RABELAIS

point en ame malivole ', et science sans conscience n'es que ruine de l'ame, il te convient servir, aymer et craindr Dieu, et en luy mettre toutes tes pensées, et tout ton es poir, et par foy formée de charité estre a lui adjoinct, en sorte que jamais n'en soys desamparé par péché. Aye suspectz les abus du monde, ne metz ton cueur a vanité : car ceste vie est transitoire : mais la parolle de Dieu demeure éternellement. Soys serviable a tous tes prochains et les ayme comme toy mesmes. Révère tes précepteurs, fuis les compagnies de gens esquelz ^ tu ne veulx point resembler, et les grâces que Dieu te a données, icelles ne reçoipz en vain.

Et quand tu congnoistras que auras tout le sçavoir de par delà acquis, retourne vers moy, affm que je te voye et donne ma bénédiction devant que mourir. Mon filz, la paix et grâce de nostre seigneur soit avecques toy. Amen.

De Utopie, ce dix septiesme jour du moys de mars.

Ton père, Gargantua.

L*âme et le corps,

(Eitrail du Tiers livre.)

Vous voyez, lors que les enfants bien nettis ^, bien repeuz et alaictez, dorment profondement, les nourrices s'en aller esbatre en liberté, comme pour icelle heure licentiées a faire ce que vouldront : car leur présence au tour du bers * sembleroit inutile. En ceste façon nostre ame lorsque le corps dort, et que la concoclion ^ est de tous endroictz parachevée, rien plus n'y estant nécessaire jusques au réveil, s'esbat et reveoit sa patrie, qui est le ciel. De la receoit participation insigne de sa prime * et divine origine et en contemplation de ceste infinie et intellectuale

1. Aaimée de mauvais desseius. — 2. Auxquels. — 3. Nettojés. — 4- Berceau. . — §. Digestion. — 6. Première

sphœre, le centre de la quelle est en chascun lieu de l'univers, la circunference poinct * (c'est Dieu selon la doctrine de Hermès Trismegistus ^) ala quelle rien ne advient, rien ne passe, rien ne déchet, tous temps sont prœsens; note non seulement les choses passées en mouvemens inférieurs, ma»? aussi les futures : et les raportent ^ a son corps, et par les sens et organes d'icelluy les exposant aux amis, est dic'e vaticinatrice * et prophète. Vray est qu'elle ne les raporte en tel syncerité comme elle les avoit veues, obstant ^ l'imperfection et fragilité des sens corporelz : comme la Lune recevant du soleil sa lumière ne nous la communicque telle, tant lucide, tant pure, tant vive et ardente comme l'avoit receue ^.