Contre ceux qui cherchent à rabaisser les actions des

grands hommes.

Je veoîs la pluspart des esprits de mon temps faire les ingénieux ^ à obscurcir la gloire des belles et généreuses actions anciennes, leur donnant quelque interprétation vile, et leur controuvant' des occasions et des causes vaines : grande subtilité ! Qu'on me donne l'action la plus excellente et pure, je m'en voys * y fournir vraysemblablement cinquante vicieuses intentions. Dieu sçait, à qui les veut entendre, quelle diversité d'images^ ne soufi're nostre interne volonté ! Ils ne font' pas tant malicieusement, que lourdementet grossièrement, les ingénieux à tout* leur mesdisance.

La mesme peine qu'on prend àdetracter de ces grands noms, et la mesme licence, je la prendrois volontiers à leur prester quelque tour d'espaule pour les haulser^ Ces rares figures, et triées pour l'exemple du monde par le consentement des sages, je ne me feindrois pas ^ de les recharger d'honneur, autant que mon invention pourroit, en interprétation et favorable circonstance : et il fault croire que les efforts de nostre invention sont loing au dessoubs de leur mérite. C'est l'office des gens de bien de peindre la vertu la plus belle qui se puisse ; et ne nous messieroit pas, quand la passion nous transporteroit à la faveur de si sainctes formes *• Ce queceulx cy font au contraire, ils le font ou par malice, ou par le vice de ramener leur créance à leur portée *®, de quoy je viens de parler ; ou, comme je pense plustost, pour n'avoir pas la veue assez forte et assez nette, ny dressée à concevoir la splendeur de la vertu en sa pureté naïfve : comme Plutarque dit que de son temps aulcuns attribuoient la cause de la mort du jeune Caton ^^ à la crainte qu'il avait eu de Cœsar ; de quoy il se picque " avecques raison : et peult on juger par là combien il se feust encores plus offensé de ceulx qui l'ont attribuée à l'ambition. Sottes gents ! Il eust bien faict une belle action^ généreuse et Juste,