II

Et en allons par aultre lieu.

Car bien devons démener joie.

Loez soit cilz qui tout avoie Sy ne faisons plus cy d'arrest.

BALTAZAR

Alons nous en, je suis tout prest. Que le vray Dieu nous conduise !

MELCHION.

Nulle riens qui soit ne nous nuise Et aler puissions à droit port !

JASPAR

Le vray Dieu nous soit confort.

Cy voisent où ils vaurront.

LE SEMEUR

Grant temps a que je oy dire .1. proverbe à .1. grant sire, Et sy disoit, bien m'en souvient :

Qui veult menger ouvrer convient Sy n'a rentes qui le soustiegne Dont blé et vin souvant ly viengne, Il n'est roy, duc ne emperière Tant soit sage de grand manière Qui sanz peine povist avoir :

Pour ce fault faire son devoir.

Qui touz jours en quoy se tendroit Oiseure, sy l'afammeroit.

Diex dit : « aide toy, je te aideray , Ou se senon je te fauldray ; Car cilz qui aidier ne se veult En grand poverté de fin se treult ,

Il8 LE GEU DES TROIS ROYS.

Pour ce doit l'en grant paine meçtre En labourer et entremectre.

Pour ce mefault-il labourer Et ma chevance recouvrer.

Du blé feray en ceste terre :

Aucune chose me fouit aquerre, Commencier veul tout maintenant.

Puis semeray incontinant.

Cy.face semblant de labourer.

HÉRODE

Maistres Hermès, entendez ça :

Nous avons atendu pieça.

Cez .m. roys qui par cy vindrent.

Certainement pour fol me tindrent Quand avec eulz je n'envoiay ; Certes ne sçay que j'en feray.

Troublez en suis certainement :

Or me dictes appertement Que j'en feray, conseilliez m'en.

HERMÈS

Se Diex me met en très bon an, Sire, ne scay que ce puet estre ; Je croy qui n'ont pas trouvé l'estre Encoire où ly enfès est nez.

HÉRODE

Certes j'en suis touz forsonnez.

Je vous diray que nous ferons :

Lez passages garder ferons Et la ville sera gardée De bonnes gens et bien armée.

LE GËU DES TROIS ROYS. I 1 g

Sy ne nous pourront esc ha per:

Ainssy seront-ils a t râper.

Ça, gens d'armes, venez avant ; Aler vous fault incontinant Garder lez pors et la cité, Et se .m. roys d'iniquité Passent, par aucune meschance Arestcz lez sanz destriance , Amenez lez appertement , Sanz y faire arrcstement :

Gardez qu'en cela n'ait deffaulte.

Humebrouet et Hapelopin ensamble dient, et soient armez bien :

Tantost yrons sans faire faulte Et tout vostre plaisir ferons Que moult grand désir en avons.

Gy facent semblant de aler garder jusques le semeur ait parlé.

LE SEMEUR

Dès ors mez ne vueil plus attendre :

Mon champ vouldray ycy comprendre , Semer le vouldray maintenant Sans y faire arrestement.

J'ay oy dire en ,i. proverbe, Chascun le scet bien par le verbe :

Qui non laboras non menduces.

Plus ne vouldray faire pereces , Semer le vueil sans alentir.

HUMEBROUET,

Je me vueil de cy partir; Hapelopin, cntensà moy.

Cez roys venir point je ne voy, Grant pièce esté avons ycy :

Certes point passez ne sont cy.

A Hérode nous en r'alons De cez roys à luy nous douions.

Or en alons appertement.

t*ÀPE lopin.

Àtendu avons longuement, Et sy n'avons trouvé nulli Qui point passez soit au jour d'ui. Cez .ni. roys point passez ne sont, Ne scay ce par aultre chemin vont Sy alons conter et retraire À Hérode tout npstre affaire j Ne sçay pas sy li desplaira.

HUMEBROUET.

Certes, je crpy que cy fera.

Cy voisent à Hérode et die :

HUMEBROUET.

