IVôtcxte, occasion
« Qui en maison de Prince entre, devient Serf, quoy qu'il soit libre quand il y vient *. »
Ce furent les dernières paroles qu'il dit aux siens quand il passa de sa galère en la barque ; et pource qu'il y avoit luing de la galère jusques a la terre ferme, voyant que par ce chemin personne ne lui entamoit propos d'amiable entretien, il regarda Scptimius au visage et luy dit : « Il me semble que jeterecognois, compagnon, pour avoir autrefois esté a la guerre avec moy. » L'autre lui feit signe de la teste seulement qu'il estoit vray, sans luy faire autre response ne caresse quelconque : par quoy n'y ayant plus personne qui dist mot, il prit en sa main un petit livret dedans lequel il avoit escript une harengue en langage grec qu'il vouloit faire a Ptolomœus, et se meit a la lire. Quand ilz vindrent a approcher de la terre, Gornelia avec ses domestiques et familiers amis se leva sur ses pieds, regardant en grande destresse quelle seroit l'issue. Si luy sembla qu'elle devoit bien espérer quand elle apperceut plusieurs des gens du roy qui se présentèrent a la descente comme pour le recueillir et l'honorer, mais sur ce poinct ainsi comme il prenoit la main de son affranchy Philippus pour se lever plus a son aise, Septimius vint le premier par derrière, qui luy passa son espee a travers le corps, après lequel Salvius et Achillas desguainnerent aussi leurs espees, et adonc ^ Pompeius tira sa robe a deux mains au devant de sa face, sans dire ne faire aucune chose indigne de luy, et endura vertueusement ^ les coups qu'ilz luy donnèrent, en souspirant un peu seulement, estant aagé de cinquante-neuf ans, et ayant achevé sa vie le jour ensuyvant celuy de sa nativité. Ceulx qui estoyent dedans les vaisseaux a la rade, quand ilz appcrceurent ce meurtre, jetterent une si grande clameur que l'on l'en-
1. Fragment d'une IrngcJie perdue. — 2. Alor? [ad (une). — 3. Cuuiagcusciucnl»
tcndoil jiisques a la coste, el Icvans en diligence les ancres se meirent a la voile pour s'enfouir, a quoy leur servit le vent qui se leva incontinent frais aussi tost qu'ilz eurent gaigné la haulte mer, de manière que les égyptiens qui s'appareilloyent pour voguer après eulx, quand ilz veirent cela, s'en déportèrent * et ayans couppé la teste en jetterent le tronc du corps hors de la barque, exposé a qui eut envie de voir un si misérable spectacle. Philippus son afTranchy demoura toujours auprès, jusques a ce que les ^Egyptiens fureiit assouviz de le regarder, et puis l'ayant lavé de l'eau de la mer, et enveloppé d'une sienne pauvre chemise, pour ce qu'il n'avoit autre chose, il chercha au long de la grève ou il trouva quelque demourant d'un vieil bateau de pescheur, dont les pièces estoyent bien vieilles, mais suffisantes pour brusler un pauvre corps nud et encore non tout entier. Ainsi comme il les amassoit et assembloit, il survint un Romain, homme d'aage, qui en ses jeunes ans avoit esté a la guerre soubs Pompeius, si luy demanda : « Qui es-tu, mon amy, qui fais cest apprest pour les funérailles du grand Pompeius? » Philippus luy respondit qu'il estoit un sien afTranchy. « Ha ! dit le Romain, tu n'auras pas tout seul cest honneur, et te prie vueille moy recevoir pour compagnon en une si saincte et si dévote rencontre ^, a fin que je n'aye point occasion de me plaindre en tout et partout de m'estre habitué ' en pais estranger, ayant en recompense de plusieurs maulx que j'y ay endurez, rencontré au moins ceste bonne adventure de pouvoir toucher avec mes mains, et aider a ensepvelir le plus grand Capitaine des Romains. » Voila comment Pompeius fut ensepulturé. Le lendemain Lucius Lentulus ne sachant rien de ce qui estoit passé, ains * venant de Cypre, alloit cinglant au long du rivage et apperceut un feu de
1. Ahandonnèrcnt leur dessein. — 2. Occurrence. — 3. D'avoir fixé ma demeure. — 4. Mais.
funérailles, et Philippus auprès, lequel il nerecogneut pas du premier coup : si luy demanda : « Qui est celuy qui ayant ici achevé le cours de sa destinée, repose en ce lieu? » Mais soudain jettant un grand souspir, il ajousta : « Helas ! al'adventure est ce toy \ grand Pompeius? » puis descendit en terre la ou tantost après il fut pris et tué. Telle fut la fin du grand Pompeius.
II ne passa gueres de temps après que Gœsar n'arrivast en Egypte, ainsi troublée et estonnée^; là ou luy fut la teste de Pompeius présentée, mais il tourna la face en arrière pour ne la point voir, et ayant en horreur celui qui la luy presenloit comme un meurtrier excommunié ^, se prit a plorer ; bien prit il l'anneau duquel il cacheltoit ses lettres, qui luy fut aussi présenté, et ou il y avoit engravé en la pierre un lion tenant une espée ; mais il feit mourir Achillas et Pothinus, et leur Roy mesme, Ptolomœus, ayant esté desfait en une bataille au long de la rivière du Nil, disparut de manière que l'on ne sceut oncques puis qu'il estoit * devenu.
