BON LARRON

C'est voir, mais qui Jhesu a pris, Fait penre ne mettre à tourment, Bien sçay que péché a forment, Car filz est ad père célestre; Mais moy, toy devons cy bien estre, Car nous l'avons trop bien gaigné.

Maint hom avons nous meschengné Et destourbé pour son avoir.

Gestas, ce pues-tu bien savoir, Je te lo que mercy li cries Pour tes péchez et li dépries Qu'il les te vueille pardonner.

MAL LARRON

N'ay cure de ton sermonner: Dy va, je te dy et par droit Il ferait trop bien qui l'ardroit, Car il est bougre et ypocripte.