Hérode, roys de grant puissance ,

Retournez sommes sanz doubtance ;

Trouvé n'avons certainement

Cez .m. roys qu'alez demendant,

Dont certes trop fort nous esnoie.

Retournez sont par aultre voie ,

Bien nous ont fait faire la muse.

héivodje.

Vecy pour moy une orde ruse :

Maistres Hermès, parlez à moy ;' Maintenant suis en grand effroy

De ces .m. roysque j'ay perdus.

Longuement lez ay attendu/ , Sy ne sçay que j'en doie faire.

De ce fait cy ne me puis taire :

Conseillez m'en isnellement.

HERMÈS

Je vous diray certainement Et bon conseil je vous donrray Tout le meillieur que je pourray.

Vos geqs d'armes prenez errant ; Envoiez lez incontinant En Bethléem, celle contrée Là où sera la renommée ; Où seront trouvez petiz enians En soubz l'aage de .11. ans Soient tuez et mis à mort Et qu'à nulz ne facent acort ; Car ce cilz enfèz vit et règne Il vous destruira vostre règne :

Sy conseille que tuez tout.

HÉ RODE

Par Mahon, je feray trestout Occire sanz nulz esparnier.

Sa, Humebrouet le premier, Et Hapelopin touz ensamble, Dire vous vueil ce que me semble.

Àlez vous en sanz plus d'arrest En Bethléem et soiez prest, Et me tuez touz lez en fan s Dessoubs l'aage de .11. 9ns,

Et gardez bien sanz faire acort Que il soient touz mis à mort ; Et ce l'enfant povez trouver Que lez roys aloient aourer Que tantost et ysnellement Le m'aportiez hastivement, Ou que j'en aie ou bras ou elles Que plus ne régnera soubz mez elles.

Alez y tost sanz faire arrest.

humebrouet et HAPELOPIN ensamble.

Certes, sire, nous sommes prest À faire voz commandement :

Tantost yrons apperrement.

pieu le père.

Raphaël, vien sa tost à moy ; Va-t-en bien tost sanz nul desnoy A Joseph et ly va nuncier Qui s'en voisesanz plus targier En Ègipte, lui et Marie, Car Hérode a grand envie De faire mon 61s mectre à mort ; Mez je li donray bien confort.

Il a commandé lez enfans Dessoubz l'aage de .11. ans A mettre à mort sanz demorée Tout contre val celle contrée, Car courreciez est durement De ces .111. roys certainement Qui retournez ne sont par luy :

Sy en morra à grand esnuy.

Or t'en va tost hastivement.

RAPHAËL

G'i vois, sire ; appertement Tantost votre mésaige feray, A Joseph toutraconteray.

Çy facent semblant d'aler jusque» lez diables aient parlé. BELGIBUS , premier diable.

Bélias, mon beau compaignion, Entends mon sens et ma raison .

Alons en noz maisons guestier, Car il en est trop grand mestier, Et trop bien nous la dépendrons Ou aultrement nous la perdrons.

Çélias, allons y erraument.

bélias, second diable.

Tu te doubtez trop malement ; N'iay qui noiis (ace tortz.

BELGIBUS.

Oil, voir bien m'en recors.

Cil enfès qui devoit venir Est venuz, bien devons gémir ; Car certes mort souffrera Et puis sy resuscitera, Puis vuidera nostre maison.

Certes nez est de Ma r ion, Et Hérode le fait quérir Pour le tuer et pour mbrfrrr :

Sy ne sçay pas qu'il en sera .

BÉLIAS.

Ly enfez ly eschapera,

Je le sçay bien certainement.

A Joseph mande hastîvement Par son angle que il s'en voise En Egipte (trop fort m'en poise), Et qu'il l'emmaine isnellement Dame Marion et son enfant Et des mains Hérode sera quite.

BELGIBUS.

Sil enfès est de grant mérite Et son père le sauvera Que maintenant pas ne m orra.

