BRANTÔME

Ainsy qu'il le promit, il le tint; mais les Espagnols et le marquis de Pescayre, usant de l'occasion, furent si opportuns a chasser les François, qu'ainsy que M. de Bayard les faisoit retirer tousjours peu a peu, voicy une grande mousquetade qui donna a* M. de Bayard, qui luy fracassa tous les rains. Aussitost se sentant frappé, il s'escria : « Ah! mon Dieu I je suis mort. » Si prit son espée parla poignée, et en baisa la croisée ^ en signe de la croix de Nostre Seigneur; il dict tout haut: Miserere mei, Deus! puis comme failly des esprits, il cuida tumbor de cheval ; mais encore eust il le cœur de reprendre l'arçon de la selle, et demeura ainsy jusqu'à ce qu'un gentilhomme, son maistre d'hostel, survint qui luy aida a descendre et a l'appuyer contre un arbre.

Soudain voyla une rumeur parmyles deux armées que M. de Bayard estoit mort... Les nostres s'en effrayarent grandement; si bien que le desordre se mit parmi eux, et les Impériaux^ a les chasser. Si n'y eust il gallant homme parmy eux qui ne le regrettast; et le venoit voir qui pouvoit, comme une belle relique, en passant et chassant tousjours ; car il avoit ceste coustume de leur faire la guerre la plus honneste du monde, et la plus courtoise ; et y en eus! aucuns * qui furent si courtois et bons qui le voulurent emporter en quelque logis la près; mais lui les pria qu'ils le laissassent dans le champ mesme qu'il avoit combattu, ainsi qu'il convenoit a un homme de guerre et comme il avoit tousjours désiré mourir armé... Sur ce arriva M. le marquis de Pescayre, qui lui dict : « Je voudrois de bon cœur, Monsieur de Bayard, avoir donné la moitié de mon vaillant^,