MERCIER
Joseph, moult me doit embellir La parole que m'avez dicte.
Le sydoine vous arez quitte :
Vostre est et vous l'emporterez, Ne jà deniers n'en paierez.
Marchant sui qui en marchandise Ay tousjours m'estudie mise.
Le sydoine ly vueil donner, Bien le me puet guerredonner, J'en ay bonne dévocion.
JOSEPH
Ce n'est mie m'entencion , Sire, que pour nyent je l'aye.
De la cherté point ne m'esmaye ; Vecy assez monnoye bonne.
mercier .
Le sydoine quicte vous donne ; Allez, à Dieu je vous commande, u. 18
2<y4 LA PASSION
JOSEPH
Je pry à Dieu qu'il le vous rende Et qui vous vueille conforter. Ce sydoine te fault porter, Nichodemus ; je le te baille.
NICHODEMUS.
Joseph, je vous dy bien sans faille Ce sydoine moult m'abellist :
Du corps tenir ay grant délit; La besoigne point ne m'anuie.
JOSEPH
Or en alon, Diex nous conduie.
Aûjpurd'uy beau don gaigné ay Que Pilate sy m'a donné :
C'est Jhesu que je vois despendre De celle crois sans plus attendre, Car je le voy moult tourmenté.
NICHODEMUS.
Joseph, se Diex me doint sancté Je ly vois le bras desclouer.
JOSEPH
Tu dis bien, je t'en doy louer :
Au pié de la crois demourray , Car recevoir je le vourray Quant je le verray jus venir.
NICHODEMUS.
Or entendez au soustenir,
Car je voy bien que il se abesse.
josbph.
Seurement aler le lesse
Et vieng avant sy m'aideras, Et le sydoyne getteras Sus ly et puis l'enporteras, Et ou serqueu le coucehras En ce sydoine dignement.
NICHODEMUS.
Sire , à vostre commandement Je suy près et appareilliez.
De le servir suis esvei liiez Et seray tant com je vivray.
JOSEPH
Doulz père, vostre corps livré
Avez pour nous à grant tourment.
Contre vous ont mespris forment
Ly félon Juifz de put aire.
Quant ilz vous ont osé ce faire
Hz sont faulz et mal vais trahi ste.
Doulz Dieu, j'ay pour vous le cuer triste;
Par grant tort vous ont mesheigné
Et sy ne Pavez pas gaigné.
Vous estes filz de Dieu le père
Et naquistes de Vierge mère.
Vous estiez Dieu plain de pitié
Et par vostre grant amitié
Qu'avez eu à vos amis
Que Adam en enfer tous a mis ,
Avez voulu mort recevoir,
Chascun puet bien apercevoir.
Quant Longis, qui ne voit goûte,
Vous ot la char du costé route,
Port vous poigny, pas ne failly, Tant que vostre sang en sailly Sus ses mains; lors les a p roc ha De sez yeulz et les antoucba Du sang, par quoy r'ot sa véue Qu'il avoit longuement pardue.
Longis, qui devant non voîans Es toit, en fut lié et joians.
A celle heure que vous mouristes De l'angoisse cjue vous souffristes, Ciel et terre toute trambla.
Ce fut pour vous lors bien sambla Que definement déust estre.
Doulz Dieu, filz au Père celestre, En vous est toute m'espérance, En vous est trestoute puissance.
Mors ont les chiens envieux :
De cest oignement précieux Oindray vos plaies sans faintise; Beau doulz père de bon servise, Tousjours mais vous vueil servir.
Or vueilliez que je déservir Vostre très-doulce amitié puisse , Par quoy avec vous je me truisse Quant départiray de ce monde.
NICHODEMUS.
Doulz Dieu de qui tout bien abonde , Vous dictes, ce sçay-je de voir, Que mort vous failloit recevoir ; Au tiers jour resusciteriés,
D'enfer les vostres getcriés.
Cy a moult grant humilité; Dieu père plain de vérité , Car me vueilliez donner la grâce Que je puisse véoir vostre face Quant la mort me fera fenir.
