Il n'est rien demeuré, hors, etc. que quia : parce que

Je suis taillé de mourir en yver, 70

Et en danger, si en yver je meurs,

De ne veoir pas les premiers raisins meurs.

Voilà comment, depuis neuf moys en ça.

Je suis traicté. Or, ce que me laissa Mon larronneau, long temps a l'ay vendu, 75

Et en sirops et julepz despendu; Ce neantmoins, ce que je vous en mande N'est pour vous faire ou requeste ou demande : Je ne veulx poinct tant de gens ressembler, Qui n'ont soulcy autre que d'assembler; 80

Tant qu'ilz vivront ilz demanderont, eulx; Mais je commence à devenir honteux.

Et ne veulx plus à voz dons m'arrester.

Je ne dy pas, si voulez rien prester, Que ne le prenne. Il n'est poinct de presteur 85

(S'il veult prester) qui ne face un debteur.

Et sçavez-vous (Syre) comment je paye ?

Nul ne le sçait, si premier ne l'essaye ; Vous me debvrez (si je puy) de retour, Et vous feray encores un bon tour. 90

A celle fin qu'il n'y ait faulte nulle, Je vous feray une belle cedulle, A vous payer (sans usure, il s'entend) Quand on voirra tout le monde content; Ou, si voulez, à payer ce sera 95

Quand vostre los et renom cessera.