Amélioration

Nous prions par usage et par coustume, ou, pour mîeulx dire, nous lisons ou prononceons nos prières ; ce n'est enfin que mine : et me desplaist de yeoir faire trois signes de croix au Benedicite, autant à Grâces (et plus m'en desplaisl-il de ce que c'est un signe que j'ai en révérence et continuel usage, mesmement quand je baaîUe) ; et cependant, toutes les aullre heures du jour, les veoir occupées à la haine, l'avarice, l'injustice : aux vices leur heure ; son heure à Uieu, comme par cooipensation et composition ^ C'est miracle de veoir continuer des actions si diverses, d'une si pareille teneur \ qu'il ne s'y sente point d'interruption et d'altération, aux confias mesmes et passage de l'une à l'aultre. Quelle prodigieuse conscience se peult donner repos, nourrissant eu mesme gîste, d'une société si accordante et si paisible, le crime et le juge?...

Il semble, à la vérité, que nous nous servons de nos prière» comme d'un jargon, et comme ceulx qui employent les paroles sainctes et divines à des sorcelleries et efi'ects magiciens; et que nous lacions nostre compte* que ce soit de la contexture,. ou son, ou suitte des mots, ou de nostre contenance, que despende leur eflect : car ayants l'ame pleine de concupiscence, non touchée de repentance ny d'aulcune nouvelle reconciliation envers Dieu, nous luy allons présenter ces paroles que la luemoire preste à nostre langue, et espérons en tirer une expiatioQ de nos faultes. Il n'est rien si aysé, si doulx et si favorable que la loy divine ; elle nous appelle à soy, ainsi faultiers ^ et détestables comme nous sommes ; elle nous tend les bras, et nous receoit en son giron pour vilains, ords*^ et bourbeux que nous soyons et que nous ayons à estre à l'advenir : mais encores, en recompense la fault il regarder de bon œil; encore? faut il recevoir ce pardon avec actions de grâces; et au moins, pour cet instant que nous nous adressons à elle, avoir l'ame desplaisante ' de ses faultes, et ennemie des passions qui nous ont poulsé^ a l'ofTenser. Ni les dieux, ni les gents de bien, dict Platon \ n'acceptent le preseat'd'un meschant.

Immunis aram si tetigit manus, Mon sumptuosa blandior hostia,

Mollivit aversos Pénates Farre pio, et saliente mica * .

{Essais, I, Lvi ; t. I, p. 477 ; 488.)