LA COMPLAINTE DE FRANCE

France, iadis on te souloit nommer En tous pays le trésor de noblesse; Car ung chascun povoit en toy trouver Bonté, nonneur, loyaulté, gentillesse, Clergie i, sens, courtoisie, proesse ; Tous estrangiers aimoieut a te suir > : Et maintenant voy, dont i*ay desplaisance^ Qu*il te convient maint grief * mal souetenir, Très crestien, franc royaume de France.

Ne te veuilles pourtant désespérer, Car Dieu est plain de mercy, à largesse; Va t'en vers luy sa grâce demander, Car il t'a fait, deia pieça, promesse; Mais que faces ton advocat Humblesse, Que très ioyeux sera de toy guérir; Entièrement metz en lui ta fiance.

Pour toy et tous, voulu en croix mourir, Très crestien, franc royaume de France.

Et ie, Charles duc d'Orléans, rimer Voulu ces vers, ou* temps de ma jeunesse; Devant chacun les vueil bien advouer.

Car prisonnier les fis, ie le confesse: Priant à Dieu, qu'avant qu*aye vieillesse Le temps de paix partout puist avenir, Comme de cueur j en ai la desirancc.

Et que voye tous les maulx brief finir. Très crestien, franc royaume de France.

(Charles d'Orléans.)

!. Instruction, savoir. De clerc (cîericus). Cf. clei'gé {clericatus).