PROTESTANTISME

Une milliasse de petits livrets, que ceulx de la religion prétendue reformée font courir pour la deffense de leur cause, partent par fois de bonne main, et qu'il est grand dommage n'estre embesongnee à meilleur subject.

C'est l'orgueil qui jecte l'homme à quartier des voyes communes, qui luy faict embrasser les nouvelletez, et aymer mieux estre chef d'une troupe errante et desvoyee au sentier de perdition, aymer mieulx estre régent et précepteur d'erreur et de mensonge, que d'estre disciple en l'eschole de vérité, se laissant mener et con-

duire par la main d'aultruy à la voye battue et droicturiere.

Lors que les nouvelletez de Luther commenceoient d'entrer en crédit, et esbranler en beaucoup de lieux nostre ancienne créance, on prévoyait bien, par discours de raison, que ce commencement de maladie declineroit ayseement en un exsecrable athéisme; carie vulgaire n'ayant pas la faculté de juger des choses par elles mesmes se laissant emporter à la fortune et aux apparences, aprez qu'on luy a mis en main la hardiesse de mespriser et conlrerooller les opinions qu'il avoit eues en extrême révérence, comme sont celles où il va de son salut, et qu'on a mis aulcuns articles de sa religion en doubte et à la balance, il jecte tantost aprez ayseement en pareille incertitude toutes les aultres pièces de sa créance, qui n'avoient pas chez luy plus d'auctorité ny de fondement que celles qu'on luy a esbranlees, et secoue, comme un joug tyrannique, toutes les impressions qu'il

MOMTAIGNE CHRETIEM

avoit receues par Tauctorité des loix ou révérence de l'ancien usage, entreprenant dez lors en avant de ne recevoir rien à quoy il n'ayt interposé son décret, et preste particulier consentement.

Certes, il est peu d'ames, si réglées, si fortes, et bien nées, à qui on se puisse fier de leur propre conduicte, et qui puissent, avecques modération et sans témérité, voguer en la liberté de leurs jugements, au delà des opinions communes : il est plus expédient de les mettre en tutelle. C'est un oultrageux glaive, à son possesseur mesme, que l'esprit, à qui ne sçait s'en armer ordonneement et discrettement; et n'y a point de beste à qui plus justement il faille donner des orbieres, pour tenir sa veue subjecte et contraincte devant ses pas, et la garder d'extravaguer ny çà ny là, hors les ornières que l'usage et les loix lui tracent : parquoy il vous siéra mieulx de vous resserrer dans le train accousiumé, quel qu'il soit, que de jecter

l38 MONTAIGNE CHRÉTIEN

votre vo à cette licence effrénée. Mais si quelqu'un de ces nouveaux docteurs entreprend de faire l'ingénieux en vostre présence, aux despens de son salut et du vostre; pour vous desfaire de cette dangereuse peste qui se respand tous les jours en vos courts, ce préservatif, à l'extrême nécessité, empeschera que la contagion de ce venin n'offensera ny vous, ny vostre assistance.

Ceulx qui ont essayé de r'adviser les mœurs du monde, de mon temps, par nouvelles opinions, reforment les vices de l'apparence; ceulx de l'essence, ils les laissent là, s'ils ne les augmentent : et l'augmentation y est à craindre; on se séjourne volontiers de tout aultre bienfaire, sur ces reformations externes, arbitraires, de moindre coust et de plus grand mérite; et satisfaict on à bon marché, par là, les aultres vices naturels, consubstanciels et intestins.