SATHAN

Je me cuidoie aseignourir

Par dessus trestous ceulz du monde.

BÉ EL ZEBUS,

Tu sces que ly juste sont monde De tous peichez et de tous viees.

Comment as-tu esté sy nices Que tu as fait Jhesucrist pendre? Te sces qu'à ly nous convient rendre Par force tous ses prisonniers.

DIEU

Sathan, tu seras préconniers De tous les tourmens de séens.

BÉELZEBUS.

Hé, Sathanas, très-méchant!

On ne te povoit chastier.

Pour quoy as fait crucefier Sans cause ce preudomme cy?

DIEU

En lieu d'Adam ce diable cy , Béelzebus, je met en ta garde ,

En. ly raonstrant Sathan.

Car je vueïl que tousjours mais ardç.

Venez à moy beneuré , Venez à moy ; j'ay enduray La mort pour vostre délivrance.

Mes sains qui avez ma sanblanec, Yssez hors trestuit de cestestre.

Adam, baille-moy ta main destre:

Venez hors de Pobscurté D'enfer ou a tant de durtc :

v Sy serez en ma conpaignie.

, ADAM

Sire, j'avoie grant envie De véoir vostre doulce face , Et vous m'avez fait sy grant grâce Que vous avez tout essarté.

Enfer pour moy donner clarté Et ceulz que j'avoie tréchié Par mon très-horrible péchié, Par vostre mort vous les avez De trestous péchiez sy lavez Qu'il sont sy cler que je m'i mire En les regardant, beau doulz sire.

Vous me faites grant amitié Quant vous avez de moy pitié , Et quant par la main me tenez.

EVE

Très-doulz Dieu qui nous cnmenez , Je péchié trop vilainement Contre vostre commandement Ou fait de désobéissance.

Souffert en avez pénitance Jusque a la mort, ce sçay-je bien ; Vous m'avez pour mal donné bien :

Jhesucrist, je vous en mercie.

dieu.

Regardez tous se il a cy Beau lieu; je le vous abandonne.

Mon père à chascun de vous donne .1. lieu tout pour l'amour de moy.

298 fcA PASSION

MAGDEL AINE SUS 1 Jhesu redemplar omnium^.

Lasse dolente, lasse raoy !

Tousjours mais dueil mener me fault Quant je voy que cil me deffauft > Que je doy dessus touz amer.

MARIA JACOBI

Bien me doy chetive clamer:

Jamais au cuer joie n'a ré Quant Juifz jusque à mort navré Ont celly dont bien nous venoit.

MARIA SALOMÉE.

Cil qui toutes nous soustenoit Et qui avoit toute bonté, Est mort, dont j'ay le cuer monté* Dolent et mat et courroycié.