MARIA MAGDALAINE

En tout plain de lieus l'ont blecié

Juifz par leur forcenerie.

Or alon en l'espicerie

Oignement pour ly oindre prendre. '

MARIA JACOBI

Ma très-doulce conpaigne tendre, Je m'acort à vostre vouloir.

Juifz félon, Diex vous maudie; Sa mort me fait toute douloir.

MARIA SALOMÉE.

Je m'ottry, bien doulce Marie , À ce faire que dit avez.

Assez d'onneur de bien savez :

Pour Dieu bon oignement prenez.

MAGDALAINE

Mes conpaignes, or en venez , Car quant chiez l'espicier serons , Tel oignement achèterons Se le trouvons "qui bon sera.

En parlant à l'espicier.

Dieu qui le monde jugera, Sire, sy vous vueille garder.

l'espicier.

Et Dieu vous vueille regarder En pitié toutes .m. ensemble.

Courrouciées estes, se me semble, Et sy me semblez bonnes dames Toutes .m. et bien preudefames.

Je croy qu'au cuer avez mesaise :

Se j'ay nulle rien qui vous plaise, Dictes-le-moy; vous en arez Sy on marchié que vous vourrez Ne demander ne requérir.

MAGDELA1NE.

Nous venons tel chose quérir Dont je croy qu'avez à planté,

l'espicier.

Dame, se Diex me (Joint sanclé Ma marchandise deviser Vous vueil qui fait à priser ; Et puis après sy en pourrez .

Acheter ce que vous vourrez, Jf'ay poivre, gingenbre et canelle,

ÔOO LA PASSION

Poudre de saffran bien nouvelle, Nois muguettes , pomes garnates, Giroffle, citonal et dates, Garingal, folion, pénites, Cubèbes, rasis, nois confy tes ; J'ay gingenbrant et pignolat, J'ay trop bon sucre violât, J'ay grosse et grêle dragie De girouftlc et d'anis glagie , Poivre lonc, commin, reguelice, Amendes, ris et verdegrice ; J'ay gruel c'on n'a pas pillé, Colon batu, coton fille; J'ay sire jaune et sire vierge ,

J'ay du persin Massidoine;

Je fineroyc bien d'un siroine;

J'ay bon candi t gros et brisé,

Et graine de paradis é ,

Sucre dur pour faire claré,

Gingembre blanc, confit paré ;

J'ay poudre pour bon pignement faire ,

Et ay séens bon laictuaire ;

J'ay poudre de sucre à cassons ,

Et alun plus cler que glassons ;,

J'ay encens gales baie noire

Que je achetay en coste foire,

Et ay de bon mugueliet

Qui en ceste boite cy est;

J'ay bjanc de flour et roige mine

DE NOTRE SEIGNEUR. 3d

Et aultre arquenetc fine ; J'ay vermeillon ettainturc Inde, Figues et raisin de Corinde ; J'ay yaue rose et oille d'olive Autant comme espicier qui vive ;

J'ay brésil, miel et errement, Et de quoy on fait oigne ment; Plusieurs herbes, bonnes espices, Car je me cognois bien en yces Qui sont sus ces sachiez escriptes.

Se rien voulez sv le me dictes : .

J'ay encor moult de bonnes choses En ces .111. boestes qui sont closes.

C'est oignement moult précieux Qui est moult bon et glorieulx À plaies garir et blessure, À gens malades et coupures , A dcsdouloir ceulz qui se deulent Se bien oingdre le corps se veullent :

Fait est de mirre et d'aloé.

.1. oignement bon et loé, Nul ne s'en oint gari ne soit De quelque mebain que ce soit ; Se cil vous plaist sy l'achetez.

magdelàine.

Sire, devant nous nous metez Ce très-précieux oignement , Car c'est quanque je demant.

Trouvé avon ce que quérons :

Vendez-le, sy l'emporterons

Quan paie de l'argent serez.

l'espicier.

Dictes-moy que vous en ferez Et bon marchié vous en feray.

MAGDELAJNE.

Maintenant le vous compteray ; Quant de vous nous départirons Droit à ce monument yrons :

Sy oingderon de Jhesu le corps*

l'espicier.

Dame, par l'âme de ce corps, Se l'oignement voulez avoir Vous me donrez de vostre avoir De bons petis tournois xx. livres.

MAGDELAINE

Or faictcs qui nous soit délivres :

Véez-vous ci l'argent tout compté.

L'oignement où a tant de bonté, Voulons avoir tout maintenant.

l'espicier.

Paie sui, bien est avenant

Que l'oignement vous soit livré,

Dame ; et tantost délivré

Sera, plus ne le retenray.

Ceste grosse boeste petiray ;

Dame, vostre main me tendez :

Veci quanque vous atendez.

Je lavons baille, or la prenez ,

Et vous, dame, ceste tenez.

Elle est mouk fine et moult bonne ,

DE NOTRE SEIGNEUR. 3o3

Tenez, je la vous abandonne.

Ceste cy, dame, vous arez; Bien sçay que bon gré m'en sarez.

Or allez à la sépulture Où Joseph a mis la figure De Jhesu, et vous confortez.

Je vous créant vous emportez Bon pignement et précieux.

M AGDELAIJNE SUS : Weata nabis gaudia.

Beau très-doulz père glorieux Qui tout povez et tout savez , Pour nous mourir voulu avez : >

Las! com ce mes me desront.

MARIA JACORY.

Le cuer me part, le çuer me ront.

Hée, mort! pour quoy a pris ceily Qui onc ne meffit à nully?

Lasse, com ci 3 dure mort.

MARIA SALOMÉE.

Doulz Diex, par grant envie mort .

Vous ont Juifz vilainement.

Je vous vy moult crueusement D'une lance ou costé férir.

s, MICHEL.

Fammes, que venez-vous quérir?

Toutes .111. grant dueil démenez.

Dictes moy pourquoy ci venez, Ne qui vous muet à ci venir?

MAGDELAINE

De dueil ne me puis soustenir.

Jhesu de Nazareth .voulons

3o4 LA PASSION

Veoir, car pour sa mort nous dolons Et il doit huy resusciter.

MARIA JACOBT.

Jhesu quérons qui aquitter Nous a voulu de Panemy.

Pour sa mort je pleur et gémy :

Celle pierre car nous levez.

MARIA SALOMÉB.

Lasse , com mes caers est grevez !

Beau sire, celle pierre ostez; Se oingdrons son corps et sez costez.

Moult forment a esté plaiez.