DUEL

En mon enfance, la noblesse fuyoit la réputation de bien escrimer comme injurieuse, et se desroboit pour l'apprendre, comme un mestier de subtilité desrogeant à la vraye et naïfve vertu.

Les buttes, les tournois, les barrières, l'image des combats guerriers, estoient l'exercice de nos pères; cet aultre exercice est d'autant moins noble, qu'il ne regarde qu'une fin privée ; qui nous apprend à nous entreruyner, contre les loix et la justice, et qui, en toute façon, produict tousjours des effet dommageables. Il

est bien plus digne et mieulx séant de s'exercer en choses qui asseurent, non qui offensent notre police, qui regardent la publicque seureté et la gloire commune.