CHRISTINE DE PISAN

renieres ordonnances et tendre au salut de son ame.... (Il) requist la couronne d'espines de Nostre Seigneur par l'Evesque de Paris lui fust apportée, et aussi par l'abbé de Saint-Denis la couronne du sacre des rois; celle d'espines receupt a grans devocion, larmes et reverance, et haultement la fîst mectre devant sa face ; celle du sacre fist mectre soubz ses piez : adont * commença telle oroison a la saincte couronne : « 0 coronne précieuse, dyademe de nostre salut, tant est douls et enmiellé le rassasiement que tu donnes, par le mystère qui en toy fu compris a nostre redempcion; si vrayement me soit cellui propice duquel sang^ tu fus arousee, comme mon esperit prent resjoyssemant en la visitacion de ta digne présence. » Et longue oroison y dist moult dévote. Après tourna ses parolles a la coronne du sacre et dist : « 0 coronne de France, que tu es précieuse, et précieusement très ville ; précieuse, considéré le mistere de justice lequel en toy tu contiens et portes vigoreusement, mais ville et plus ville de ^ toutes choses, considéré le fais, labeur, angoisses, tourmens et peines de cueur, de corps, de conscience et perilz d'ame que tu donnes a ceulx qui te portent sur leur espaules ; et qui bien a ces choses viseroit, plus tost te laisseroit en la boe^ gésir, qii'il ne te releveroit pour mectre sus son chief. ».... Quant la croix lui fu présentée, la baisa et en l'embrassant commença a dire, regardant la figure de Nostre Signeur : « Mon très douls Saulveiir et Rédempteur, qui en ce monde daignas venir affin que moy et tout l'umain hgnages par la mort, laquelle voleintairement et sanz contrainte, volz ^ souffrir, rachetasses ^, et qui moy indigne et insipient a gouverner ton reaume de France as institué ton vicaire, j'ay tant griefment vers

1. Alors {ad tune). — 2. Du sang de qui. — 3. Que. L'Italien construit ainsi le comparatif comme le superlatif. — 4. Boue. — 5. Voulus. — 6. Afin que tu rache sasses moi et tout l'humain lignage, etc.

tcy pechié, dont je dis : mea culpa, mea gravissima culpa^ mea maxima culpa, et non obstant, mon douls Dieu, que je l'ay courroucié por defîaultes innumerables, je scay que tu es vray misericors, et ne veuls la mort du pécheur : pour ce atoy, père de miséricorde et de toute consolacion, en l'article de ma très grant nécessité, criant et t'appellant, te demande pardon. » Celle oroison finee, se fist tourner la face vers les gens et peuple qui la estoit, et dist : « Je scay bien que ou^ gouvernement du royaume, en plusieurs choses, grans, moyens et petis ay offensez, et aussi mes serviteurs, auxquels je debvoye estre bénigne, et non ingrat de leur loyal service; et pour ce je vous pry, ayez pitié de moy, je vous requier pardon. » Et adont se fist haulscr les bras et leur joingni les mains ^. Sipovez savoir se grant pitié et larmes y ot gictées de ses loyaulx amis et serviteurs... Puis leur dist le Roy : « Mes amis, alez vous en, et priez pour moy, et me laissiez affin que mon traveil soit tîné en paix. » Lors, luy tourné sus l'aultre costé, tost après tirant a l'angoisse de sa mort, oy toute l'istoire de la passion, etauques^ près de la fm de l'evvangile Saint Jehan, comença a labourer * a la derrenicre lin ; et a peu de trais et sanglous... rendi l'esperi a Nostre Signeur, qui fu, comme dit est, environ l'eure de midi, le vingt sixiesme jour de septembre, le dit an 1380, et le quarante quatriesme de son aage, le dix septiesme de son rogne.