LE MERCIER

Dès or acheter en pourrez :

Ma marchandise vous desqueuvre.

Jà pourrez acheter bonne ouvre :

J'en ay de magniéres diverses.

J'ay soye rouge, Indes et Perses, .

J'ay soie noire, soies fines; Plus blanche que n'est fleur d'espines ; J'ay beaulz poil les seur argentez A feilles d'or par my plantez; Draps vers de soye à or bendez Et sy ay de plusieurs sendels, Soye vermeille et puis morée, Et ay soye qui est dorée; J'ay bougueren et estamines, J'ay bourœs faites de euvres fines, J'ay saintures et gibecières, Courroyes de maintes manières, Pourpres samis trcssiers et guindés, Voilles noirs et rouges et Indes, Coèffes à or bonnes et riches, Queuvrechiez, crêpez et afiches, Espingles d'argent sororées, Grosses couroyes d'argent dorées, Clhapiaus apellez et couronnés Et pierres précieuses et bonnes, Noires et vers et ronges sarges, Couvertoers de sendal bien larges ; J'ai paille de divers ouvrages, Pourtrait sont à bestes sauvages

Qui samblent lion et liépart, Et en ay encor d'aultre part , De riches, fais nouvellement, Qui sont pourtrait mesmemcnt, De blanches et de rouges roses Qui sont parmi le drapt encloses ; Poilles roïez, couroyes à perles, Draps à papegauls et à merles.

A briefs paroles deviser Ne vous pourroyé deviser Tout quanque j'ay de marchandise, Et ay .1. drapt que forment prise, .1. sydoine, mais il est vers.

Soies tout certains qu'il n'est vers Qui jà le puisse transpercter, Et sy ne sçay.je pas mercier Qui miex de moy en soit asiez.

JOSEPH

Beau très doulz sire, or vous taisiez :

Ce sydoine j'acheteray.

Dictes moy que j'en paieray :

Ce corps y envellopperay Et de celle crois l'osteray Que j'ay tant Pilate proyé Que il m'a le corps octroie.

Or l'en vueil porter douloemem En .1. serqueu que proprement - J'ay fait faire pour le couchier ; Et vous dictes que ver touchier Ne puet à ce sydoine digne ?

Pour ce y mettray ce corps bénigne : Benoist est et Benoist doit estre Car filz est au Père célestre.

A tort ly ont ce fait Juise :

De bon cuer ly faiz ce servise, Car il n'est nul qui bien le serve Qu'à .c. doubles ne le deserve.

Sire, or prenez de mon avoir, Car le sydoine vueil avoir Pour le prophecte ensevelir.