, De trouuer bons les Vers, dont on se met en peine, le soûtiendray, toujours, morbleu, qu'ils sont mauuais, Et qu'vn Homme est pendable, après les auoir faits.

A Clita?idre et Acaste, qui rient.

Par la sangbleu, Messieurs, ie ne croyois pas estre Si plaisant que ie suis.

CELIMENE.

Allez viste parestn Où vous deuez.

ALCESTE

l'y vais, Madame, et, sur mes pas, le reuiens en ce Lieu, pour viiider nos Débats.

Fin du Second Acte»