Des défaites glorieuses

Assez d'advantages gaignons nous sur nos ennemis, qui sont advantages empruntez, non pas nostres : c'est la qualité d'un portefaix, non de la vertu, d'avoir les bras et les jambes plus roides; c'est une qualité morte ^ et corporelle, que la disposition '; c'est un coup de la fortune, de faire broncher nostre ennemy, et de luy esblouyi les yeulx par la lumière du soleil; c'est un tour d'art et de science, et qui peult tomber en une personne lasche et de néant, d'estre suffisant à l'escrime. L'estimation et le prix d'un homme consiste au cœur et en sa volonté : c'est là où gist son vray honneur. La vaillance, c'est la fermeté^ non pas des jambes et des bras, mais du courage et de rame; elle ne consiste pas en la valeur de nostre cheval, ny de nos armes, mais en la nostre. Celuy qui tumbe obstiné en son courage *, si succiderit, de genu pugnat "^ ; qui^ pour quelque danger de la mort voisine, ne relasche aulcun poinct de son asseurance ; qui regarde encores, en rendant l'ame, son ennemy d'une veue ferme et desdaigneuse, il est battu, non pas de nous, mais de la fortune *; il est tué, noh pas vaincu : les plus vaillants sont par fois les plus infortunez. Aussi y a il des pertes. triumphantes à Tenvi des victoires. Ny ces quatre victoires sœurs, les plus belles que le soleil aye oncques veu de ses yeulx, de Salamine, de Platée, de Mycale, de Sicile ^ n'osèrent oncques opposer toute leur gloire ensemble à la gloire d(? la desconfiture du roy Leonidas et des siens au pas des Therv mopyles.

(Essais^ I, XXX ; t; f, p. 302.)

i. Avidité.