Devant ce il vendra son point Et que trestout mettra à point Ce que son père a orctené Que trestout ly est abandonné ; Mèz une chose me desconforte De quoy souvant il me recorde Que nostre enfer il vuîdera Quant de mort ressuscitera.

Sy en suis trestout forsonnez

BÉLIAS.

Nous serons trop bien assinez, Et assez arons conpaignie.

Hérode fait une mesnie De petiz enfans décoler Qu'en enter ferons droit aler.

Sy lez tourmenterons apprement ; Jà n'y aront aligement Puisquil seront en nostre garde.

LE GEU DBS TROIS ROYS. ia5

BELGIBUS.

Bélîas forment me tarde ; Assez leur feray de meschief Que bien en venrons à bon chief.

RAPHAËL

Joseph, amis, entens à moy, De riens ne soiez en effrov.

Diex ly pères à toy m'envoie Et veult que de riens ne t'esmoie :

Sy pren ta famé et ton enfant, En Egipte t'en va fuiant, Car Hérode sy fait quérir Touz lez enfans et fait morir Dessoubz l'aage de .11. ans Qui sont vrais, purs et ignocens; Quar il est plain de grant desroy Et cuide tuer le vray roy.

Sy t'en va tost isnellement Et plus n'y fay arrestement :

De par Dieu le t'ai-je conté.

JOSEPH

J'ay tout mon cuer espoventé De ce que j'ay cy entendu ; Certes j'en suis touz esperdu.

Entendez ça à moy, Marie, Et ne soiez point esbahie.

De cy nous en convient aler, Car Hérode fait décoler Sy aval lez petiz enfans Dessoubz l'aage de .11. ans :

Nulz n'en demeure en ce pais.

Touz cez sergens y a commis Et Diex le m'a mendé ainssy.

Sy nous fault tost partir de cy Et en Égipte nous en yrons.

NOSTRE-DAME

Puis qu'il l'y plaist, nous le ferons ; Sy nous mettons tost en la voie.

Le vray Jhesus sy nous convoie Et nous doint venir à bon port Que nul ne nous puist faire tort ; Devant moy mon enfant porteray.

JOSEPH

Mon troucelet tantost feray Et vous monteray sus la mule Qui pas volontiers ne recule.

Sy nous métrons tost au chemin, Tantost avant huy que demain.

Gy voisent Joseph et Marie tout bellement.

BiÉTRis, famme.

J'ay .1. enfant de bel afaire, Biaus est de corps et de viaire, De tous enfès est ly plus biaux ; Bien ly feray touz cez aniaux.

C'est tout mon soûlas et ma joie :

Certes moult bien son temps enploie Qui ainssy fait telle porture.

YSAREL.

Bien ay fait noble noriture, Touz jour tenir je le vouldroie.

Certainement miex ameroie A morir que il fut mort ; C'est ma joie et mon confort :

Besier le vueil trestout en l'eure.

B1ÉTRIS.

Je prie à Dieu que la bonne lieu re.

Soit au mien donné maintenant :

Besier le vueil incontinant, C'est tout mon soûlas et m 'amour.

YSABEL

Du mien ne sçay faire clamour; Regardez con belle toilette !

Besier le vueil en la bouche te.

Hé Diex! hélas! qui se tendroit De le amer n'en ne pourroit> En luy n'aroit sanz ne raison :

Chanter ly vueil de Marion.

JOSEPH

Dame je vueil .1. pou aler A se semeur à luy parler; Demander luy vueil nostre voie.

NOSTkE-DAMÈ.

Alez, Joseph ; Diex vous doint joie !

Cy voise Joseph parler au semeur et die :

JOSEPH

Amis prodoms, entens à moy Et point ne soiez en desnoy ; Parle à nous .1. pou sy te plaist.

LE SEMEUR

Certes pas ne me desplaist :

^-^— — ^ — — — ^^M — ^— — ^— — ^— ^^^^— | — — ^M II — . ■■ ■■ I - ■■!■■■

Or me dictes que voulez-vous?

