RECOMPENSE ET PUNITION DANS LA CONSCIENCE

Il y a, certes, je ne sçais quelle congratulation de bien faire, qui nous resjouit en nous mesmes, et une fierté généreuse qui accompaigne la bonne conscience : une ame courageusement vicieuse se peult à l'adventure garnir de sécurité; mais de cette complaisance et satisfaction, elle ne s'en peult fournir. Ce n'est pas un legier plaisir de se sentir préservé de la contagion d'un siècle si gasté, et de dire en soy : « Qui me verroit jusques dans l'âme, encores ne me trouveroit il

l66 MONTAIGNE CHRETIEN

coupable, ny de l'affliction et ruyne de personne, ny de vengeance ou d'envie, ny d'offense publicque des loix, ny de nouvelleté et de trouble, ny de faulte à ma parole ; et, quoy que la licenee du temps permist et apprinst à chascun, si n'ay je mis la main ny ez biens, ny en la bourse d'homme françois, et n'ay vescu que sur la mienne, non plus en guerre qu'en paix : ny ne me suis servy du travail de personne sans loyer. » Ces tesmoignages de la conscience plaisent; et nous est grand bénéfice que cette esjouïssance naturelle, et le seul payement qui jamais ne nous manque.

Le vice laisse, comme un ulcère en la chair, une repentance en l'ame, qui tousjours s'esgratigne et s'ensanglante ellemesme : car la raison efface les aultres tristesses et douleurs, mais elle engendre celle de la repentance qui est plus griefve, d'autant qu'elle naist au dedans, comme le froid et le chaud des fiebvres est plus poignant que celuy qui vient du dehors.

VERTUS DE LA VIE COMiMUNE

Gaigner une bresche, conduire une ambassade, régir un peuple, ce sont actions esclatantes : tanser, rire, vendre, payer, aymer, haïr, et converser avecques les siens, et avecques soy mesme, doulcement et justement, ne relascher point, ne se desmentir point; c'est chose plus rare, plus difficile, et moins remarquable. Les vies retirées soustiennent par là, quoy qu'on die, des debvoirs autant ou plus aspres et tendus, que ne le font les aultres vies.

Le prix de l'ame ne consiste pas à aller hault,

l68 MONTAIGNE CHRÉTIEN

mais ordonneement; sa grandeur ne s'exerce pas en la grandeur, c'est en la médiocrité.

Les faultdoncques juger parleur estât rassis, quand elles sont chez elles; si quelquesfois elles y sont : ou au moins quand elles sont plus voy sines du repos, et en leur naïfve assiette.