DE LA DESPUTOISON DE LA SINAGOGUE ET DE SAINTE ÉGLISE
De Ior mençonges vuelent vivre li mençongier ; Plusor par lor mençonges font lor vie alongier. Clopins sui, uns songières qui sonjai .1. songe ier : Hom mortex ne porroit plus biau songe songier.
Une gent sont qui dient que trestout est mençongc ,
Et niceté et fable et faits quanque l'en songe;
Mes Joseph qui fu filz Jacob, sonja a. songe
Qui fu biaus où si frère mistrent moult grant chalonge.
J'ai .1. songe songié merveillex à devise ; . Volez- vous que mon songe vous esclère et devise ? Je sonjai que .11. dames ont contençon emprise : L'une est la Synagogue et l'autre ert Sainte Yglise.
Or oiez de ces .11. s'il vous plest la rancune : Jà n'en dirai mençonge ne fausseté nis une; Mes ainçois vous dirai le semblant de chascune : Sainte Yglise est vermeille et Synagogue brune.
Ainçois que des .11. dames plus parole façon, Vous dirai de chascune la forme et la façon.
Sainte Yglise ert vermeille, blanche comme .1. glaçon : Toutes autres figures vers la seue efîaçon.
Que fesoit Sainte Yglise, seignor, or escoutez. .1. chalice tenoit, de ce point ne doutez, Oii U sans Jhésucrist vermaus ert dégoûtez , Du costé où li glaive li fu mis et boutez.
D'autre part tint .1. glaive et une blanche enseigne : .111. clos aguz y ot, mon songe le m'enseigne,
Et une croiz vermeille plus que plaie qui saingne : En mémoire de celé est drois que l'en se saingne.
Quel corone ot ma dame de quoi fu coronée ?
De jonc marin, d'espines forment heriçonée, Tele comme ele fu à Jhésucristdonée Quant sa char fu à mort por nos abandonée.
Or ai de Sainte Yglise conté en quelle manière Ele tint son chalice corn dame droiturière. Or vous dirai de l'autre qui f u gonfanonière ; Mult lonc tens mes or est brisie la banière.
Quant Mo y ses estoit des Juyfs connestables, La Synagogue ert dame, c'est .1. mot véritables; Mes des or mes ne sont ses paroles estables : Sa banière ert brisie, quassées sont ses tables.
Ses tables sont quassées, dont aus Juyfs moult poisc ; Sainte Yglise en Galice se déduit et envoise. Des .11. oï le plet, le content et la noise : La vilaine parla ainçois que la courtoise.
Synagogue se drece, qui première parole,
Et dist à Sainte Yglise : « Garce, entent ma parole;
« Tu me dois obéir, tu issis de m*escole.
« — Tais-toi, dist sainte Yglise, vieille ribaude (oie.»
Et quant la Synagogue s'oi clamer ribaude Dire devint plus pâle et plus jaune que gaude. « Tais- toi, dist-ejle, garce ; trop es de parler baude : « Li tiens Diex ne vaut pas plain bacin d'eve chaude.
« — Tais-toi, dist Sainte Yglise, foie vieille froncie ; « N'es-tu ce qu'ïsayes dist jà sa prophecie « Et li autre prophète David et Jérémie « Dont je suis essaucie et tu désavancie?
„ — Tais- toi, chétive foie, ce dist la Synagogue - f « Pour quoi te fez si baude et si nère et si rogue?
4o6 NOTES.
« Por ton Dieu qui ne vaut le maz d'une viez cogue? « Por quoy n'as des prophètea avant tret cest prologue?
« Por quoi? je l' te dirai; bien le te saurai dire. « De rien ne m'en porras, se tu ne mens, desdire: « Se voir dire voloies bien en as la ma tire: « Mes ton cuer qui faus est à fausseté te tire.
« Ysayes fu plains de la grâce célestre, « Qui dist ce sevent cil qui de ta loi sont mestre , « De la raiz Gesse (l) doit une verge nestre, « De la verge une flor ; autrement ne puet estre.
« Bien sez que ce trouvon escrit en Ysaye « Et sachez que la flor est la Yirge Marie; « Jhésucrist fu la flor dont ele fu florie, « Par quoi je sui sauvée et tu por ce périe.»
Lors respont Synagogue où Faussetez repose Et dist à Sainte Yglise : « Tais toi, ebétive chose. « Tu n'entens pas à droit de ceste riens la glose : « La verge fa David et Salomon la rose.
« — Tais- toi, dist Sainte Yglise; que ta langue soit arse !
« Trop as le cuer farsi et plain de fausse far se.
« N'aorèrent l'enfant li riche roi de Tharse,
« Si corn David le dist qui asprement vous jarse.
a — Il nous jarse comment et en quelle manière ? « — Ne l'entens-tu pas bien? la maie mort te fière ! « N'avez-vous le sautier, toute la Bible entière? « En enfer en charrez où point n'a de lumière.
« En toi et es Juyfs a tant.de trahison, « Qu'entendre ne daigniez ce que nous vous dison, « Ne lisiez les prophètes aussi com nous lison; « Par votre orgueil charrez en l'infernal prison.
( 1 ) De la race de Jessé.
