RON LARRON
Tu mens comme lierre trahîtes.
Dy raoy pourquoi tu le lédenges ?
Il est trestout sire des angles Et sy veult ceste mort souffrir Pour tous ceulx d'enfer garantir Qui ly vouront mercy crier.
Doulz Diex, je vous vueil déprier Que j'aie de vous celle grâce Que m'àme vous voie en la face.
Pour mes méfiais dont ci je pens Vous cry merci et m'en repens.
Sire, de cuer pleurant le dy.
DIEU
Certes, certes et je te dy Que cy ne feras lonc séjour.
Avec moy seras en ce jour En paradis, en ma maison.
MÈRE DIEU
Beaulx doulz filz, c'est bien sans raison Que Juifz vous ont couronné.
Grant courrous au cuer m'ont donné Quant souffrir vous font tel tourment.
s. JEHAN.
Ne vous conplaignez sy forment,
Dame, tel dueil ne démenez, Mais humblement tous contenez Et lcssez vostre dueil ester.
MÈRE DIEU
]Mon deuil doy-je bien aprester Quant je voiz que mon fitz je pers.
De dueil mouray se je le pers.
Lasse! nul n'a de lûy mercy; Jehan, j'ay trop le cuer nercy.
Moult forment me doy garmenter :
En crois voy mon filz tourmenter Et sy est tout son corps plaie.
Mon cuer est triste et esmaté Quant je voy mon doulz filz mourir > Que tous déussent seignourir Et il l'ont sus crois es tendu.
S. JEHAN
Ceulx qui en la crois l'ont pendu Sont de cuer félon et trahite.
Moult ay le cuer dolent et triste Quant en ce point mon maistre voy.
MÈRE DIEU
Lasse moy, dolente voy Mon filz livré à tel justice.
La couronne qui li ont mise Est de jons plus poignant qu'espine.
Toute léesse en moy décline :
Àins que mon filz mourir véisse Mourir avecques luy vousisse.
Mort fay de moy trestout ton plein ;
DE NOTRE SEIGNEUR. 1iJ\g
N'en puis mes, se je me conplains Quant je voy mon filz défenir - Dont joye rtie souloit venir Et le cuer m'en part de douleur : Beau filz, je voy voslre couleur Toute pallir et toute taindre.
Lasse! moy bien me doy tomplaindre.
Certes bien vouroie estre morte ; Mort viengs à moy et si m 'en porte.
Je n'ay cure que après luy vive.
Or sui-je bien, mère chétive; Certes > ma mort forment me tarde Quant mon iilz et mon père èsgarde En guise de larron destruire.
Nul ne faint point de luy nuire.
Lasse! comment sa couleur est mate.
Le forfait des pécheurs achate Sy qu'il en est livré à mort.
dieu.
Famme seufl're toy ; pour ma mort Ne te dois pas desconforter.
Je muir pour sancté aporter Nez à ceulx qui sont très passer.
Se tu me vois ore lassez En ce tourment qui sy me tranche, Hors en seray dedens dimenche.
Lors seront maintes âmes liées Qui sont pieçà du corps parties.
Les bonnes joye demenronl, Àvecqucs moy tousjours verront :
Famme, famme, conforte toy.
Jehan, qui est sy près de toy C'est ton filz. Voiz tu ceste famme, Jehan? C'est ta mère; corn ta dame La sers de fin çuer débonnaire.
Je t'ay esléu ad ce faire, Garde la bien comme ta mère.
s. JEHAN.
Je vous rens grâces , beau doulz père> Quant de vous suis sy cogneu Qu'à ce faire suis esléu.
Je feray débonnairement, Sire, tout son commandement 9 Et de bon cuer la garderay.
LA MÈRE DIEU sus : « Vcni Creator. »
Triste dolente que feray ?
Bien me devroit le cuer partir.
Hé! mort, car me fay départir; Car j'ay vescu trop longuement.
Le cuer m'estraint si asprement, Je l'a y d'engoisse si amer!
Beau filz, pour tous m'estuet paswer, Et pour le mal que soustenez.
s. JEHAN.
Dame, tel dueil ne démenez; Souffrez vous et lessez ester.
Vous n'y povez rien conquester :
Il veult sauver tous sez amis ; Dame, pour ce son corps a mis En tel paine et en tel durté
Pour eulx getter de Pobscqrté , D'enfer, qui est tout plain d'orduro,
M^ÈRE DIEU
Il seuffre angoiesse trop obscure, Mon douta filz; son pueple aime mou H Et si n'a nul en tout le mont Qui pour luy tel fès soustenist.
Bien vouroye que mon père fenist Sans plus au monde demourer. . De cuer m'estuet plaindre et plourer ;" Quant je voy mon filz justicier, Je doy bien ma vie peu prisier.
Jamais joye ne puis avoir
Mais yray dueil toudis menant.
He! mort, car me prens maintenant ; N'en puis mais se je m'esbahis.
Beau filz, Juifz vous ont trahis, Honteusement vous ont pendu Et vostre corps ont estendu En celle crois et par envie.
Lasse ! comment puis estré en vie?