JOSEPH

Je te prie ensaigniez nous Par t'amour et par ta mérite Tout droit le chemin en Egiptë, Et s 'aucun après nous venoit Qui d'aventure demendoit Se tu as veu passer nullai, Sy pourras dire à cellui Que tu n'as veu venir n'aler Ne personne par cy passer :

Amis, vueilles pour nous tant faire.

LE SEMEUR

Prodoms et amis débonnaire Je le feray très volontiers Se âme vient par cez sentiers, Que je voy bien qu'estez prodoms.

JOSEPH

A Dieu frère vous commandons; À Dieu aiez bonne espérance ; Qu'en bien aiez montepliance Et vous garde d'enconbrement !

hapelopin.

Avant, compains, appertement; Penssons bien fort de bésoignier Et faisons tost sanz espargnier. Faire nous fault nostre devoir Se nous voulons le gré avoir De Hérodc le noble roy.

Tuer nous fault par grant desroy

Tous lez enfens que trouverons Que jà nulz n'en cspargnerons Tant qu'arons tué le hardel Qui tant de paine et de duel Nous fait : avant, ne lessons rien.

HUMEBROUET.

Avant, compains, vecy le mien ; De moy sera tost décolez.

BIÉTRIS.

Ha! hay! faulz murtriers, que volez?

Voulez vous tuer mon enfant?

Sanglans truans, larrons puant, Je vous estrangleray en Peure

HAPELOP1N.

Certez, maintenant sanz demeure Je descoleray cestuy cy :

James ne partira de cy.

S'ara la teste copée ; Je ly donrrai telle acolée.

Avant, putain, laissiez aler , Tantost vous seray si baler, Or ça bien tost en maie estraine.

YSABEL

Diex vous met en maie sepmaine Larrons murtriers; las ! mon. enfant A faulz malvaiz tristes puant.

Hay! vrais Diex! las! que feray?

Jamais au cuer joie n'auray.

A mon enfant, las! que ferai- ge?

Bien doy avoir au cuer la raige :

3o , LE GEU DES TROIS ROYS.

Merveilles est que ne me tue.

BIÉTRIS.

Lasse ! le mien forment m'argue Lasse mescbante mal abeurée l De quelle heure fu-ge oncques née?

A! murtners, on vouspuîst pendre!

Or ne sai-ge quel conseil prendre Puisqu'enssy voy mon entant mort.

De laide et angoisseuse mort Morir m'en fault certainement.

YSABEL

Je ne puis vivre longuement En tel esnuy, en tel tristesse; Jamais au cuer n'aray léesse Quant j'ay perdue toute ma joie. .

Certes plus vivre ne pourroie :

Il me faut morir tout en l'eure.

HUMEBBOUET.

Sans faire ycy plus de demeuncy Hapelopin, mon compaignon, Je te prie que riens n'espargnon Tant que nous aiens mis à mort Ce garsson qui nous fait grant tort. Tant yrons que le trouverons Et la teste ly osterons, Anssy qu'au aultres avons fait, Sans y faire noise ne plait :

Oi 4 en alons hastivement

HAPELOPIN.

Je le vueil bien certainement,

LE GEU DES TROIS ROYS. l3l

Car certes j'ay grant désir Que puisse ce hardel tenir :

M'espée ou corps ly bouteray :

Autre vengence n'en prendray Que plus ne vivra, sanz doubtence.

LE SEMEUR

Vray Diex que tu as grant puissance I Semé ay ce blé, maintenant, Cuillir le fault incontinant, Car je voy bien qu'il en est temps.

HUMEBROUET.

Sa beau prodoms, à nous entens Et ne vueilliez de riens mentir :

Tu t'en pourroies bien repentir.

Passa-il hui par cy nul âme Homme n'enfant, varlet ne dame Qui portassent petiz enfans?' <

LE SEMEUR

Certez, seigneurs, je vous convant Conques puis que mon blé semay .

Personne vu venir n'aler n'ay, Ne créature petit ne grant.