« — Li prophète vous jarsent, mes n'est pas de lancete, « Mes d'une lance agite qui n'est saine ne nete, «< C'est de la mort d'enfer; celé est votre de dète ; « Nul ne muert sans baptesme qu'en enfer ne se mète. »>
Lors repond Synagogue dolente et plaine d'ire, Et dist à Sainte Yglise : « Veus me tu donc desdire « Que cil en qui tu crois ne morut à martire ? « Por rien se il fust Diex ne se laissast ocirre.
« Déjà ne se lessast à l'estache attacnier ,
« Ne battre de corgies, ne Y visage crachier,
« Et trop as foie penssée quant tu tel Dieu tiens chier :
« Jà s'il fust Diex issi ne se lessast touchier.
« Li Juyfs li donnèrent mainte bufie en la joe, « A qui feri joèrent de lui tout à la roe.
« Jà ce ne lor souffrist se la force fu soe : « One si foie créance ne vi corne la toe.
« — Tais-toi, maleureuse; quanques tu m'as conté « Fist-il por nostre amor; moult nos fist grant bonté. « De son sanc nous reant de la grant obscurté « Où tu seras toz jors par ta maleurté.
« Chétive mescréant, fausse vieille et vilaine,
« Bien connoi et bien sai de vérité certaine,
« Que la char Dieu prist mort, quar ele estoit humaine ; « Mes la déité pure remest entière et saine.
« Par le péchié d'Adam, voir dit que je le nomme , « Qui mordi sus deffensse comme glous en la pomme, « Fu dampnez toz li siècles; nul ne sauroient la somme « De cels qui dampnez furent ; por ce devint Diex homme,
« Li filz nasqui en terre par le plesir du père « Et nasqui sanz péchié de sa très-douce mère ; « Puis ocist par sa mort la notre mort amère ; « Qui issi ce ne croit droiz ert qu'il le compère,
4o8 NOTES.
« Foie vieille mauvèse et dolente chétive, « Sarrasin ne païen, ne juyf ne juyve, « Ne puéent estre sauf par nule rien qui vive , « Ainz charront en enfer où il n'a fons ne rive.
« Trop es foie et avuegle quant contre moi paroles :
« Je te métrai voir toutes au-dessous tes paroles.
« Tu destruis les juyfs et confont et afoles
« Qui lor commande quirre les maules aus roinssoles (1)
« Les maules aus roinssoles, c'est légier à entendre : ce Messies est venuz, tu le lor fez entendre ; « C'est cil qui en la croiz se lessa pour nous pendre : « Bien t'en saurai reson et solucion rendre.
» Entens selonc les livres bone solucion :
ce Quand Messies vendra perdrez votre élection :
ce II est venu, c'est cil qui soufri passion;
c< Puis qu'il nasqui ne fustes fors en subjection.
ce Quant Jbésucrisz nasqui en terre dignement , « "Votre onction pardistes; di-je voir ou je ment? « Dès lors déusses-tu savoir certainement « Venuz est Messies; si est-il voirement!»
Et quant Sainte Yglise ot ceste reson fenie, Maintenant m'esvcillai ; ou nom Sainte Marie Mon songe mis en rime; la rime avez oie :
Diex vous doins bonne fin et pardurable vie !
Explicit de la Synagogue.
(1) Cette locution pourrait se traduire en -quelque sorte par celleci : mettre la charrue avant les bœufs. Tu leur commandes de cuire les maules aux roinssoles signifie : Tu leur ordonnes de cuire les moules aux gouffres, au lieu de: Ta leur ordonnes de cuire les gauffres au moule. C'est, comme on voit, un coq-à-1'âne par inversion.
Page 271 , vers % et suivant» r
LE MEBCnSR.
là pourrez acheter bonne œuvre ;
J'en ai de manières diverses :
J'ay soye rouge, indes et perses;
J'ay soies noires, soies fines
Plus blanche que n'est fleur d'espines, etc.
Il est curieux de comparer rénumération que le mercier de notre
Mystère fait de ses marchandises, avec celle qu'a tracée, de l'appro-
1 visionnement d'un de ces commerçants an moyen-âge, un poète du
xhi* siècle. Voici quelques-uns de ces vers [Dit des Merciers ; voy.
les proverbes et dictons du moyen-âge édités par M. Crapelet) :
J'ai les mignotes ceinturetes, J'ai beax gants à damoiseletes, J'ai ganz foirez, doubles et sangles ; J'ai de bones boucles à cengles ; J'ai chainetes de fer bêles, J'ai bones cordes à vieles, * J'ai les guimpes ensaffrenées, J'ai aiguilles encharnelées.
J'ai escrins à mètre joiax,
J'ai borses de cuir à noiax
J'ai de bon loutre à pelîçôns ;
J'ai hermines etsiglatons (1), Et orle de porpois (2) de mer.
J'ai polain (3) à secors orler
J'ai sonetesde trop beau tor,
J'ai de bons flageus à pastor,
J'ai cuillers de bois et de trenble....
J'ai le poivre, j'ai le corn in.
J'ai fil d'argent à Mazelin, etc.
Voyez aussi la Dissertation sur l'état de l'industrie et du corn-
(1) Sorte d'étoffes.
(2) Bordure de Marsouin.
(3) Polain, sorte de poisson de mer.
merce de Paris au xui* siècle, par M. Depping. On peut consulter également pour des énumérations semblables et non moins curieuses, le Dit des F cures (orfèvres) et le Dit des Boulangers , que j'ai insérés dans mon recueil intitulé : Jongleurs et Trouvères, page 128 et suivantes.
