BÉLUS

Nulz ne te voit , fier hardiement , Boute fort car je ly ay mis.

HÉRODE

Certez plus ne vueil estre vis ; Droit en mon cuer en senz la pointe.

Or est ma vie toute esta in te :

Ha hay ! ha hay ! le cuer me fouit.

çelgibus.

Bélias, sa vien à l'asault; Yien tost, Béliaz, comparas, Cilz c'est tuez k cez .n. mains.

Voy-le te; cy il est tous mors, Prenons son âme et son corps :

Oncques ne fut plus malvaiz hons.

Portons le tost en noz maisons , Car il fict sa famme murtrir Et cez .m. filz aussy morir ;

Et son père trestout vivant Fist-il boulir en pion boullant.

Il cuida lez .m. roys tuer, Mais contre eulz ne pot arguer.

Puis sy a fait par sa malice Dez enfans une grant justice , .xliii. mille à grant tort Décoler et tout mectre à mort.

Or Penportons ysnellement Sanz luy faire aligement Que certez bien l'a deservy.

BÉLIÀS,

Avec nous sera servi D'entremés de gros bâtons , Et la sauce d'escorpions, De coleuvres et de serpens :

Ly ferons-nous touz cez despens.

En .1. beau feu l'en métrons :

Autre aligence ne ly ferons, Or Penportons sanz faire arest.

BELGIBUS.

Or çà, certez , je suis tout prest Sy pren de ça et moy de là.

Or çà, de par le diable, çà.

Cy remportent en enfer.

DIEU LE PÈRE

Raphaël, amis, entens à moy , ' A Joseph va, dy ly par moy Qui s'en revoit, sanz faire arrest, En la cité de Nazareth ,

Et que de riens ne s'ébaie ; Qui s'en revoit lui et Marie, Que de Hérode pas ne se doubte , Car il est mort sanz nulle doubte :

Or t'en va tost isnellement.

RAPHAËL

Sire, g'i vois certainement Et plus d'arrest je n'y feray :

A Joseph bien tost m'en yray, Gy voise à Joseph, et die :

Entens à moy, Joseph, beau-frère, A toy m'envoie Dieu le père ; Son angle suis qui viens à toy Et sy te mande de par moy Que t'en voise sanz faire arrest En la cité de Nazareth , Et pren ta femme et ton entant, Sy t'en va tost incontinant , Et prens en toy bon reconfort Que le roy Hérode sy est mort.

Je m'en vois, plus ne t'en diray.

Amis, tantost je m'en yray Puis qu'enssy Diex le me mande; Je feray ce qui me commande Que c'est raison certainement.

Alons-en tost hastivement , Marie, ma très-doulce amie ; De Hérode ne doubtons mie, Sy retournons en Nazareth

l38 LE GEU DES TROIS ROYS.

Et n'y faisons séjour n'arrest.

Or montés, trèz-doulce Marie ; Ly trés-doulz Diex sy nous conduie , Car en sa garde nous metons!

JSOSTRE-DÀME.

C'est bien dit, Joseph ; or montons.

De nous aler forment désire :

Loons haultement nostre Sire ; Devant moy mestray mon enfant.

JOSEPH

Loer devons le Roy puissant ; Marie, démenons grant joie.

Or, alons bien tost nostre voie Que Diex, qui touz nous a formé.

Qui doulcement nous a amé , Nous vueille donner par sa grâce Qu'en paradis nous aions place.

Sy chantons tant bécus que camus, Chascun Te Deum laudamus.