Or vueil saier mon blé errant. Certainement plus n'atendray.

HÀPELOPIN.

Certes arrière retorarneray, Humebrouet, mon compaignon ; Faisons bien, tost sy retournon, Car plus ne savons où aler.

Piessà ne finàsmes d'aler :

l32 LE GBU DES TROIS ROYS.

Le hardel trouver ne povons.

HUMEBROUET

Hapelopin, nous ne savons Ce tuez est certainement. , * Alons nous en hastivement Et à Hérode conterons Tout ce que fait nous arons.

HÉRODE

Entendez à moy, maistrez Hermès ; Je voy retourner noz gens d'armes.

Bien croy qu'il ont fait leur devoir :

Tout maintenant le vueil savoir.

Devant moy venir lez feray Et puis sy leur demenderay Ce tué ont ce ribaudel.

HERMÈS

Se trouvé ont le baltardel , N'en doubtez, il ont mis à mort :

A lui n'aront point fait d'acort.

Huchier les vueil incontinant ; Sa, gens d'armes, venez avant : Dictez au roy ce qu'avez fait.

hapelopin.

Certes, sire, sans plus de plaît Le vous dirons ysnellement.

Tué avons certainement Dez enfans assez à planté , Que bien aviens la volentç.

Cent et .xliiii. milliers Avons occis de rioz aciers»

LE GEU DES TROIS ROYS. i33

Esse bien fait , qu'en dictes- vous ?

HÉRODE

.ï. beau fait ayez fait pour nous:

Mez que vous aiez tué l'enfant Que cez .m. roys alient quérant Dictez-moy ce riens en savez.

HqMEBROUET.

Nanil, Sire ; savoir devez Que point trouvé nous ne l'avons Et grant paine mis y avons.

Jà du pais estoit partis Quant de vous f usine s départis Très donc que lez blez on semoit.

Bons à soier sont orendroit , Je vous en dy tout mon avis.

HÉRODE

Hay ! je doiz bien enragier vis ,

Du sans yssir et foisonner

Et mon corpsf tout abandonner.

Fuiez de cy, touz vous tueray,

Ne point ne vous espargneray ;

Car yriez suis durement

De cez .m. roys certainement

Qui ainssy me sont eschapés,

Que ne lez ay point atrapés.

Morir m'en fault à grant tristresse

Du grant courroux et de détrece

De l'enfant que n'avez tué.

Certes forment suis argué ,

Morir m'en fault sanz plus a tendre.

l34 LE GEU DES TROIS ROYS.

HERMÈS

* Vueilliez en vous bon confort prendre , De riens ne vous desconfortez.

Solaciez-vous et déportez Puisqu'il ne puet estre autrement.

hérode.

Mestres Hermès, certainement Mez biens sont trestouz passez > Car je ne fus oncques lassez De mal faire toute ma vie.

Sy ne sçay mèz que je die :

Morir me fault à grant doulour.

BELGIBUS.

Bélias, huy nous croist bonour , Nous arons noble compaignie. A Hérode ne fauldrons mie Que j'ay tant fait pour mon angia Qu'il vendra tantosC à sa fin.

Il ce veult touz viz enragier.

bélias.

A luy alons sans estargier, Et faisons tost, sy nous hastons.

De ce tuer fort l'enortons , Sy Importerons tout en l'eure.

BELGIBUS.

Or y alons en la bonne heure.

Gy voisent parler à Hérode, et die :

BELGIBUS.

Hérode , entens tost à moy Que diables suis qui viens à toy.

LE GEU DES TROIS ROYS. l35

Ken sçay qu'à nous tu ez rendus Et en noz lieux est atenduz Fay hardiement, et sy te tue, Car tu seras en nostre mue.

D'un bon coustel te fier tantost :

Je t'aideray ; or fay bien tost,- Car vivre ne pue* longuement.

HÉRODE

Murtrir me fault tout maintenant , Ha hay ! alas 1 que feray?

.1. coutel vueil, sy me tueray :

Plus ne .vivray certainement.