CÀÏPHAS.
Malaquin, va sy fay venir; Annes, dy-ly je le demande.
MALQUIN.
Volentiers. Caïphas vous mande Qu'à ly tantost parler venez.
ANNES.
Malaquin, bon vallet senez, Je vois puisqui l'a cpmmaadé.
Caïphas, vous m'avez mandé.
Je suis venu sans arrester.
CAÏPHAS.
Sire, tout ce lcssez ester ; Parlon vous et moy d'autre chose Que pour vérité dire je ose.
Fol est qui dit que soions sage :
Occis avons par grant oultrage Le prophète ; s'il resuscite De sa mort ne seron pas quitte Pour ce que l'avons justisé.
Qui dyabîe vous a avisé
De ce dire? estes-vous yvres?
Caïphas, gardez en vos livres.
Où la vostre créance est mise.
Vostre loy point ne vous devise
Que nulz homs en vie reveigne,
De quelque heure que mort le preingnc;
Grant yvresse vous oy compter.
gaïphas.
C'est voir, mais Dieu puet seurmonter Toute chose et par droicture, Dieu puet plus que ne fait nature.
S'il est filz-Dieu par vérité Vous le verrez resuscité Àinçois qu'il soit .111. jours en liera,
ANNES.
Je ne vous oy pas volentiers Ces malvaises paroles dire.
Vous estes maistre de l'empire Et avez sy foie créance.
Bien sçay Dieu a toute puissance Et qu'il est sanscommancement Ne jà n'ara de finement.
Quant Dieu voudra il nous touldra La vie, mais jà ne mourra :
C'est un homs que avons tué.
Sire Anne, bien entendu é
Ce que respondu vous m'avez^
Mais de vérité bien savez
Que .1. Dieu puet tout sans nulle some
Et se met bien en guise de home.
Tantost que cest home tenismes
Jusques à la mort le batismes :
Sanglant fut devant et derrière.
Se Dieu est, aie est arrière En paradis en sa maison; Que ce ne fust pas sans raison Que ainçois que la mort l'estendist Convint que la pierre fendist De son sang et en fut quassée, Et quant s'àme fut trespassée , Je vis le temps noir et enquble Et plain d'obscurité moult horrible.
Dont je fu moult espoventez.
ANNES.
Par foy, vous estes enchantez
Quant de ly point vous vous doublez :
Lessez ester , sy me conptez.
Jhesu sy est de bons amis;
Joseph, ou sépulcre Ta mis,
Nulz n'y avons qui le gardege.
S'il avient chose qu'on i'emblege,
Geste derrenière erreur seroit
Qui très-bien y regarderait
Plus malvaise que la première.
Or vous diray-je la manière
Comment nous nous encheviron.
A Pilate nous en yron
Vous et moy ceste chose dire.
caïphas.
Alon, ne vous en quier desdire ; Je m'acort bien à celle chose.
ÀNNES.
Cil Dieu en qui mercy repose Gart Pilate qu'il ne ly veigne Chose de quoy son cuer se pleigne Com celly que devons amer !
PILATE
Diex qui fist la terre et la mer Vous vueille de tous maulz deffendreî
ANNES.
Pilate, vueilliez nous entendre :
Jbesu est ou sépulcre mis.
Nous ayons plusieurs anemis Qui tous de sa mesgnie sont, Qui pour sa mort courroucié sont.
Il se pourroient bien asambler Pour le prophète a 1er embler.
Pour .c. marcs d'or n'el vourions :
Conseillez-nous se pourrions Avoir nully pour le garder.
pilote.
Seigneurs, vous n'avez que tarder ..
Je lo que quérir envoiez Les chevaliers, et leur proiez Que à venir cy point ne tardent, Et que le sépulcre bien gardent ; Bon est à faire à mon avis.
CA1PHAS.
Se on l'emble ou s'il est jà vis Forment courroucié en seray.
far Malaquin tost manderay
Centurion ; rien ne le leigne Qu'à mon hostel tantost ne veigne.
Sy li requerray sans tarder > Chevaliers pour le corps garder.
