SÉxÈQCE, C'onsol. ad Polybium, chap. xxvi

Feug. Seconde. Morceaux choisis. 5

6fi SEIZIÈME SIÈCLE.

la force ennemie. Toute discipline la fuyt : elle vient guarir la sédition, et en est pleine ; veult chastier la désobéissance, et en montre l'exemple; et, employée à la deffense des loix, faict sa part de rébellion à rencontre des siennes propres. Où en sommes nous? nostre médecine porte infection! En ces maladies populaires, on peult distinguer, sur le commencement, les sains des malades; mais quand elles viennent à durer, comme la nostre, tout le corps s'en sent, et la teste et les talons; aulcune partie n'est exempte de corruption : car il n'est air qui se hume si gouluemeut, qui s'espande et pénètre, comme faict la licence. Nos armées ne se lient et tiennent plus que par ciment estrangier^ : des François on ne sçait plus faire un corps d'armée constant et réglé. Quelle honte! il n'y a qu'autant de discipline quenous en font veoir des soldats empruntez ! Quant à nous, nous nous conduisons à discrétion, et non pas du chef^, chascun selon la sienne; il a plus à faire au dedans qu'au dehors : c'est au commandant de suy vre, courtizer et plier, à luy seul d'obeïr; tout le reste est libre et dissolu. Il me plaist de veoir combien il y a de lascheté et de pusillanimité en l'ambition; par combien d'abiection et de servitude il luy fault arriver à son but; mais cecy me desplaist il, de veoir des natures débonnaires, et capables de iustice, se corrompre touts les iours au maniement et commandement de cette confusion. La longue souffrance engendre la coustume ; la coustume, le consentement et l'imitation. Nous avions assez d'ames mal nées, sans gaster les bonnes et généreuses : si que, si nous continuons, il restera malayseement à qui fier la santé de cet estât, au cas que fortune nous la redonne.

Platon ne consent pas qu'on face violence au repos de son païs, pour le guarir, et n'accepte pas l'amendement qui trouble et hazarde tout, et qui couste le sang et ruyne des citoyens; establissant l'office d'un homme de bien, en ce cas, de laisser tout là ; seulement prier Dieu qu'il y porte sa main extraordinaire : et semble sçavoir mauvais gré à

1. Montaigne entend par là les mercenaires, lansquenets et reîtres, qui servaient dans nos armées. Voir la Masure saccagée, d'Agrippa d'Aubigné, dans nos Morceaux choisis pour la Classe de Tivisième, page 431.