THÉOLOGIENS. — JEAN CALVIN

estre tesmoîn, Sire, par combien fausses calomnies elle est tous les jours diffamée envers vous : c'est asçavoir qu'elle ne tend à autre fin, sinon que tous règnes et polices ^soyent ru ioées, la paix soit troublée, les loix abolies, les seigneuries et possessions dissipées : brief que toutes choses soyent renversées en confusion. Et neantmoins encores vous n'en oyez que la moindre portion. Car entre le populaire on semé contre icelle horribles rapports ; lesquels s'ils estoyent véritables^ à bon droict tout le monde la pourroit juger avec tous ses autheurs digne de mille feux et mille gibets. Qui s'esmerveillera maintenant pourquoy elle est tellement haye de tout le monde puis qu'on adjouste foy à telles et si iniques detractions ? Yoylà pourquoy tous les estais ' d'un commun accord conspirent à condamner tant nous que nostre doctrine. Ceux qui sont constituez pour en juger, estans ravis et transportez de telle affection, prononcent pour sentence la conception qu'ils ont apportée de leur maison, et pensent trèsbien estre acquittez de leur office s'ils ne jugent personne à mort, sinon ceux qui sont, ou par leur confession ou par certain tesmoignage^ convaincus. Mais de quel crime? De ceste doctrine damnée', disent-ils. Mais à quel tillre est-elle damnée ? Or c'estoit le point de la défense : non pas desadvouer icelle doctrine, mais lasoustenir pour vraye. Yci eslosté le congé d'ouvrir la bouche*. Pourtant je ne demande point sans raison, Sire, que vous vueilliez prendre la cbgnoissance entière de ceste cause, laquelle Jusques yci a esté démenée * confusément sans nul ordre de droict, et par un ardeur impétueux, plustost que par une moderation et gravité judiciaire

Nous recognoissons assez combien nous sommes povres gens et demespris: c'est asçavoir devant Dieu misérables pescheurs^ envers les hommes vilipendez et dejettez * et mesmes (si voua voulez) l'ordure et labalieure "^ du monde, ou si l'on peut encore» nommer quelque chose plus vile. Tellement qu'il ne nous reste rien de quoy nous glorifier devant Dieu, sinon sa seule miséricorde, par laquelle, sans quelque mérite, nous sommes sauvez : ny envers les hommes, sinon nostre infirmité, c'està-dire, ce que tous estiment grande ignominie.

Mais toutesfois il faut que nostre doctrine consiste * eslevée et insuperable ' par dessus toute la gloire et puissance du monde.