Vallet, met-toy tost à la voie; Dy centurion je iy proye Cy veigne, j'ay mestier de luy.
MALQUIN.
Sire, je ne doubte nully Que ce'mesage bien ne face :
Bien m'en a Dieu donné la grâce.
Je y vois donc et de vous me part.
Centurion, cuer de liépart, Le grant Dieu vous gart de périr. Par moy vous envoie quérir Caïphas ; venez-y beau sire.
CENTURION
Ce ne vueil-je pas contredire :
Je y vois tantost puisqu'il a dit.
Caïphas, Malquin m'a dit Que mandé par ly vous m'avez.
Or me dictes se vous avez Mestier de rien que puisse avoir.
De ma gent et de mon avoir Povez vostre volonté faire , Car par moy n'y ara contraire, Ne jà desdit vous n'en serez.
caïphas.
Trois bons chevaliers manderez Qu'à moy veignent sansdélaier.
CENTURION
De ce ne vous fautt esmaier :
Je feray moult bien ce message.
Or sus, chevaliers de barnage , Vos bonnes armeures prenez Et tout maintenant en venez Après moy, car je le commande.
PINCEGUERRE.
Se Diex de péril nous deffende Après vous volen tiers yron.
baudin.
A vous tous .111. obéiron A quanque vourrez deviser.
MOSSÉ.
Maistre, chascun vous doit prisier :
Vous avez dessoubz vous .c. homes D'armes apris comme nous somes.
Moult estes plain de grant noblesse :
Hardement, fierté et proesse • Dçvez avoir plus que .1. lyon.
• ANNES.
A bien veigne centurion Et sa conpaignie qui est bonne.
Chascun semble fière personne.
Foy que doy ma barbe chanue , Je suis lié de ceste venue :
Moult semblent avoir vassellage.
CENTURION
Ce sont chevaliers preus et sage :
Ils sont hardy et courageus
Et qui leur désert oultrageus.
Fort home sont et bien esleu, Bien esprouvé, bien cogneu ; Je les ay moult bien essaiez :
Oncques ne les vy esmaiez Pour host ou chevauchie ou guerre, Pour nul qui les envoiast querre.
J'en ay tels .c. en ma baillie :
Chascun porte espée fourbie Et bon escu et bonne lance, Qui tous me servent dès m'enfance, Ne nul de eulz ne m'ose desdire.
Se ceulx-ci ne vous plaisent, Sire, Pes autres vous yray quérir.
ANNES.
Centurion, Dieu de périr Les vous vueille tous .m. deffendre!
Il me semble qu'il? devroient rendre Trois coups d'espée sans fa in ti se.
CENTURION
Je les met en vostre servise Et leur enjoing et leur commande Que chascun à bien faire entende Ce que commander leur vourrez.
ANNES.
Et je les prens ; dès or pourrez Seigneurs faire ma volenté.
Or vous teigne Diex en sancté :
Je vous diray que vous ferez.
Ce monument-là garderez j
Joseph y a Jhesu couchié :
Encor n'y a nully touchié.
Je me doubt trop qu'auqun ne l'emble ;
Sy vueil qu'entre vous .111. ensanble
Allez au sépulcre veillicr
Et vous gardez de sommeillier
Par quoy vous ne soiez deceu.
Soiez tous .in. bien esméu
Pe bien veillieret escouter.
PWCEGUERHE.
De ce ne vous estuet doubler :
Le monument sy bien sera Gardé que jiul ne Semblera ; Se on l'emble nous le vous rendrons.
BAUDIN
Au garder très-bien entendrons ; Se nul s'en vouloit approcher Pe m'espée le vouldroie brocher Tel coup que jamais ne gariroit.
MOSSÉ.
Moult chèrement le conparroit S'aucuti estoit qui y venist.
Il convenroit qu'il defenist De ceste espée qui est bonne.
CAÏPHAS.
Moult est chascun bonne personne De vous .111. hardie et fière ; Moult y pert bien à vostre chère.
Alez-vous-en ; Diex vous conduie!
