PREMIER CHEVALIER

J'ay oy ne sçay où sy près Chanter je ne sçay quelle vois En mon dorment ; pour ce je vois

Au monument de çest costé.

En regardant.

Ha hay ! qui puet avoir osté Du monument et descouvert Le couvescle et entrouvert?

Je doubt qu'emblez nous soit Jhésus.

A la mort, seigneurs, levez suz !

A la mort! Tuit sommes troublez :

En nous a ce prophète emblé.

Bien croy que s'ont fait sy traïstres Truans dont il estoit menistres :

A lez, s'en est droit par de là.