VERTU CACHEE

Ce n'est pas pour la montre, que nostre ame doibt jouer son roole; c'est chez nous, au dedans, où nuls yeulx ne donnent que les nostres :

Gloria nostra est testimonium conscientiœ nostrce. Qui n'est homme de bien que parce qu'on le sçaura, et parce qu'on l'en estimera mieulx aprez l'avoir sceu;qui ne veult bien faire qu'en condition que sa vertu vienne à la cognoissance des hommes, celuy là n'est pas personne de qui on puisse tirer beaucoup de service.

Les actions de la vertu, elles sont trop nobles d'elles mesmes pour rechercher aultre

lyO MONTAIGNE CHRETIEN

loyer que de leur propre valeur, et notamment pour la chercher en la vanité des jugements humains.

C'est une vie exquise, celle qui se maintient en ordre jusques en son privé. Chascun peult avoir part au bastelage, et représenter un honneste personnage en l'eschafaud; mais au dedans et en sa poictrine, où tout nous est loisible, où tout est caché, d'y estre réglé, c'est le poinct.