Confier

sente soit en usage d'îcy à cinquante ans? il escoule touts les jours de nos mains; et, depuis que je vis, s'est altéré de moitié. Nous disons qu'il est aslure ^ parfaict : autant en dict du sien chasque siècle. Je n'ay garde de l'en tenir là *, tant qu'il fuyra et s'ira difformant ' comme il faicl. C'est aux bons et utiles escripls de le clouer à eulx ; et ira son crédit selon la fortune de noslre estât *. Pourtant ne crains je point d'y insérer plusieurs articles privez qui consument leur usage ' entre les hommes qui vivent aujourd'huy^ et qui touchent la particulière science d'aul* cuns, qui y verront plus avant que de la commune intelligence. Je ne veulx pas, aprez tout, comme je veois souvent agiter la mémoire des trespassez, qu'on aille débattant ^ : « Il jugeoit, il vivoit ainsîn : Il vouloit cecy : S'il eust parlé sur sa fin, il eust fJict, il eust donné ''*: Je le cognoissois mieulx que tout aultre. » Or, autant que la bienséance me le permet, je fois* icy sentir mes inclinations et afTections ; mais plus librement et plus volontiers le fois je de bouche à quiconque désire en estre informé. Tant y a, qu'en ces mémoires, si on y regarde, on trouvera que j'ay tout dict, ou tout designé ^ : ce que je ne puis exprimer, je le montre au doigt ;

Verum anime satis haec veatigia parva sagaci Sunti per quœ possis cognoscerd cetera tute ^\

Je ne laisse rien à désirer et deviner de moy. Si on doibt s'en entretenir, je veulx que ce soit véritablement et justement : je reviendrois volontiers de l'aultre monde, pour desmentir celuy qui me formeroit aultre que je n'estois, feust ce pour m'honorer. Des vivants mesme, je sens qu'on parle tousjours aultrement qu'ils ne sont : et, si à toute force je n'eusse maintenu un amy que j'ay perdu ", on me l'eust deschiré en mille contraires visages. (EssaiSy III, ch. ix; t. III, p. 497.)