APPEL A LA CROISADE

Cil doit bien estre forjudez Ki a besoing son soignor lait, Si sera il, bien lou sachiez ; Aseiz avra et poinne et lait, A jor de noslre dairien plait, Ke Deus costeis, pâmes, et picz Mosterra sanglans et plaiez :

Car cil ki plus avra bien fait Sera si très fort esmaiez, K'il tremblera keil greit k'il ait.

Cil ki por nos fut an creus mis Ne nos ama pas faintement, Ains nos ama com fins amis, Et por nos amiablement La sainte crox mult doucemant Antre ses bras, an mi son pis, Con agnials dous et simples, prist, Et Tastraing angoisousement ; Puis i fut a trois clos clofîs, Par pies, par mains, estroitement.