Pendant le cours de

5. Dont, c'est-à-dire, de là, ainsi (mule) nous est en quelque façon rendu (instaurare).

G. Chenu, blanc, du latin canutus, dérivé de canus.

ceste habitation humaine, ie ne me reputeray totallement mourir, ains passer d'un lieu en aultre, attendu que eu toy et par toy ie demeure en mon image visible en ce monde vivant, voyant, et conversant entre gens de honneur et mes amys comme ie souloys'. Laquelle mienne conversation^ a esté moyennant l'ayde et grâce divine, non sans péché, ie le confesse (car nous péchons tous, et continuellement requérons à Dieu qu'il efface noz péchez) mais sans reproche.

Parquoy, ainsi comme en toy demeure l'image de mon corps, si pareillement ne reluysoient les meurs de l'ame, l'on ne te iugeroit-* estre garde et trésor de l'immortallité de nostre nom, et le plaisir que prendroys ce voyant', seroit petit, considérant que la moindre partie de moy, qui est le corps, demoureroit, et la meilleure, qui est l'ame, et par laquelle demeure nostre nom en bénédiction entre les hommes, seroit dégénérante et abastardie. Ce que ie ne dis pas par défiance que ie aye de ta vertu, laquelle n'a esté ia l>ar cy devant esprouvee, mais pour plus fort te encourager à proffiter de bien en mieulx.

Et ce que présentement te escriz, n'est tant affin qu'en ce train vertueux tu vives, que de ainsi vivre et avoir vescu tu te resiouisses'^ et te refraischisses en courage pareil pour l'advenir. A laquelle entreprinse parfaire et consommer, il te peut assez souvenir comment ie n'ay rien espargné; mais ainsi y ay ie secouru comme si ie n'eusse aultre thesor en ce monde, que de te veoir une foys en ma vie absolu et parfaict, tant en vertu, honesteté et preudhommie, comme en tout sçavoir libéral et honeste, et tel te laisser après ma mort comme un mirouoir représentant la personne de moy ton père, et sinon tant excellent, et tel de faict, comme ie te souhaite, certes bien tel en désir.

Mais encores que mon feu père de bonne mémoire Grandgousier eust adonné tout son estude, à ce que ie proffltasse en toute perfection et sçavoir politique, et que mon labeur