Qui jamais me confortera?
Beau filz, vostre mort me fera Grant dueil et grant rage mener.
En chantant die.
Beau filz je doy bien forcener, Il n'est nulz qui me confortast :
Bien voudroie la mort m'emportast.
Au cuer grant angoésse me point;
Envis vous cuidasse en ce point Jamais ne pourroye voir Quant je vous fesoie seoir Par grant désir en mon giron Moy et vous nous départirons Vous vous mourez et je demuir Se poise moy quant je ne muir.
Filz, pour quoy mon cuer lessés?
Or est bien du tout abessez Le soûlas que vous me fesiez Quant en la bouche me besiez, Par doulceur plaine d'amitié.
Beau père, preigne toy pitié De tous ceulx qui ce mal me font, Car ne scevent à qui le font.
Leur méfiait leur soit pardonnez.
J'ay soyf.
CAÎPHAS.
Beau seigneurs, je vous pry, donnez A ce roy ce qu'il vous demande.
La maie poission l'estende!
Tant nous abuy fait de paine.
Je croy que la mort le demene, A boire demandé nous a.
haquin.
Certes, enfantosmez nous Jia.
Boire ly donrray se voulez Buvrage qui oneques coulez Ne fu; jà bien ne li fera.
Or escoutez quielx il sera :
Pour ce que Jhesu voy sy maigre D'amer de beste et de vin aigre Sera destranpé ce buvrage.
ANNE S v
Par ma loy, Haquin tu es s?ge ; Donnez ly bien je my acorde.
HAQUIN.
Je penray celle escuelle orde; Dedens vuçil mettre la poison.
Tien meschant roy, boy à foison Et garde n'en y lesse goûte.
Or est acomplie trestoute La prophétie ; dès or mourai-je Pour sauver tout l'umain lignage.
Beau très doulz père je baille
Entre tes mains mon espérit.
LES ANCRES sus : « Vtni Creator. »
Vous estep t0q$ hors du. péril D'enfer , celle orde vil puour; Pour ce je vous a port lueur .
Et lumière de paradis, Par Adam qui pécha jadis Tous estoient en enfer mené, Mais la mort Jhesu ramené Vous a trestous a sauvemeni.
CENTURIONS,
Seigneurs, sachez certainement
254 tA passion
Cilz estoit filz Dieu et homs juste.
Vous trestous qui à sa mort fustes Se bonnes personnes fussiez, Savoir de voir bien déussiez.
Les pierres fendre vous veistes, Et la terre crouler sentistes ; Le soleil et le jour pardirent Leur clarté, trestuit si le virent Qui furent à ly justicier; Filz Dieu est , on le droit prisier, Cbascun le doit croire et savoir. ' *
MALQUIN.
Je ne voudroie pour tout l'avoir
De Jherusalem la cité
Que vous déissiez vérité.
Où avez vous ceci songé ?
Pilate, donnez nous congé
D'aler véoir en escalvaire
S'en ses larrons a mais que faire
Que on nous a fait justicier.
Les cuisses leur faudra brisier
Se ainssy est que nul z d'eulz plus vive;
La chose doit estre hastive,
Car du Sabath approche l'eure.
pilate. .
Alez y sans faire demeure Et Longis avec vous menez.
Longis, ceste lance tenez; En vostre main la porterez Et ses conpaignons aiderez :
Je vous en pry par amitié.
longis.
Oncques n'oy du larron pitié :
Il me tarde jà que je y soye; Mais il n'est goûte que je y voye.
Lequel de vous me y veult mener ?
Pener me vueil de vous mener ; Or en venez tout maintenant, .
Au larrons vous voiz droit menant.
Or, escoutez que nous ferons Quant devant les larrons serons :
Chascun au sien se couplera Et les cuisses ly brisera.
Longis, savez que vous ferez :
Les cuisses Jhesu briserez, Par quoy mourir plus tost il puisse Se ainssy est que vif on truisse.
Malquin, ces .m. larrons là vivent.
MALQUIN.
La mort à leur povoir èschivent,
Je croy bien vouroient tous jours vivre.
Pren ce baston et te délivre ;
Brise les cuisses à cely.
HAQUIN.
Tu sces bien je ne doubt nully De bien savoir faire l'office..
malquin.
Je vueil qu'on me teigne pour nico Se cestuy tantost ne partue. >
Ha! Jhesu, comme bas laide veue ; Je croy que il n'est pas en vie.
longis.
D'autre chose je n'ay envie Fors que de Jhesu tourmenter. Haquin, je m'ose bien vanter Je ly feray mes jeus putr.
HAQUIN.
Jhesu n'a povoir de fuir, Car il me semble que mort est.
De vostre lance qui forte est Ou cousté destre le peignez Et gardez que ne vous feignez ; Mais bien en parfont le plaiez.
Nous voulons que vous essaies S'il a en !y de vie point.
longis.
Lié sui quant il est en ce point.
Car je le hay de tout mon cuer.
Haquin, ma lance en droit le cuer Apointe trestout droitement.
haquin.
Volentiers, ferez roidement :
En droit le cuer je l'ay mise.
