BONTE ENVERS LES SERVITEURS

Le conseil de Platon ne me plaist pas, de parler tousjours d'un langage maestral à ses serviteurs, sans jeu, sans familiarité, soit envers les masles, soit envers les femelles ; car, oultre ma raison, il est inhumain et injuste de faire valoir cette telle quelle prérogative de la fortune ; et les polices où il se souffre moins de disparité entre les valets et les maistres, me semblent les plus équitables.

Pour bien faire, ne debvrions jamais mettre la main sur nos serviteurs, tandis que la cholere nous dure.

Les chastiements qui se font avecques poids et discrétion se receoivent bien mieulx et avecques plus d3 fruict de celuy qui les souffre : aultrement, il ne pense pas avoir esté justement condemné par un homme agité d'ire et de furie :