IVROGNERIE

L'yvrongnerie, entre les aultres, me semble un vice grossier et brutal. L'esprit a plus de part ailleurs; et il y a des vices qui ont Je ne sais quoy de généreux, s'il le fault ainsi dire ; il y en a où la science se mesle, la diligence, la vaillance, la prudence, l'adresse et la finesse : cettuy cy est tout corporel et terrestre. Aussi la plus grossière nation de celles qui sont aujourd'huy, c'est celle là seule qui le tient en crédit. Les aultres vices altèrent l'entendement ; cettuy cy le renverse, et estonne le corps.

Le pire estât de l'homme, c'est où il perd la cognoissance et gouvernement de soy.