PINCEGUERRE.
Ne doubtea jà nul de nous fuie
Pour chose que avenir nous puisse,
Et se ainssy est que je y truisse
Nully qui jà y soit venu,
De moy sera-il bien tenu
Que pour riens miex ne convenra.
BAUDIN
Qui ver le monument venra Il ly vauroit trop miex assez Qu'il eut les .11. piez quassez, Car la teste ly couperay.
MOSSÉ.
De m'espée tant fraperay, Se je y voy nully qui y veigne , Que la teste n'ara pas saine :
Jamais ne sera qui n'i père.
PINCEGÙERftE.
Foy que je doy l'âme mon père.
Je croy que somes espié.
.1. pou de soupeçon j'ay
Que sa mesgnie ne nous entende.
BAUDIN
S'il y vient nully qui y tende Le doit par aucune aventure.
Il sara se m'espée est dure :
Fendre ly en feray la teste.
MOSSÉ.
Se je voy nul qui se y arreste De mon coup ly feray présent.
Je ly donrray gros et pesant De ceste espée, qui bien trenche .
PÏNCEGUERRE.
Et je de la moye qui est blanche Ly vourray la teste couper.
Sy ly tourray le goloper :
Ycy tout mort le lesseroye.
BAUDIN
Je te diray que je feroie :
Qui y venroit par son oultrage, La teste me lesseroit en gage , Ce te dy-je pour vérité.
MOSSÉ.
Tout ly or de ceste cité Pas celly ne garentiroit Qui ver ce monument yroit Qu'aler s'en péust sans escbaces.
PÏNCEGUERRE.
Seigneurs, car lessez vos menaces, Que se je y voy nully venir, De rire le feray tenir, Je ly leray veufve sa famme.
BAUDIN
Conpains, je te jur par ceste âme, Se nul vient ci pour nul mal dire, Mourir le feray à martire :
Je te dy voir, quier qui te mente.
MOSSE*
Chascun de vous forment se vante , Mais m'espée a telle proesse
Se nul au monument s'adresse Jusques au dens le pourfendray.
PINCEGUERRE.
Las, moy dolent ! qui atendra Ces gens qui sa venir je voy?
Seigneurs, meilleur confort n'y voy Fuions~nous-en tout maintenant.
baudin.
Las, chétif ! que voy-je venant?
Que cy a d'ommes amassez !
Hz sont trop plus que nous assez ; Fuir vueil pour moy garantir.
MOSSÉ.
Seigneurs, tost vous voy repentir
De faire ce que disiez.
Vos vantances devisiez
Et maintenant voulez tuit fuire !
Or puissant mal se conduire
Se .1. petit de vent vous a vanté,
Sy estes tuit espoventé
Et pour droit nient regardez.
Comment oseriez garder
Ung grant règne ou une conté ?
PINCEGUERRE.
Par le grant Dieu plain de bonté, J'ay moult très-grant paour eue.
Or est ma force revenue, Je suis tout fort et tout hardy.
BAUDIN
Se j'ay esté acouardy ,
Bien sçay que j'ay ma force toute.
Se nul au monument sans doubte Venoit tantost seroit tuez.
MOSSÉ.
Beaus seigneurs, ne vous remuez.
Ne vous devez espovanter.
C'est vent qu'avez oy venter.
Tcnez-vous-cy, ne vous doubtez, Mais au monument escoutez Qu'il n'y veigne nully toucher.
Et les angles sus : Pange lingua.
Seigneurs, je vieng de par celly Qui a esté en crois penez.
Crestiens, joye démenez :
Resuscité est tout de voir.
Il a voulu mort recevoir Pour trestoute crestienté.
En bonne église estes rente Se vous la voulez deservir.
Seigneurs, pensez de Dieu servir ; Pour vous est perciez ses costez.
Du dyable vous a tous ostez :
Recouvré bon seigneur avez.
PINCEGUERRE.
Or me dictes se vous savez Dont ceste vois puet estre yssue?
