LES SAINTS
Après l'exemple de notre sainct Guide, il y en a eu force qui par dévotion ont voulu porter la croix.
Saint Louis : Nous apprenons, par tesmoing tres-digne de foy, que le roy sainct Louys porta la haire jusques à ce que, sur sa vieillesse, son confesseur l'en dispensa; et que touts les vendredis il se faisoit battre les espaules, par sonpresbtre, de cinq chaisnettes de fer, que pour cet effect on portoit emmy ses besongnes de nuict.
Saint Guillaume d'Aquitaine : Guillaume
nostre dernier duc de Guyenne, père de cette Alienor qui transmeit ce duché aux maisons de France et d'Angleterre, porta, les dix ou douze derniers ans de sa vie, continuellement, un corps de cuirasse soubs un habit de religieux, par pénitence.
Saint Charles : Le cardinal Borromee, qui mourut dernièrement à Milan, au milieu de la desbauche à quoy le convioit et sa noblesse, et ses grandes richesses, et l'air de l'Italie, et sa jeunesse, se mainteint en une forme de vie si austère, que la mesme robbe qui luy servoit en esté luy servoit en hyver ; n'avoit pour son coucher que la paille ; et les heures qui luy restoient des occupations de sa charge, il les passoit estudiant continuellement, planté sur ses genouils, ayant un peu d'eau et de pain à costé de son livre, qui estoit toute la provision de ses repas, et tout le temps qu'il y employoit.
Saiut Paulin : Quand la ville de Noie feut ruynee par les Barbares, Paulinus, qui en
estoit evesque, y ayant tout perdu, et leur prisonnier, prioit ainsi Dieu: « Seigneur, garde moy de sentir cette perte ; car tu sçais qu'ils n'ont encores rien touché de ce qui est à moy: » les richesses qui le faisoient riche, et les biens qui le faisoient bon. estoient encores en leur entier. Voylà que c'est de bien choisir les thresors qui se puissent affranchir de l'injure, et de les cacher en lieu où personne n'aille, et lequel ne puisse estre trahi que par nous mesme.
Saint Laurent : Nous oyons nos martyrs crier au tyran, au milieu de la flamme : « C'est assez rosti de ce costé là ; hache le, mange le, il est cuit ; recommence de l'aultre.
Saint Thomas if Aquin : De vray, cet espritlà est plein d'une érudition infinie et d'une subtilité admirable.
Saint Aus'ustin : De ses escrits nostre religion recôoit un grand fruict.
Saints solitaires : Combien en sçavons-nous qui ont fuy la doulceur d'une vie tranquille en
leurs maisons, parmy leurs cognoissant, pour suyvre l'horreur des déserts inhabitables ; et qui se sont jectez à l'abjection, vilité et mespris du monde, et s'y sont pleus.
