AU ROY, POUR LE DELIVRER DE PRISON

Roy des Françoys, plein de toutes bontez, Quinze jours a (je les ay bien comptez) Et des demain seront justement seize, Que je fu faict confrère au diocèse De Sainct-Marry, en l'église Sainct-Pris :

Si vous diray comment je fu surpris.

Et me desplaist qu'il fault que je le die.

Trois grantz pendars vindrent à l'estourdie En ce palais, me dire en desarroy :

c Nous vous faisons prisonnier par le Roy. t Incontinent qui fut bien estonné ?

Ce fut Marot, plus que s'il eust tonné.

Puis m'ont monstre un parchemin escript, Où n'y avoit seul mot de Jésus-Christ :

Il ne parloit tout que de plaiderie, De conseillers et d'emprisonnerie.

c Vous souvient il (ce me dirent ilz lors) Que vous estiez l'aultre jour là dehors, Qu'on recourut un certain prisonnier Entre noz mains? » Et moy de le nier :

Car soyez seur, si j'eusse dict ouy.

Que le plus sourd d'entre eulx m*eust bien ouy;

* Marot, cette fois, avait enlevé an prisonnier aux mains des archers qui l'emmenaient ; mis lui-même en prison, il y resta un peu plus de deux semaines.