LA VIEILLESSE

Dieu faict grâce à ceulx à qui il soubstraict la vie par le menu : c'est le seul bénéfice de la vieillesse : la dernière mort en sera d'autant moins pleine etnuisible. elle ne tuera plus qu'un demy ou un quart d'homme. Voylà une dent qui me vient de cheoir, sans douleur, sans effort; c'étoit le terme naturel de sa durée : et cette partie de mon estre, et plusieurs aultres, sont desja mortes, aultres demy mortes, des plus actifves, et qui tenoient le premier reng pendant la vigueur de mon aage. C'est ainsi que je fonds, et eschappe à moy.

2 3o MONTAIGNE CHRÉTIEN

Veoyez un vieillard qui demande à Dieu qu'il luy maintienne sa santé entière et vigoreuse, c'est à dire qu'il le remette en jeunesse : n'est-ce pas folie? sa condition ne le porte pas.

Mon bon homme, c'est faict : on ne vous sçauroit redresser; on vous piastrera pour le plus, et testonnera un peu, et alongera Ion de quelque heure vostre misère.