Réservoir

ci; où, à vray dire, elles ne sont non plus miennes qu'en leur première place : nous ne sommes, ce crois je, sçavants que de la science présente ; non de la passée, aussi peu que de la future. Mais, qui pis est, leurs escholiers et leurs petits ne s'en nourrissent et alimentent non plus ; ains elle passe de main en main, pour cette seule lin d'en faire parade, d'en entretenir aultruy, et d'en faire des contes, comme une vaine monnoye inutile à tout aultre usage et emploite ' qu acompter et jecter. Nous sçavons dire : Cicero dit ainsi, voilà les mœurs de Platon, ce sont les mots mesmes d'Aristote. Mais nous, que disons nous nous mesmes, que faisons nous? Que jugeons nous ? Autant en diroit bien un perroquet.

Cette façon me faict souvenir de ce riche Romain 2 qui avoit esté soigneux, à fort grande despense, de recouvrer des hommes suffisants eu tout genre de sciences, qu'il tenoit continuellement autour de luy, afin que, quand il escheeoit^ entre ses amis quelque occasion de parler d'une chose ou d'autre, ils suppléassent en sa place, et feussent tout prests à luy fournir, qui d'un discours, qui d'un vers d'Homère, chascun selon son gibbier; et pensoit ce sçavoir estre sien, parce qu'il estoit en la teste de ses gents; et comme fout aussi ceulx desquels la suffisance^ loge en leurs sumptueuses librairies 5.

Nous prenons en garde •' les opinions et le sçavoir d'aultruy, et puis c'est tout; il les fault faire nostres. Nous semblons proprement celuy qui, ayant besoing de feu, en iroit quérir chez son voysin, et, y en ayant trouvé un beau et grand, s'arresteroit là à se chauffer, sans plus se souvenir d'en rapporter chez soy. Que nous sert il d'avoir la panse pleine de viande, si elle ne se digère, si elle ne se transforme en nous, si elle ne nous augmente et fortifie ? Pensons nous que LucuUus, que les lettres rendirent et formèrent si grand capitaine sans l'expérience, les eust prinses à nostre mode ? Nous nous laissons si fort aller sur les bras d'aultruy, que nous