LA FOI RAVIVEE PAR L'HERESIE

C'est un effect de la Providence divine de permettre sa saincte Eglise estre agitée, comme nous la veoyons, de tant de troubles et d'orages, pour esveiller par ce contraste les âmes pies, et les r'avoir de l'oisifveté et du sommeil où les avoit plongées une si longue tranquillité : si nous contrepoisons la perte que nous avons faicte par le nombre de ceulx qui se sont desvoyez, au gaing qui nous vient pour nous estre remis en haleine, resuscité nostre zèle et nos forces à l'occasion de ce combat, je ne sçais si l'utilité ne surmonte point le dommage.