ëilié» iobligatus

4. On peut la lire dans Téditiou des Œuvres compltles de la Boctie donnée par M. Léon Feugère. page 300.

munes; j'en ay autant de cognoissance qu'un aultre, et clés plus parfaictes de leur genre; mais je ne conseille pas qu'on confonde leurs règles* : on s'y tromperoit. En ce noble commerce, les offices et les bienfaicts, nourrissiers des aultres amitiez, ne méritent pas seulement d'estre mis en compte ; cette confusion si pleine de nos volontez en est cause : car tout ainsi que Tamitié que je me porte ne reçoit point augmentation pour le secours que je me donne au besoing, quoy que dient les stoïciens, et comme je ne me sçais aulcun gré du service que je me fays, aussi l'union de tels amis estant véritablement parfaicte, elle leur faict perdre le sentiment de tels debvoirs, et haïr et chasser d'entre eulx ces mots de division et de différence, bienfaict, obhgation, recognoissance, prière, remerciement, et leurs pareils 2. Tout estant, par effect, commun entre eulx, volontez, pensements, jugement, biens, femmes, enfants, honneur et vie, et leur convenance ^ n'estant qu'une ame en deux corps, selon la très propre définition d'Aristote, ils ne se peuvent ny prester ny donner rien.

Si, en l'amitié de quoy je parle, l'un pouvoit donner à l'aultre, ce seroit celuy qui recevroit le bienfaict qui obligeroit son compaignon : car, cherchant l'un et l'aultre, plus que toute aultre chose, de s'entrebienfaire, celuy qui en preste la matière et l'occasion est celuy là qui faict le libéral, donnant ce contentement à son amy d'effectuer en son endroict ce qu'il désire le plus

L'ancien Menander disoit celuy là heureux qui avoit peu rencontrer seulement l'ombre d'un amy^* : il avoit certes raison de le dire, mesme s'il en avoit tas'té. Car, à la vérité, si je compare tout le reste de ma vie, quoy qu'avecques la grâce de Dieu je l'aye passée doulce, aysee, et, sauf la perte d'un tel amy, exempte d'afflction poisante, pleine de tranquillité d'esprit; si je la compare, dis je, toute, aux quatre années qu'il m'a esté donné de jouyr de la doulce compaignie et société de ce personnage, ce n'est que fumée, ce n'est

1. Qu'on confonde les règles des amitiés communes et celles des amitiés parfaites .

2. La pensée de Montaigne est celle-ci : de même que le bien que nous nous procurons à nous-mêmes ne fait pas que nous nous aimions davantage, ainsi Vamitié parfaite ne saurait être accrue par les services rendus ou reçus.