Ville du Péloponèse (Argolide

nieiis les receurent fort honnestement et humainement : car ils ordonnèrent qu'ils seroient nourris aux despens du public, en leur donnant deux oboles ' de leur monnoye par chascun jour, et permettant aux jeunes enfans de prendre des fruicts partout où ils eu trouveroient ; et d'avantage entretenant des maistres d'escole aux despens de leur chose publique pour leur enseigner les lettres. Celuy qui s'inscrivit aucteur de ce décret l'ut un nommé Nicagoras.

Or n'avoient point alors les Athéniens de deniers communs; mais le sénat des Areopagites, ainsi que dit Aristote, fournit à chaque homme de guerre huit drachmes-, et fut par ce moyen principale cause que les galères furent armées. Quand ce vint au départir, que toute la ville d'Athènes fut montée en mer, cela faisoit d'un costé pitié à veoir, et d'un autre costé apportoit grand esbahissement à ceux qui consideroient la hardiesse et le bon cueur de ces hommes là, qui envoyoient devant leurs pères et mères ailleurs, et eux sans fleschir pour les larmes, cris et embrassemens de leurs femmes et enfans au départir, passoient courageusement eu risle de Salamiue. Mais outre cela, il y avoit beaucoup de vieux citoyens que Ion estoit contraint de laisser là, pour ce que Ion ne les pouvoit transporter à cause de leur vieillesse, ce qui faisoit grande compassion; et si y avoit ne sçay quoy de pitoyable qui attendrissoit les cueurs, quand on voyoit les bestes domestiques et privées, qui couroient çà et là avec hurlemens et signiflance de regret après leurs maîtres et ceux qui les avoieut nourries, ainsi comme ils s'embarquoieut : entre lesquelles bestes on conte du chien de Xantippus, père de Pericles, que, ne pouvant supporter le regret d'estre laissé de son maistre, il se jecta dedans la mer après luy, et, nageant au long de la galère où il estoit, passa jusques en l'isle de Salamine, là où si tost qu'il fut arrivé, l'haleine lui faillit, et mourut soudainement. Lon dit que le lieu, que l'on appelle encore aujourd'huy la sépulture du chien, est l'endroict où il fut enterré.

Ce sont aussi de grands actes de Themistocles, que voyant les Athéniens regretter l'absence d'Aristides, et craindre que par un despit il ne se touruast du costé des barbares, et en ce faisant ne fust cause de ruiner les affaires de la