REPAS DES LACÉDÉMONIENS

Lycurgus voulant persécuter la superfluité et les délices, afin d'exterminer de tout poinct la convoitise d'avoir et de s'enrichir, il feit une ordonnance nouvelle très belle, qui fut celle des convives, par laquelle il voulut et ordonna qu'iiz mangeassent ensemble de mesmes viandes, et de celles qui estoient notamment spécifiées par son ordonnance, par laquelle il leur estoit expressément défendu de manger à part en privé dessus riches tables et licts somptueux, en abusant du labeur des excellents ouvriers et des frians cuisiniers, pour s'engresser en secret et en ténèbres, comme Ion engresse les bestes gourmandes : ce qui gaste et corrompt non seulement les conditions de l'ame, mais aussi les complexions du corps, quand on luy lasche ainsi en abandon la bride à toute sensualité, et à toute gloutonnerie : dont il advient qu'il a besoing puis après de beaucoup dormir, pour cuire et digérer ce qu*il a trop pris de viande, et veult estre aidé de baings chaulds, de long repos, et du traittement ordinaire qu'il fault à un malade.

Ce fut doncques chose grande à luy que d'avoir peu foire cela«

mais encore plus d'avoir rendu la richesse non subjette i estre desrobée, et moins encores à estre convoitée, comme dit Theophraste, ce qu'il feit par le moyen de ce statut, de les faire man^'er ensemble avec si grande sobriété en leur vivre ordinaire. Car ij n*y avoil plus moyen d'user ny de jouïr, non pas de monstrer seulement sa richesse à qui en eust eu, veu que le pauvre et le riche estoient contraincts de se trouver en mesme lieu, pour y manger de mesmes viandes : tellement que ce que l'on dit communément, que Pluto, c'est à dire, le dieu des richesses, est aveugle estoit vray en la seule ville de Sparte entre toutes celles qui furent onques au monde : car il y estoit gisant par terre comme une peinture sans ame qui n*a aucun mouvement : attendu qu'il n'estoit pas loisible de manger devant que de venir es sales publiques à part en sa maison, et puis s'en venir par contenance tout saoul au lieu du convive : car chascun avoit l'œil à regard'er expressément ceulx qui ne beuvoient et ne mangeoient pas de bon appétit en la compagnie, et les en blasmoit et reprenoit ou comme gourmands, ou comme desdaignans par délicatesse de mander en commun avec les autres : de sorte que ce fut, à ce que l'on dit, l'ordonnance qui plus fascha les riches, entre toutes celles que lors establit Lycurgus, et pour laquelle ilz crièrent et se courroucèrent plus contre luy, jusques à ce que voyant qu'ilz se ruoient tous ensemble contre luy, il fut contrainct de s'en fouir de la place. Si gaigna le devant et se jetta en franchise dedans une église, avant que les autres le poussent atteindre, excepté un jeune homme nommé Âlcander, lequel n'estoit point au demeurant de mauvaise nature, sinon qu'il estoit un peu prompt à la main, et cholere : et poursuivant Lycurgus de plus près que les autres, ainsi comme il se cuida retourner devers luy, il luy donna un coup de baston sur le visage, dont il lui creva un œil. Mais pour cela Lycurgus ne fleschit point, ains se présenta la teste levée à ceux qui le poursuivoient, leur monstrant son visage tout ensanglanté, et son œil crevé : dont ilz eurent tous si grande honte, qu'il n'y eut celuy d'eulx qui ozast ouvrir la bouChe pour parler contre luy: ains au contraire, luy livrèrent entre ses mains Alcander, qui l'avoit frappé, pour en faire punition telle que bon luy sembleroit, et le convoyèrent tous jusques en sa maison, monstrant qu'ilz estoient bien marris de son inconvénient. Lycurgus en les remerciant les renvoya, et feit entrer Alcander en sa maison avec lui, là où il ne mesfeit ne mesdit jamais d'une parole, ains lui commanda seulement qu'il le servist, faisai^t retirer ses domestiques qui avoient accoustumé de le servir ordinairement. Le jeune homme qui n'estoit point lourdaut de luy mesme, le feit vouluntiers, sans rien répliquer au contraire : et quand il eut demeuré quelque temps auprès do luy, estant toujours à î'entour de sa personne, il commencea à congnoistre et gouster la bonté de son naturel, et l'affection et intention qui le iQOuvoit à faire ce qu'il faisoit, l'austérité de sa vie ordinaire et sa constance à supporter tous travaux, sans jamais se lasser : dont il se

prit à Taimer et honorer fort affectueusement, et depuis alla preschant à ses parents et amis, que Lycurgus n*estoit pas ainsi rude ne rebours comme il sembloit de prime face^ ains estoit le plus doulx et le plus aimable envers les autres qu'il estoit possible. Voilà comment Aicander fut chastié par Lycurgus, et la punition qu'il en receut: c'est, que de mal conditionné jouvenceau, oultrageux et téméraire qu'il estoit au paravant, il devint homme très sage et très modéré.

Les enfans mesmes alloient à ces convives ne plus ne moins [qu'à des escboles d'honneur et de tempérance, là où ilz entendoient de bons et graves devis touchant le gouvernement de la chose publique, soubs maistres qui n'estoient point mercenaires, et y apprenoient à se jouer de paroles les uns avec les autres, et à s'entremoquer plaisammant, sans toutefois piquer aigrement ny gaudir deshonnestement, et à ne se courroucer point pour estre semblablement moquez : car c'est une qualité, entre autres, fort propre aux Lacedaemoniens que d'endurer patiemment un traict de moquerie : toutefois s'il y avoit aucun qui n'y prist point de plaisir, il falloit seulement qu'il priast l'autre de s'en abstenir, et incontinent il cessoit. Mais c'estoit une chose ordinaire qu'à tous ceuli qui entroient dedans la sale du convive, le plus vieil de la compagnie leur disoit, en leur monstrant la porte : « 11 ne sort pas une parole hors de ceste porte.... »

La plus exquise viande que Ion servist en ces convives là, estoit celle qu'ilz appelloient le brouet noir, tellement que quand il y en avoit, les vieillards ne mangeoient point de chair, ains la laissoient toute aux jeunes hommes, et eulx à part mangeoient le brouet. Il y eut jadis un roy de Pont, qui pour gouster de ce brouet noir, achepta expressément un cuisinier Lacedaemonien : mais quand il en eut une fois tasté, il s'en fascha incontinent: et le cuisinier lui dit: « Sire, pour trouver ce brouet bon, il se faudroit premièrement estre baigné dedans la rivière d'Eurotas. » — Après qu'ilz avoient sobrement beu et mangé ensemble, ils s'en retoumoient sans lumière chascun en sa maison : car il ne leur estoit pas loisible d'aller ny là ny ailleurs avec de la chandelle, afin qu'ils s'accoustumassent à marcher hardiment la nuict et en ténèbres par tout. Tel estoit l'ordre et la manière de leurs convives.