Je ne l'ày pas bien entendue Ne je ne sçay qui dicte l'a ; Mais je voy .1. blanc home là Qui sus son col une crois porte :
S'en enfer ne soit m'àme morte, De paou, le corps me croule tous.
BACDIN.
• Je sui le plus paoreus de tous, Je n'ay membre qui ne se deuil le; Mon cuer tranbleplus que une fueille, De paour le poil me hérice ; Je me tien pour fol et pour nice Quant sui venu en ce service :
Dès or mais ma vie peu prise ; De dueil mourray en cest place.
MOSSÉ.
Tel paour ay ne sçay que face :
De paour m'est le poil dressiez.
Certes, moult sera courrouciez Cayphas quant il le sara.
Mdult grant dueil au cuer en ara, Car pour ce chant qu'avons oy Somes trestuit sy esbaby Je sui devenuz tous lourdes.
PINCEGDERRE.
Bien sont abatues vos bourdes.
Moult très-bien vanter nous savons ; Beau seigneurs, mal gardé avons Jhesu qui la k>y despisoit. Bien sçay qu'ersoir séens gèsoit; Emblé est, s'en seron blasmé.
Or ay le cuer de deuil pasmé :
Je sui de mourir en balance.
2gO LA PASSION
BACOIN.
Par ma loy , sy a grant meschance :
Véoir vueil se c'est vérité.
Las! comment s'en est-il allez?
Or devons bien estre esbahy.
Oncques mais ma vie ne hay; ( Tel dueil ay que mourir m'estuet.
MOSSÉ.
Nagaires encor y estoit.
Las! comment l'ont peu cmbler?
La paour qu'ay me fait tranbler.
Certes, bien vourroie défenir :
Je ne me puis mais soustenir ; Dormir me convient cy à terre.
sathan.
Or sommes-nous trestuit en guerre.
Céens nous convient enfermer, Nos portes et nos buis fermer , En nostre enfer appareillier, Car Jbesu nous veult traveillier.
C'est force, se sçay-je de voir; Il le nous convient recevoir.
Jhesu est bous qui a doublée la mort \ ' Il diat.s'ârae troublée jusque* à mort Estoit, et adversaires M'a esté en tous mes affaires. Il a esté cruceiiez par moy* Par moy est glorefies.
Il vuidera tout cest estage Sy com je pens en mon courage.
S'il est filz Dieu pas n'en fauldra , Mais assez tost nous assaudra.
Jhesu m'a tousjours decéu, Car aucuns mors que j'ay eu Mis en la charte de céens, Tu le sces, que tes yeulz véens, Par sa parole les délivre.
BÉELZÉBUS.
Qui est ce Jhesu qui fait vivre Par sa parole seulement Les mors ? Dy, je le te demant.
Et non pour quant par aventure C'est cil qui de la charte obscure De séens le ladre getta Qui jà puoit, et qui dit a Qu'il briseroit nostre maison ?
sathan.
Je te respon et par raison ; C'est cil Jhesu qui nous a folio Tant seulement par sa parole Qui nulle fois ne se parjure.
BÉEL2EBUS.
Par tes vertus je te conjure Que tu ne m'amènes mie Tuit cil qui sont de sa mesgnie, Qui ne scevetit amer milly.' Quant ilz oient parler de ly , N'i a sy hardy qui ne trenble.
J'ayme trop miex celluy «qui emble , Ou .1. murtrier ou .1. hérite,
.1. parjure ou .1. faulz hermite :
À telz gens sont de mon convent ; Mais je te promet et convent Que (se) tu Jhesu y amenés/ Il nous ostera nos demaines, Nos richesces, nos seignories Et toutes nos grans galeries.
Et sces-tu qui t'en avendra ?
Trestous tes chartriers en menra Avec le père cspéritable Droit en la vie pardurable.
Lors tuit de mal heure serommes , Qu'il sera sires de tous hommes Et de toutes les âmes mortes.
DIEU
Princes d'enfer, ouvrez vos portes :
Le roy de gloire le commande.
Gardez que nul ne le deffende, Car je vueil aler visiter Mes amis et les vueil getter Tous hors de la maie prison .
